جــحــيم الـعابـرين.!

جرَح-28-

قال الامام علي (عليه السلام)
عامل الناس بما تراه عينك
ولیس بما تسمعه اذنك
واترك وراك كل اثرأ جميل
فما نحن في الدنيا الا ضيوف
وما على الضيف الا الرحيل

______

:-صعدني بالسياره ووصلني لباب البيت نزلت دكيت الباب وهو راح بسرعه جنت ما افكر ابددد...

:-نفتح الباب شفت ابوي وجهه مخطوف واصفر شافني بسرعه لمني بحضنه يرجف

:-دخلني للبيت وانا بس امشي وصافنه دخلت واشوف هادي واخواني وامي ونرجس ورقيه

:-امي كامت رافعه اديه وتبجي اجتني حضنتني حيل تشم بيه شم

:-مرت تقريبآ 15 دقيقه احنه هيج فجأه دفعته حيل اجت تطيح لوما عباس كاضهه

حسين:-لاا فاطمهه لااا

:-عطت بصوت عالي بدون ماحجي بس اعيط ابوي قيدني وانا اتحرك واعيط هادي يريد يتقرب ويبتعد ما يلمسني

:-اجه عباس بيده ابره مهدء تخبلت ضليت ارافس ميحسون بيه من تدخل الجسمي واكعد راسي مسطور احس احد ضاربني عليه وساعه يله اتذكر ليصير

:-حاول عباس يتقرب رفسته بطنه حيل هو ابتعد انا عباتي طاحت ولنقاب بس حجابي على راسي

:-هادي دار وجهه بسرعه وطلع بالحديقه احسه يرجف

:-وهم عباس راد يتقرب وهم رفسته بكليته اعيط ودموعي تنزل جنت ارجف حيل خايفه من الابره اباوعله برعب وخوف

:-وهم رجع وضربته بطنه عاد ابوي نفذ صبره ودفعني حيل بالكاع طحت على ضهري صرخت حيل بألم صار ابوي فوكاي

:-مقيد ايديه وحسن من رجليه وحسين من راسي كاضه حتى لا اضرب عباس

:-تفرفحت اباوع لأبوي بتوسل ودموعي تنزل شلال اجه يقربه لأديه رجعت دفعته بأديه حاولت اكومهم ماكدر ضخمين

:-ضليت اصرخ بهستيريه صرت جني فاره تملصت من بين اديهم وكبل للغرفه وهمه وراي قفلت الباب وكعدت بالكاع لامه رجليه لصدري

:-جسمي كله يوجعني موتني ادري بيهم يردوني اهدء واصير زينه لين بالمهدء علاجي بس المهدء يموتنيي

:-عطت حيل من حسيتهم يدفعون بالباب اسمعهم يصيحون افتحه حتى لا اسوي شي لنفسي

:-اباوع للباب شلون راح ينكسر من دفعهم ضليت ارجف من خوفي ادور مكان اختل بيه باوعت للكنتور

:-كنتور الملابس لمعلكه كبل رحت فتحته جان اكو مجال دخلت وسديته زين حتى لا يبين انا بيه

:-جنت ارجف واشهك بقوه احس اختنكت من البجي نكسر باب الغرفه قبضت على نفسي حيل

:-همه يدورون سمعت ابوي صاح

محمد:-وينهااا

:-شهكت حيل من عاط خليت ايدي على حلكي امنع لصوت بس همه لاحضو وعرفو نفتح باب الكنتور حيل باوعلي ابوي وكلهم يباوعولي اخواني جرني ابوي