مُرجان بزعل : بابا تكفى ايش الي نسكن بقريه ولا كمان ديره !
عبدالعزيز : الرأي رأي جدك يابنت
مُرجان : بابا تكفى والله ماحقدر اعيش فيها
دُرر : مُرجان خلاص صدعتيني
مُرجان : راضيه تعيشين بقريه !!
دُرر : لا اكيد بس خلاص يعني اكيد كلها شهرين ونرجع
ضحكو امهم وابوهم على كلام دُرر الي تحسبها فتره ويرجعون ولاهي مصدقه
مُرجان : اوكي عارفه انها فتره ونرجع بس مقدر وع اتخيلي انو ديره ولاكمان بالشمال !؟
-
"بالمجلس"
لميس : اهلين وشسمك؟
الجوهره : اسمي الجوهره
تولين : بموت ماتخيلت انو بيصير عندي بنت عم جديده
وجلسو يضحكون ويتعرفون على بعض وشخصياتهم ساعدتهم على هالشيء
-
وليد : ياولد قم لاصفقك
سلمان : ياورع هذا فراشي ومكاني
متعب : اهب كل هالسنين ولاغيرت مكانك يالسلوقي
فارس : يموت ولايغير هو والدب الي معه تقول متزوجين
جسار : اعقب يارخمه
ضحك سيف وقال : ياعيال الا ماوحشكم شي ؟
وليد : وش ؟
سيف وهو يقوم يركض : النياق
وركضو العيال وراه كلهم مشتاقين لهلمكان وايامهم فيه لكن الي يخربها وجود اجدادهم الي متحكمين بحياتهم
نزلت روز من السياره ونزلت نظارتها الشمسيه وتنتظر عمها يوصل وتنتظر الماس تنزل الاغراض
الماس : ساعديني
روز : لا تكفين
وبنص كلامهم وقف عبدالعزيز ووراه ايهم وابوه
مُرجان وهي تنزل : بمووت روزي تكفين كيف بنعيش هنا مرا Eww
ضحك فيصل وهو ناقد عليهم : بالديره وتتكلمين انقليزي عز الله فلحنا
مُرجان : اشبك عمي تغيرت لهجتك فجاءه
فيصل : عشان شيبان الديره ماينقدون وامشو قدامي الحين
دُرر : بابا يصير تشيل شنطتي
عبدالعزيز : افا اذا ماشلت انا من يشيل
مُرجان بغيره : وانا ؟
عبدالعزيز : انتي عيوني لك
ايهم : ابشري اشيلها على كتفي لو تبين بعد
مُرجان : اوكي يلا شيلها
ايهم : وشعندها صدقت ذي ؟
وضحكو عليه واتجهو للباب
اتجه تركي للباب يطقه ويتذكر ايامه بالمكان مع اخوانه وزوجته واهله كلهم ، قاطعه صوت احد شيبان الديره ينادي
مساعد: الله يابوعبدالله الدنيا كلها رجعت لهنا واخوانك سابقينك والديره كله تسولف برجوعكم
تركي : ابد والله نلم الشمل
مساعد : الله يوفقكم يارب وعشاكم اليوم علي بالخيمه
تركي : ابد والله ماتقصر ان شاءالله
طلع متعب يفتح الباب ولقى بوجهه ايهم وعبدالعزيز وتركي
متعب : من ؟
عبدالعزيز : عمانك
متعب : اوه اهليين ياهلا والله وبدا يسلم عليهم ويدخلهم ، ونادى الخدم يدخلون الاغراض
ايهم : اهلين والله سامع عنك سوالف
متعب : افا لايكون سامع عني الشين
ايهم : لا ابد ماذكروك الا بالخير
متعب : امش معي للمجلس العيال كلهم هناك
ايهم : ابد والله جايك بس اشوف الاهل واجيك
متعب : تم اجل روز وهي تناظر : وع وش ذا المكان
الماس : خلي عنك بس والله انو مرا كبير وفخم
دُرر : اوكي ماقلنا شي صح كبير بس ايوو شفت غنمات واشياء ورا
نطقت مُرجان بلكنه حجازيه : احلفي كدااابه ، وصارخت بحماس بحط لهم مناكير
روز : حياتي بتجيك جمله وترفسك تموتين علينا
الماس : تكفون بنات بصور معاهم ويمكن فيه خيول يعلمني عليها ايهم
ساميه : يابنات تعالو سلمو على بنات عمكم
دُرر : بنات عمنا؟ ونااااسه
بدو يركضون البنات للغرفه الي فيها البنات ويدخلون ورا بعض
مُرجان : اهلين كيفك شلونك ؟
لميس : الحمدلله تمام
روز : حماس مرا ماتوقعت ان عندنا بنات عم
الجوهره : منجد انبسطت توقعت اكون بالمكان ذا لوحدي بس لمن شفت تولين ولميس انبسطت وجيتو انتو خلاص حرفياً بيصير مكاني المفضل وبدو يتعرفون على بعض
-
سلمان : ياعيال قومو متعب جايب واحد معاه
سيف : ايه شفته يقولون ولد عمي عبدالعزيز
سلمان : قم سلم انت وياه
دخل متعب ووراه ايهم
ايهم بصوت جهوري : السلام عليكم
الجميع ردو السلام
وبدو يرحبون فيه
جسار : الا من جدك انت ؟ سياف ؟
ايهم:لابالله تركي
واختلفت ردود العيال <والنعم، وتشرفنا >
