جــحــيم الـعابـرين.!

جرَح-25-

ابـتـداءً مـن مـيـلاد الامـام الحـسـين اجـعـل هـذا المـيـلاد مـخـتـلـفـاً عـن الاعـوام السـابـقـة ، عـاهـد امـامـك الحـسـيـن بـالتـخـلـص مـن العـادات السـيـئـة ، اقـتـرب مـن الامـام الحـسـين خـطـوة يـقـتـرب مـنـك الامـام خـطـوات ، امـامـك الحـسـين يـنـتـظـرك 🩵.

******

فاطمه:-كعدت من النوم ساعه 5 الصبح صليت وكمت للصاله ابوي هم كاعد يصلي باوعلي وابتسملي
كمل واجه كعد يمي وكال

محمد:-صباح الخير لبنتي الجميله

:-ابتسمت اله بخفه

:-تجين ويايه اسجلج بالجامعه لأنا اداوم بيه.؟

:-بكيفك

:-كومي كومي لبسي حتى نروح نتريك بره وكبل للجامعه اراويج ياه

:-هزيت راسي كمت سبحت ومشطت شعري ولبست فستان اسود ولبست حجاب والنقاب والعبايه خليت تلفوني بالجنطه الصغيره واخذت دفتري يلي سبع سنين ويايه من جنت بيت علي ليهسه

:-جنت اكتب كلشي بيه يومي ليصير ويايه دفتر بيه هواي اوراق كل ما يخلص اخليله اوراق

:-صعدت وي ابوي بالسياره بعد ما لبس زي رسمي ولبس نضاراته لبسني نضاراتي هماتين

:-وكفنه علمطعم نزلنه تريكنه وكمنه جان ساعه ب 7
وصلنه للجامعه جانت حلوه وزينه وصل للقاعه مالته وكفت رافعتله حاجبي

:-ماسجلتني؟

:-تعاي اكمل محاضرتي واسجلج دخلي وياي

:-دخلنه للقاعه لكل سكت بأحترام ولد وبنات مفترقين منا ولد ومن الجهه الثانيه بنات

:-السلام عليكم

:-وعليكم السلام

:-هذي بنتي فاطمه الزهراء جبته ويايه اسجله ف بين متخلص محاضرتي اسجله.. بنيتي شهربانو كعديه يمج.

:-هزت راسه رحت بصفه كعدت هادئه بدون صوت جان شكلي مو مال وحده جبيره جنت ناعمه ف عبالهم عمري 22 مو 27

:-ابويه ضل يشرح بس بجديه وبصرامه يعني صارم بشرحه بارد ملامحه جامده

:-تلفوني دك وسوه صوت ابوي دار وجهه بغضب وكال

:-القوانين التلفونات على وضع الصامت.. منوو تلفونه يدك؟

فاطمه:-انا

:-باوعلي واشرلي اكوم كمت بملل اكلب بعيوني فزيت وخليت ايدي علأذني بخوف بسرعه رجفت من العيطه لأجتني

محمد:-اوكفيي عدللل

:-هزيت راسي بسرعه ارجف شبيه هذا انگلب؟

:-خليي لتلفونن صامت

:-هزيت راسي وخليته صامت كعدت بعد مدار وجهه اجتني عيطه ثانيه ما تحملت اديه ما وكف رجيفه جسمي كله يختض من الخوف