أَنْتِ لِي|YOU ARE MINE

حب من طرف واحد😓

صبح صباح جديد ومعاه أحداث جديدة .
فاقت نور توضات وصلات ومشات طيبات الفطور قبل مايفيقو وهي جالسة كتقاد مسمن فاق عمر وتاهي توضا وصلى هو من صغرو علمو الأب ديالو يصلي ودا على هادشي حتى ولا ماكيقدرش مايصليش شي نهار ،وحتى نور علمها تبدا تصلي معاه حيت كيجبو يشاركها كلشي.
كان نازل حتى كيسمع أصوات في الكوزينة وهي تبان ليه كتورق في المسمن ولابسة بيجامة من هدوك البيجامات ديال مراكش وجامعة شعرها بقراصة وحاضية مع البراد ،تكى على الحيط ديال الكوزينة وهو حاضيها كيفاش كتحرك وكتقاد بيديها والقصة ديالها كطيح على عينيها وكترجعها بدرعها ،هاد الحركة كانت كديرها ملي كانت صغيرة وكتعجبو بزاف،تخايلها مراتو وهو يالاه فايق وهي كطيب ليه وعندهم وليدات كيشبهو ليها ,ويقدر يعنقها ويقيسها كيفما بغا وتبادلو تاهي
الحب ديالو ليها ،من صغرو كان كيبغيها ملي كانت عندو هو إحدى عشر سنة فاش جابتها مو معاها وهي فعمر الثماني سنوات كان كيشاركها ألعابو وحوايجو وأي حاجة شراها .
بقى عمر ساهي فيها وهي كتحرك حتى دارت وهي تقفز
نور:آربيي كنتي أطيرها مني خلعا أصاحبي واتادير الحس واش باغي تقتلني
عمر جا عندها وعنقها :وعلى أنا نقد نعيش بلا بيك
نور كضحك :متافقة معاك علاه كين اللي كيدير مسمن حسن مني
عمر:لالالا وتقولي واش كين شي حد كيديرو حسن منك نتي الأصل والباقي تقليد.
نور:ويالاه هاك الصينية ديها للبيت وعيط على فطومة تجي تفطر راه من الغدا دالبارح ماكلات شي حاجة
عمر :واخا هي اللولة.
مشا عمر هز الصينية وتم غادي طالع للبيت لفوق حتى صونا الباب ورجع باش يحل وهي تبان ليه فاتي
فاتي: اححم عمر صصباح الخير
عمربتاسم :فاتي صباح النور دخلي را نور في الكوزينة
فاتي: اا اححم أنا بغيتك نتا
عمر: كيفاش
فاتي: اللاا زعما بغيت ندوي معاك نتا
عمر: ااه دوي عندك شي حاجة؟
فاتي جبدات الفلوس من جيبها: ههانتا عمر
عمر شاف يدها وقال:فاتي رجعي فلوسك لعندك مانقبلهومش..
فاتي: عمر دبا ماشي وقت هادشي عمي اسماعيل عزيز عليا تانا وبغيت نعاون الله يخليك راني عارفا خصك تخلص اليوم فلوس ديال الأيام اللي بات فيهم في الإنعاش .
عمر: واخا هكاك مانقدرش نقبلهم من عندك ...
فاتي: عرفتي آش دير عارفاك راسك قاسح عتابرني سلفتك وحتا يصح عمي اسماعيل وترجع نتا لخدمتك ورجع ليا هادشي اللي عطيتك وخا ماشي بزاف راه يالاه أيخلص ليك ليلة وحدا .
عمر شاف فيها وشدهم من عندها عارف راسو محتاج ليها فرح حيت بعدا بهاد الفلوس ايقدر يزيد لباه ليلة تالثة في الإنعاش.
عمر: شكرا بزااف والله عمرني ننسا ليك هاد الخير فحياتي وكنواعدك نرجعو ليك بالفائدة
فاتي: ههههه لالالالا مالي بنكة مادخلنييييش فهادشي ديال الريية أخويا حرام
عمر: هههههه دخلي دخلي راه نور دايرة المسمن
فاتي: واه واه وهي تغوت:نوورر دايرة المسمن وماقلتيهاش ليا يالخائنة ولكن ربي الحمد الله كيبغيينييي وجابني معا الوقيتة ديال الفطور وهي تهز يديها للسما:الححمدد الله الذي لاينساني .
نور:وازيدي بركي بركي يالهبيلة راني عارفاك نعاسة مكاتقديش تفيقي بكري وخليت ليك حقك ديال المسمن
فاتي: لالالا صافي سمحي ليا أحبي ضلمتك وهي تبرك وقالت: كبيييي ليااا أتااااااي
نور: واااااااخاااااااا ههههههههههههههههه
هبطات فطومة تاهيا وتجمعو كاملين على الفطور ،كيحاولو ينساو الأجواء ديال البكا شحال قدهم يحزنو ،وحتا نور كتحس براسها نوعا ما متفائلة بما أنها أتقدر تجمع الفلوس واخا بطريقة ما يبغيها لا ربي لاعبدو ولكن هادا هو الحل الوحيد ،أما فطومة اللي كانت كاتاكل فهاد المسمن كتا تغرغرو عينيها
فطومة: تا اسماعيل كان عزييز عليه المسمن ديال نور كان كولا صباح كيقول ليك صايبيه لينا وماكانش كيعجبو مسمني
نور وحلات ليها ملي سمعات فطومة: خالتي ماتخافيش أنصايب لييه كل نهار المسمن ملي أيرجع لينا سالم تفائلو بالخير
فطومة: إن شاء الله أبنتي .
فطرو كلشي تاشبعو وكل واحد ناض يقدي شغل فطومة قررات تمشي للخدمة ماكتنفع بوالو الا بقات فالدار حتى تسالي وترجع للسبيطار وحتا عمر خرج يشوف شي حد يعطيه كريدي أما نور وفاتي فبداو كيطرفو الدار
فاتي: حقا ماقلتيش ليا اش وقع البارح ملي مشيتي
نور عينيها كيبريو: لقيت سلمى ولاقاتني مع مول الشي اوا وطلعوني نغني وعرفتي قال ليا نفدر نذخل عشرين مليون غي فجوج ليلات إلى الكليان عجبهوم صوتي
فاتي: يااربيي ياربيي تقدري تجيبي الفلوس ولكن عرفتي شنو المشكل
نور: اشنو
فاتي: منين أتقولي ليهم جبتي الفلوس
نور عاد سرات معاها: اااه مافكرتش فيها ولا عرفتي اش أنقول أنقول ليه سلمى تزوجات براجل لاباس عليه وسلفاتني بما أن عمر كيعرفها راه ايتيق
فاتي: ولكن نتي عارفاه ماكانش كيحملها
نور: ماعندو مايدير حيت حنا محتاجين الفلوس .
عند يزن اللي كان الليل كامل وهو ناعس فطوموبيلتو من بعد ليلة تعيسة، حتى بدا تيليفونو كيصوني وفيقو وهو يجاوب
يزن: آلو
أنور: واصاحبي تافينك من البارح كيصحابني غي وقعات ليك شي مصيبة
يزن: واش أنا دري صغير
أنور: واودي راك وليتي بحال شي مراهق معدبو الحب الأول
يزن: دبا آش بغيتي
أنور: واجي لللدار أصاحبي
يزن: هانا جاي .ديمارا يزن في السيارة ديالو شعل كارو كماه على الريق ،وشرا قهوة كحلة من الطريق باش يرجع بيها المزاج ديالو حتى وصل للفيلا ودخل لقا يوسف وأنور كيفطرو .
أنور: وأخيرااا شرف صاحبنا المغبون
يوسف: صافي أصاحبي كتبقى تلعب للواحد على أعصابى ،آجي أيزن تفطر
يزن: أنطلع ندوش ونجي
يوسف : الله معاك .
جنان غي شاغفتو فرحاات حيت من البارح مابان كانت أتسطيى وهي كتخايلو معا شي وحدا آخراا ، قاطعات فطومة أفكارها ملي دخلات وهي لابسة الزي ديال الخدامات وقالت :جنان فين هوما البنات لاخرين
جنان : لالة فطومة قالو ليا راجلك مريض الله يشافيه ويشوف من حالو
فطومة: اميين شكرا أبنتي ولكن ماجاوبتينيش
جنان: اااه هادوك البنات جرا عليهم السي يزن حيت كانو كيقولو عليه شي هضرة مامزيناش
فطومة: الله ياربي الله بقينا غي أنا وياك دبا ضاروري خصني نقلب على بنات جداد
جنان: ااااه (وخا مابغات تاوحد تجي باش يبقى يشوفها غي هي )
هبط يزن شعرو باقي فارك مخليه ينشف راسو بحكم الجو سخون كان لابس تيشرت بالكول وسروال جينز زرق وسباديريا بيضا لقا صحابو سالاو من الماكلة ومشاو جلسو قدام البيسين ومشا لجيهتهم
Votew🌚✨