مشا يزن بالسيارة ديالو اللي كان سايقها كريم بما أنه الشيفور ديال الفيلا وفنفس الوقت كيوقف على شؤونها .فجأة وقفات الطومو بيل قدام واحد الناطحة سحاب شاهقة العلو وكل ضايرة بالزجاج لاشفتيها تقول نيويورك ماشي كازابلانكا.ديك الساعة نزل كريم من الطوموبيل ومشا للور وحل الطوموبيل باش ينزل منها يزن بكل شموخ وكاريزما لابس ملابس رسمية عبارة عن كوستيم أسود وقميجة سوداء مع الكرافاط .
كانو كيتسناوه جوج ديال الناس قدام ديك البلاصة غي شافوه وهوما يجيو العندو سلمو عليه بكل احترام حيث كيعرفو أنه من أغنى أغنياء المغرب .
الرجل ١:السي يزن الذهبي مرحبا بيك شرفتينا ببقاءك فالمغرب
الرجل 2: حنا ملي سمعنا انك غتبقى ماتيقناش ولكن ملي عرفناك بغيتي تشري من عندنا هاد العمارة تأكدنا
يزن شاف فيهم بجدية وقال: شكرا ليكم ، شفت الصور ديال العمارة اذن مامحتاجينش نعاودو ندورو فيها ،أنا جاي لهنا باش نتكاتبو والفلووس راه أتاخدو الشيك والفلوس اتدوز لعندكم .
الرجل ١شاف في صاحبو: ااهاا ..اهااه واخا مرحبا آجي نجلسو بلاما جا المحامي اللي غادي يقاد لينا الوراق
يزن شاف فيهم بتباث : المحامي قاد ليا الوراق ها هوما عندي ، قراوهم وماتنساوتاحرف وديك
ساعة وقعو باش نقدر نبدا الخدمة ديالي.
الرجال بجوج شافو فبعضياتهم بارتباك كانو باغين يجي المحامي ديالهم ويخلوضوليه فالوثائق تايصدق مخلص ثمن أكثر ،ساعا لقاو يزن مطور وغيخورهم احسن تخويرة...
خرج يزن الوراق اللي عندو حطهم ليهم قدام وجههم وحط السلاح حداه هوما غي شافوه وهوما يقفزو من بلاصتهم ،هو شاف فيهم بازدراء وقال: كنت باغي نكون عادل معاكم ودوز عملية البيع والشراء بخير ونعطيكم فلوسكم كاملة ولكن ملي وليتو معايا في الخواض ،توء تو توء ،عندكم خمسة ديال الدقايق بش تقراو الوراق واللي زاد قرا من موراها أنفركع لمو راسو .
الرجل ١شاف القضية حامضة ولا غي كيقفقف وهو يقول : كككك...كييفاش أسي..دي مم..نين عرفتي؟ ححح...حنا مم.. مادرنا والو
الرجل2: هز راسو شاف فصاحبو بدون جدوى حيت عارف أعمالو الإجرامية غي صاحبو اللي زيدو لهادشي ودبا ولا كيطلب غي يخرج منها سالم ...
يزن وهو كيلعب بسلاحو: ومازال كتسولني؟ دايرها قد راسك وداوي راه هنا تاحاجة ماكدوز بلا خباري هادي عقل عليها كاع الأعمال المشبوهة والعادية كوصلوني أخبارهم هادشي علاش غي ديرو زوين باش تقادو ضوسي حيت راه خناااااز ...وإلااا مابغييتووووش؟ (وقف يزن قدامهم وشير ليهم بالسلاح كيدورو مابيناتهم) نقتلكم كاملين ومايجيب ليكم حد خبار وناخد أنا العمارة فابور
الرجل الثاني : لالالا ... (تحنا لعند رجل يزن) السي يزن لالا عفااااك أناا... الا... أنااا مم.... محتاج الفلوس عندي مشاكل بزاف فالخدمة ديالي الله يحفظك ماتحرمنيش من هه..هاد الفلوس
الرجل ١: اذن كيقودو بينا عندك
يزن حمرر فييه مزيييان وقال: وااازعيم معا راسك ،اللي بحالك كيجيبوها فكرهم وكيموتو بكرييي ، هاد العز الا ماكنتش عندك الثروة غي سير جلس عليه .
يزن ساف فالساعة وابتاسم : سالا الوقت كنتمنى تكونو قريتو مزيان يالاه وقعو .
الرجل 2 ذغيا تلاح على الورقة سينا فيه ورجع اللور أما الرجل 1 شاف فيزن وشاف في الوراق حس براسو تخور كان ناوي على حاجة تاصدق فحاجة أخرى .
مابقا لقا حتا شي حل سيناو بجوج على الوراق وهو يبدا يزن يصفق وقال : مبروك عليكم يالاه خرجو تقودو قبل مانخوي فديلمو شي واحد هاد السلاح...
مشاو الرجال خرجو من الناطحة سحاب اللي كانت ديالهم ومشاو بحالاتهم خائبين ونادمين هلاش دارو هاد التنوعيرة.
يزن بقا كيضور فاديك العمارة الشاهقة وهو كيهندس ليها وختار أعلى طابق يكون ديالو ، وهو يسيفط كلشي لمهندسين ديال الديكور اللي أيقادو ليه العمارة كاملة في ثلاث أيام وقال ليهم يبداو ليه بالطابق ديالو نيشان باش يبدا يجي يقاد فيه خدمتو .
أنت تقرأ
أَنْتِ لِي|YOU ARE MINE
Romanceماذا ان كان اللقاء بعد عدة سنوات من الالم و المعانات ... ؟ ماذا ان كنت انت نقطة البياض و الصفاء في حياتي ... ؟ ماذا ان كنت انا نور القمر المضيء في عتمة ليلك القاتم الاسود ... ؟🤍🖤 اهل سنتغلب عن صعاب و ذكريات الماضي الاليم التي تلاحقنا مند اول لقاء...
