Song:remix tiktok kara sevda xaber sie
صبح صباح جديد ومعاه أحداث جديدة ...
اليوم هو أول نهار لفاتي في الخدمة ،ومن طبيعة الحال ماقداتش تنوض حيت هي بحال الكوالا لاهي لا نور ،بجوجهم رجعو طفاو الصونيت ديال التيلي في نفس الوقت ورجعو نعسو ،حتى كل وحدة ذخلات عليها الأم ديالهم وبدات تجر عليها في الغطا حتى ناضو بزز منهم ...
ناضو البنات غسلو وجهم ودار روتينهم الصباحي ،وهوما كيديوي مع بعضياتهم في آبيل فيديو ،حتى كيتسمع صوت ديال التهراس في دار فاتي والغوات ديال واحد الشخص اللي صوتو معروف ،وهو محسن .
نور اللي قالت لفاتي :هادا مالو تاني ؟ياكما سلخو شي واحد هههه
فاتي: على الله يكونو فرشخوه نتهناو من صداعو ...
ماكملاتش فاتي هضرتها حتى ذخل عليها محسن للبيت ،لقاها كدير الماكياج وهو يجي شدها من شعرها منزلها
محسن: يالقحبة غادا تخدمي عند اللي بحالك ،وكتطلي لوجهك ألمسخة
نور اللي غي شافتو كيفاش دار ليها وهو تبدا تغوت عليه في الآبيل بالمعيور ،شي اللي خلا فطومة واسماعيل ايطلعو كيجريو لعندها للبيت ،حتى لقاوها لبسات جلابتها
فطومة: فييين ..فيين غادا ا. نور مالك ابنيتي .مااللكيي
نور اللي عينيها حمارو وتغرغرو بالأعصاب : وولد الحرااام.. االله يلكيها ليه ع..عوتاانيي كيضربها الله يعطيه الكرض ...خليني نمشي..
فطومة واسماعيل اللي عرفوه محسن حيت شحال من مرة كيضارب هو وعمر على قبل حيت كيضرب فاتي ،جاب الله هو كيمشي مع الستة ديال الصباح أما كون مشا ليه ...
نور : خخ..خالتيي خ..خلليينيي غي نمشيي ..غيي نفكهووم.. غي .غ..مايضربهاااش الله يحفضكم ...
اسماعيل: زيدي زيدي نمشيو كاملين لعندها ،هاويلي السيبة
فطومة: اااه زييدوو كاملين ماتمشيش ابنتي راسك
نور كتقفقف ذغيا هبطاات حلات الباب وخرجات كتجري ،وفطومة واسماعيل كيحاولي ايجاريو خطواتها ،حتى وصلو لدار فاتي اللي كان كيتسمع صوتها كتغوت وتبكي وتعاير وهي تبدا نور كتدق بجههد وكتغوووت
نور: حلووو.. حللوووو عليا هاد الباب ،الله يغبر لأصل جد مكم الشقف حلوووووووووو الباااب....
شي اللي خلا الدرب كامل ايخرج ايطل عليهم ويتفرج بدون حراك...
نور اللي بالأعصا وهي تهز واحد الحجرة رجعات اللور وبعدات ،يالاه بغات فطومة تحذرها
YOU ARE READING
أَنْتِ لِي|YOU ARE MINE
Romanceماذا ان كان اللقاء بعد عدة سنوات من الالم و المعانات ... ؟ ماذا ان كنت انت نقطة البياض و الصفاء في حياتي ... ؟ ماذا ان كنت انا نور القمر المضيء في عتمة ليلك القاتم الاسود ... ؟🤍🖤 اهل سنتغلب عن صعاب و ذكريات الماضي الاليم التي تلاحقنا مند اول لقاء...
