جــحــيم الـعابـرين.!

جرَح-10-

مو ضروريّ تكون مرتاح دائِماً
مو ضروريّ يكون يومك خالِ من المشاكل
مو ضروريّ يكون يومَك كلَة ذنوب
مو ضروري والخّ
بس ضروري تتخطى
ضروريّ تجازف
ضروريّ تكمل الطرَيق
الضروَف من تجيك | تجيك بتحدي وتتحدَاك تتخطاَها
تتحداك تكمل وياهّا
ضروفَك مو عذر لتسخيتك
ضروفَك مو عذر حتى متكمَل
ماكو عذر يخليك تتحطَم
فقط كَمل ،

********

:-بس ماهدئت شهكاتي حتى وانا نايمه تطلع ودموعي تنزل من الرهبه العشته

:-حسيت وانا نايمه علأيد تمسح عراسي بحنيه فتحت عيني واشوف شخص فوك راسي يقره ايات قرأنيه وجان وجهه كله نور ممبين وجهه من النور ويمي من الجهتين ثنين نساء هم وجهن كله نور ويم قدميه شخصين جان كلهم وجهم بيه نور جانو كلهم يباوعولي ويقرون قرأن بصوت هادء وبصوت واحد لحد مخلصو...

:-كل واحد بيهم كال كلمتين لفوك راسي كال "حب عفيف" ولنساء لبجهتين كالن بصوت واحد
"زواج النورين" ولشخصين ليم قدمي كالو
"واذا البحرين يلتقيان"...

:-فزيت على مسحه علراسي وصوت امي تبجي باوعت لأمي وكالت

بلقيس:-يمه بنيتي الحمدلله علسلامتج

:-جنت ما احجي فقط صافنه افكر بالحلم شنو معناهم بحجيهم؟

:-بنيتي تسمعيني...

:-هزيت راسي اي بس ماعرف ليش ماكدر احجي

:-خلت ايده على جبهتي وكالت

:-الحمدلله نازله حرارتج..

:-ردت اكعد وساعدتني امي بالكعده اشوي ودخل ابويه واخواني يركضون الي حضنوني كلهم مبينين جانو يصلون

:-خنكوني خنك ضحكت بخفه امي كالت بضحكه

:-خنكتوه فكو البنيه...

:-بسرعه وخرو ابويه واخويه حسن كعدو يم راسي لين جنت سانده ضهري علسرير يبوسون براسي وخدودي وامي وزينب كعدو يم ايديه يفركون بأيدي ويبوسون بيه كلساع اجره منهن ويسحبنه

:-وحسين وعباس يم رجليه يفرجون بقدمي اجوي يبوسوه وحلفتهم ميبوسوه...

:-ضلو يمي شوي وطلعو كلهم كلولي اجوي نسوان ثلاثه وطلعو كلهم حتى امي واختي حتى ياخذن راحتهن...

:-دخلن عليه زينب العقيله ومعراج وبلقيسه

:-دخلن عليه بعفتهن وعبائاتهن ونقابهن اجن عليه ثلاثتهن سلمن عليه بحراره وتحمدلي بالسلامه تشكرت من معراج وزينب العقيله وبلقيسه لين زوجهه عقيد وهو جاب الدوريات

:-ضلن يمي كاعدات وانا من الخرعه بعدهي ايديه ترجف زينب خلت ايده علأيدي تهدئني وكالت

:-اهدئي استهدي بالله كلشي صار بمشيئه الله وعسى ان تكرهو شيئآ وهو خير لكم وعسى ان تحبو شيئا وهو شرآ لكم...