أَنْتِ لِي|YOU ARE MINE

غدر🖤

طلع يزن في السيارة الفاخرة ديالو وطلع حتى المساعد وزادو فطريقهم
المساعد: السي يزن أتمشي للدار يالك
يزن: لا للشريكة
المساعد :ولكن يالاه
يزن: قلت ليك للشريكة
المساعد اللي بدا غي كتفتف ،حيت يزن رجع على غفلة لإيطاليا بلاها يعلمهم .
المساعد :اه ااه واخا واخا أسيدي .
وصلو للشركة وذخل يزن بكل هبة ووقار خلا اللي داز من حداه ينحاني ليه كي بنات كي ولاد أما هو اللي كيهمهم ليهم غي براسو بشوية وهو غادي لجيهة ديال السانسور الخاص بيه والمساعد ديالو تابعو وهو كيتمنى مايحصلش على الوراق اللي شافر ليزن ،دخل يزن نيشان للمكتب ديالو وجلس فبلاصتو كيرتاح وقال:قول ليهم يجيبو ليا القهوة

المساعد: اه واخا واخا أالسي يزن أنا أنقولها لسيكريتيرا .
خرج المساعد لعند السكريتيرا ،بينما يزن ناض مشا نيشان لجيهة ديال الكوفر ديالو فتحو،كان فيه السلاح ديالو وبعض الأوراق المهمة ولكن مالقاش الورقة اللي كيقلب عليها اللي هيا أهم ورقة فدكشي كامل ،تعصب وهو يجر كاع الورق للأرض وبقا كيقلب ولكن مالقاش وهو يغووت : شككووون هاد ولد القحبة اللي وصل ليا للكوفر .(قالها بالعربية)وهو يتم خارج لجيهة ديال السيكريتيرا اللي كانت جايبة القهوة تعطيها للمساعد ديالو وهو يضرب ليها البلاطو تاتهرس كلشي ،وشنق عليها بيد وحدة اللي كانت كفيلة باش تخنقها
يزن: دوي شكون دخل للمكتب دياليي شكككووون
السيكريتيرا: السي يزن ماعرقتش والاه تاشي حد ما ما كيذخل للمكتب ديالك من غير المساعد fabio,
يزن اللي بان ليه المساعد من الصباح وهو ماشي هوا هداك طلق من البنت وحمر في المساعد ديالو اللي كبير شوية في السن وقال :كنتمنى مانتصدمش فيك حيت إلى تصدمت نتا عارف وأنا عارف .

يزن جبد السلاح ديالو وحطو للمساعد ديالو على راسو وهو يغووت :خرجووو ،ديك الساعة كلشي خرج من داك الطابق بقا غي هو والمساعد اللي جاتو السخفة بالخلعة وبغا يبكي
يزن: فابيو دوي من الأحسن ليك فين هوما الأوراق .
فابيو تحنا على ركابيه: السي يزن سمح سمح ليا بزاف واللهما لخاطري أسيدي راه كيهددوني أيقتلو ليا ولادي أسيدي .
يزن اللي بقا غي كيشوف فيه وهبط السلاح من على راسو وقال: فين الوراق
فابيو: عطيتهم ليهم
يزن: تفو على نهار كيدير موصيبة هادي
بدا يزن غي كيدور وهو كيحك على راسو حيت هاد الوراق هوما اللي فيهم التوقيع ديال الناس اللي أيشريو من عندهم السلعة وإلا تلف هادا دوك ناس يقدرو يتعاملو مع واحد آخر ومايمكنش تبقى سلعة حاصلة عندهم في الديبو .
يزن هز تيليفونو وعيط ل ألفونزو
يزن: السلعة واجدة دابا ؟
ألفونزو :اه يالاه قادوها غي دابا في الباطو
يزن: الخطة تغيرات أنقلعو دابا
ألفونزو: كيفاش واش من نيتك أنقلعو بالنهار والشمس
يزن: ماسولتكش نتا هادشي قولو للرئيس ديالك
ألفونزو وشا نيشان لعند الرئيس ديالو وقال ليه دكشي اللي باغي يديرو يزن ،وهو ياخد ليه التيليفون وقال