(Unicode)
'ကင်ထယ်ယောင်း'
ကျောင်းနာမည်ကတ်ပြား ရင်ထိုးလေးတွင် ထွင်းထားသော အမည်နာမ တစ်ခု။
ဂျောင်ဂု ထိုရင်ထိုးလေးကို လက်ဖဝါးပေါ်တင်၍ အချိန်တစ်ခုကြာသည်အထိ စိုက်ကြည့်နေမိသည်။
ပထမဆုံးအကြိမ် တွေ့တုန်းက ထယ်ယောင်း၏ ပုံရိပ်တွေက ဂျောင်ဂု အတွေးထဲတွင် တစိုးတစ ဖြတ်ပြေးနေသည်။
အခုလက်ရှိ ထယ်ယောင်းဟာ အရင်တုန်းကလို ချစ်ဖို့ကောင်းနေဆဲဆိုတာတော့ ဂျောင်ဂု ဝန်ခံပါ၏။ သို့သော် ယခုထူးခြားချက်က လူပျိုပေါက်အရွယ်ဖြစ်လာသည်မို့ ပို၍ချောလာခြင်းပင်။
ဒေါက် ဒေါက်
ကျွီ..
ရုတ်တရက် တံခါးခေါက်သံနဲ့အတူ တံခါးဖွင့်သံကိုပါ တစ်ပြိုင်နက်တည်း ကြားလိုက်ရသဖြင့် ဂျောင်ဂုလည်း ရင်ထိုးလေးကို အမြန်ဖွက်ကာ နီးစပ်ရာ စာအုပ်တစ်အုပ်ကို ဆွဲယူ၍ စာကျက်နေသလို ဟန်ဆောင်လိုက်ရသည်။
"သား"
ဝင်လာသူက အမေဖြစ်သူ ဂျွန်ဆယ်ရာ။ ဂျောင်ဂု လှည့်မကြည့်ဘဲ စာအုပ်ကိုသာ အာရုံစိုက်နေလိုက်၏။
"သားအဖေ Europe မှာ ရှယ်ယာရှင် ရခဲ့ပြီတဲ့၊ မနက်ဖြန် ညနေလောက်ပြန်ရောက်မယ်ပြောတယ်"
"အင်း"
"လေဆိပ်မှာ သွားကြိုရမယ်နော်၊ သားပါ လိုက်ခဲ့"
"ကျွန်တော် အတန်းရှိတယ်"
"အမေ သိပါတယ်၊ ဒါပေမဲ့ တစ်ရက်ပဲလေ၊ တစ်ရက်မဟုတ်ဘူး နေ့တစ်ဝက်ပဲ.. နေ့တစ်ဝက်ပဲ ခွင့်ယူလိုက်"
အမေ့စကားအဆုံး ဂျောင်ဂုထံမှ သက်ပြင်းချသံတစ်ချက်ထွက်လာပြီး လက်ထဲမှ စာအုပ်ကို ပိတ်ကာ အမေ့ဘက်ကို လှည့်ကြည့်လိုက်သည်။
"ဘာလို့ အရေးမပါတာတွေပဲ လုပ်နေတာလဲ"
"ဟင်"
"အဖေက ကျွန်တော်တို့ နှစ်ယောက်ကို ဘယ်တုန်းက ဂရုစိုက်ဖူးလို့လဲ၊ ဘယ်တုန်းကရော အသိအမှတ်ပြုဖူးလို့လဲ၊ မနက်ဖြန် သွားကြိုလည်း အာရုံနောက်လိုက်တာလို့ပဲ ပြောမယ်မှန်း အမေလည်း သိတယ်မလား"
YOU ARE READING
Spring Romance
Fanfictionjeon jungkook x kim taehyung side couple - binhao (zb1) Started Date ~ Jan 6 , 2024 Ended Date ~
