ماذا ان كان اللقاء بعد عدة سنوات من الالم و المعانات ... ؟
ماذا ان كنت انت نقطة البياض و الصفاء في حياتي ... ؟
ماذا ان كنت انا نور القمر المضيء في عتمة ليلك القاتم الاسود ... ؟🤍🖤
اهل سنتغلب عن صعاب و ذكريات الماضي الاليم التي تلاحقنا مند اول لقاء...
يوسف: اححمم فاتي راه دكشي اللي سمعتي مامنوش راه غي أنور... فاتي قاطعاتو: صافي أيوسف من الأحسن غي توصلنا للدار عفاك . يوسف حس بيها تقلقات ومن حقها تقلق ،ولكن هو عجباتو أما مايهموش هادشي وحس براسو تفاهم معاها ونساجم معاها فالهضرة وكان ناوي يزيد يتعرف عليها ،أما بالنسبة ليه هو ماشي فحال يزن وأنور ،عندو عقلية كاورية عندو عادي يتلاقى مع بنت في الديسكو وعادي البنات ايبغيو ايمشيو ينشطو ،قرر أنهو ما يزيدش يقجر عليها ولكن غايعاود يتلاقاها ضاروري وصلو البنات لواحد البلاصة قريبة لدربهم وحطهم لا نور لا فاتي مابقى كيهمهم شكون يشوفهم ،نور خاصها ضاروري تمشي للسبيطار توقف مع عائلتها اللي محتاجاها دابا . نزلو البنات من الطوموبيل ويلاه أيتحركو وهو ينزل يوسف وقال: فاااتي ، سمحي ليا بزاف كنتمنى نعاود نقدر نشوفك،فاتي أومأت ليه براسها وتمو غادين نور: أتعاودي تدوي معاه فاتي: لا . دخلو لبنات لدربهم وهو يبدا اللي داز يطلع ويهبط فيهم وهوما ولا من همهم. حتى نقزات وحدة كانت واقفة مع العيالات هي نفسها ديك الجارة اللي كانت عايراتها فاتي: إوا أناا بعدا عندي راجلييي كيسلخني ومايخلي اللي يسلخني وحلالا طيبا وغاعما كنمشي لعند الرجالة يحرثوني ويعطيوني جوج دريالات قالتها وهي كتجهد صوتها وكملات: وا العيالات شتي اللي كيبقاو يديرو فيها راسهم شريفات كتلقايهم وسع من البئر وطلقات واحد الضحكة ديال الشلوطيات فاتي يالاه كانت أترجع ليها وهي تقول نور: فاتي فاتي شوفي فية راه تانا عصباتني ولكن ضروري خصني نمشي لسبيطار الله يعطيك الستر ماديريش لينا شي شوهة فاتي تاهي فهمات نور وطلعو للدار مسحو ماكياجهم ولبسو جلالبهم وعاودو هبطو لقاو العيالات ماكينينش هبطو لجيهت الطاكسيات ركبو ومشاو نيشان للسبيطار 📍في المستشفى داخلين البنات كيجريو ومشاو نيشان لجيهت الغيسيبسون نور: عفاك اسماعيل قاديري فين كين البنت: بلاتي نشوف .وهي تقلب في البيسي ديالها. البنت:كين في العناية المركزة طلعو فالسانسور وضغطو على الطابق الخامس. نور مشاك بزربة لجيهت السانسور فاتي:شكرا أختي البنت: هدا واجب تبعات فاتي نور لسانسور وطلعو نيشان لجيهت العناية المركزة،تحل عليهم الباب حتى كيبان ليها عمر فواحد الحالة خايبة وكيبكي ومعنق مو ،نور زادت تخلعات وبدات تاهيا كتبكي وجات لجيهتهم نور: عماار قوليا شنو قالو ليكم أشنو وقع عمر غي شافها وهي ينوض عنقها بجهد وخشا راسو فعنقها وهو كيبكي كيحس براسو منهار وهو ماقادش يعاون الأب ديالو عمر: أنا ماقادرش نعاون با أنور أنا ماشي راجل كنشوف با كيموت وماقادش نخلص ليه تا دوا ديالو با غيموت أنور نور زيرات عليه وهي كتبكي: لا أعمر ما تقولش هكا عافاك نتا راجل وعمي اسماعيل غادي يتشافى ويرجع لينا وغنكملو حياتنا. نور بعدات عليه وحطات يديها على وجهو كتمسح ليه عينيه وكتشوف فيه بعينيها المدمعين فيهم الأمل بحالا كتقول ليه أنديرو أيا حاجة على قبلو ،وعمر اللي كان هايم في عينيها السود لدرجة عينيه ترخاو ونسا راسو . فاتي اللي كانت كتشوف فيهم وكتبكي وفداخل ديالها كتحس بالغيرة وكتأنب راسها على تفكيرها هي عارفاهم خوت وكبرو ما بعضياتهم وخا هي ماشي ختو البيولوجية ولكن شوفاتو ليها ماكيبانوش ديال حب أخوي ،هي خايفة يكون زعماا كيبغيها ،ستغفرات الله وحيدات هاد الأفكار من راسها. نور حيدات يديها من الوجه ديال عمر ومشات عند فطومة عنقاتها بجهد وبركات حداها . أما عمر اللي عاق على راسو ورجع كلس بلاصتو كيتسنى الطبيب باش غي يجي . نور: آشنو قال ليكم الطبيب عمر ضحك استهزاءا: هاه الطبيب قالك مامساليش عندو عملية آخرة نور بصدمة: كيفاش واش ماكين تاحد عندو،قوليهم ايشوفو شي طبيب آخر . عمر رجعو عينيه عمرو بدموع: ماعندناش الفلوس مابغاوش قالك تسناو تايجي طبيب الصباح ،وقالك خصكم تخلصو باش يبقى في العناية المركزة فطومة كتبكي بصوت مرتافع بحالا كترغي: ستين آلف ريال لليلة الله ياربي الله منين غنجيبو هاد الفلوس كاملين فاتي: أنا راه عندي شي فلوس وتابابا أندوي معاه يقدر يعطي شي حاجة نور شافت فصاحبتها اللي فاش ماحتاجاتها كتوقف معاها وقالت:شكرا بزااف فاتي اللي متكيا على الحيط:مابيناتناش نتي راك ختي . نور شافت وفيها وابتاسمات ابتسامة متعبة. في الفيلا ديال يزن كان يوسف داخل ماعاجبوش الحال تا بان ليه يزن وأنور جالسين فواحد الجليسة حدا لابيسين كيجغمو من كيسانهم ومحطوطين حداهم قراعي ديال الشراب يوسف جا جلس وهو مغوبش وهز كاس عمرو وشربو دقة وحدا ،أنور ويزن ديك الساعة شافو فبعضياتهم وفهمو أن صاحبهم مقلق أنور جاتو الضحكة: مالك ماتقولش ليا فتخاتك يوسف وهو يغوت: أنور جمع كرك معايا صافي بسلتي تفووو برهوش وباسل . يزن: مالك قول لينا آش واقع ماتبقاش غي كتخنزر يوسف : ملي هاد الزامل قال ليا ديك الهضرة عليها كنت مآكيتفي التيلي مع الطوموبيل وسمعوه بجوجات يزن:نتا فين وصلتيهم بجوجات يوسف:لدارهم فين أن وصلهم أنور: ويلا سمعو مالهم راه باينا قحبات علاش أنا كتعاير فيا على ودهم يوسف زاد عصبو: شتي كون كانت كيفما قلتي كون ما جيتش دابا أصلا الدرية داخلا سوق راسها وأول مرة تجي لاهي لا صاحبتها أنور كيستهزء :ههه ونتا تيقتيهم سير سير نتا راه مقلوبة عيك القفة وأيا وحدا كتجي لدوك البلايص فيها الذغل ولا نسيت ههه نتا أصلا ماعندكش مشكل تدي وحدة متقوبة يوسف تعصب: أناا دابا غادي نحتارم غي صحبتنا وغنوض نمشي نعس باش مانوليوش خايبين أنور: سير تقود . أما يزن فكان بالو غي معا مولات الكسوة الحمرة وتفكر فاش باسها وشحال كان ملمس شفايفها زوين. أنور قاطع السهوة ديال يزن وقال:هادا ياكما عجباتو ديك ختنا يزن: داكشي اللي بان ليا ماموالفش كيدير هكا أنور:ياك تاهو كان ناوي غي على هدشي مالو دبا بغا يدير فيها شفيف عفيف أنور ماتسرطاتش ليه يعايرو صاحبو على ود بنت:وأصلا أنا بان ليا هز السوارت وغادي للطوموبيل قلت غادية هي معاه لشي بلاصة ماشي غادي يوصلها هي وصاحبتها للدار وأصلا مالو هو طاكسي يمشيو يقلبو على اللي يوصلهوم . يزن ماجاوبوش غي كيشرب وكي فكر واش ممكن تكون هيا أنور:شتي شغدير تانا غنوض ننعس مشا ليا المورال. ناض أنور تاهو ينعس أما يزن بقا بارك تاهو شوية نفض كل الأفكار من راسو ،طلع لبيتو وتلاح فوق ناموسيتو
Oops! This image does not follow our content guidelines. To continue publishing, please remove it or upload a different image.
