(Unicode)
ပါတီပွဲတွင် တကယ့်အထက်တန်းစားများမှန်း သိသာလှသော လူကြီးတွေက ဂျောင်ဂုကို တရိုတသေ တလေးတစားနဲ့ နှုတ်ဆက်နေကြပြီး ဂျောင်ဂုကလည်း လူကြီးလေးနှယ် ပြုံးပြ ဧည့်ခံနေလေသည်။
ထိုမြင်ကွင်းကိုကြည့်ပြီး ထယ်ယောင်းမှာ ဂျောင်ဂုကို ရှိန်နေမိတာတော့ ဝန်ခံရမည်။ ထို့ပြင် ဒီညမှာတင် ဂျောင်ဂုက ဂျွန်ယန်းလုပ်ငန်းစု၏ တတိယမြောက် အမွေဆက်ခံမည့်သူမှန်း သိလိုက်ရသေးသည်။
ဒါတွေထက် ထိတ်လန့်စရာကောင်းတာကတော့ ဂျောင်ဂုနဲ့ နမ်းခဲ့တယ်ဆိုတဲ့ အချက်ပင်။ အခုချိန်ထိ ဂျောင်ဂု၏ နှုတ်ခမ်းအထိအတွေ့က မိမိနှုတ်ခမ်းပေါ် ကျန်ရှိနေသေးသယောင်။
"စီနီယာ ထယ်ယောင်း"
ဘေးက ဟန်ဘင်းအသံကြားမှ ထယ်ယောင်းအသိစိတ်ပြန်ကပ်ကာ မျက်တောင်လေး ပုတ်ခတ်ဖြစ်သွားပြီး ဟန်ဘင်းကို လှည့်ကြည့်မိ၏။
စားပွဲဝိုင်းတွင် ဟန်ဘင်းနဲ့ ဂန်ဟိုသာ ရှိသဖြင့် တော်သေးသည်။ မဟုတ်ရင် တခြားသူတွေနဲ့ဆို နေရင်းထိုင်ရင်း ရှက်စရာကောင်းပြီး နေရခက်နေရဦးမည်။
"ဂျောင်ဂုကို ကြည့်နေတာလား၊ တောင်းပန်ပါတယ် ကျွန်တော် နှောင့်ယှက်သလို.."
"မဟုတ်ဘူး.. မဟုတ်ပါဘူး.. မကြည့်ပါဘူး၊ ဘာပြောမလို့လဲ"
"ဪ.. အခုမှ သတိရလို့ ပြောမလို့၊ ဟိုတစ်ခါ ဂျောင်ဂုနဲ့ အတူပြန်သွားတယ်လို့ ကျွန်တော်မြင်ခဲ့တာ အေရွန်ကို ပြောတာလေ၊ ကျွန်တော်လည်း အဲ့နေ့ကမှ အေရွန်က ဂျောင်ဂုရဲ့ လုပ်ဖော်ကိုင်ဖက်မှန်း သိတာပါ၊ အဲ့ဒါကြောင့် အခု စီနီယာ့ကို စိတ်မပူဖို့ ပြောချင်လို့"
ဟန်ဘင်းစကားကြောင့် ထယ်ယောင်း ရင်ထဲ ရှက်စိတ်ကလေးများ အနည်းငယ် ဖုံးလွှမ်းသွားပေမယ့် ဟန်ဘင်းနဲ့က ဒီစကားတွေ ပြောနေကျမို့ သိပ်တော့ ရှက်မနေတော့ပါ။
"ဘာမှမဖြစ်ပါဘူး၊ ငါစိတ်ထဲ မထားဘူး"
ထိုညနေက မျက်ရည်ကျသည်အထိ ဝမ်းနည်းခဲ့တာကိုတော့ လျှို့ဝှက်ထားလိုက်ပါမည်။
YOU ARE READING
Spring Romance
Fanfictionjeon jungkook x kim taehyung side couple - binhao (zb1) Started Date ~ Jan 6 , 2024 Ended Date ~
