شجاع و أسيل

السلام عليكم
قصتي حقيقيه وما زالت ساريه لهذه ألحظه بين شجاع وأسيل
أعرفكم عن نفسي اني اسمي:علي  معروف بأسم شجاع  هذا الاسم هم اله قصه بعدين احجيها
عمري طبيت ب ٣٠ سنه
طولي ١٧٠
وزني٦٣
أوصافي حنطاوي فاتح صاحب شوارب وحواجب ثخان عيوني جوزي فاتح كلش قريبه للعسليات
وجه دائري موجود مقاطعي ع التيك توك هذا حسابي srt_28_26
بدايه حياتي الي اذكرها راح ابدّي من جان عمري ١١سنه
احنه ٦ اخوان ماريد اذكر اسمائهم اني بعد اخوي الجبير يعني ثاني واحد
والدي جان بزمن صدام يداوم يعني بالحزب وكلكم تعرفون بزمن صدام الي ما ينتمي للحزب ما تمشي اموره
مثل وضعنه هسه إذا ما تنتمي لحزب معين امورك ما تمشي المهم
صار السقوط بسنه ٢٠٠٣ وهنا راح تبدي المعانات والطياح الحظ 😫
بعدنا صغار اني وخوي الجبير وتكفلنه بمصرف العائله لان اجت فتره ابوي غاب عن الأنظار لان من صار السقوط
اكو هذوله يجون يدورون ع شكو واحد جان عسكري بزمن صدام وياخذوه ف ابوي راح يم خوالي حتى يتجنب المشاكل
لان ابوي عصبي كلش وما يهاب وعدنا سلاح هواي اكثر من مره اجو علينا وصار رمي بالسلاح عمامي والشرطه وجيش المهدي
ف عمامي قترحو انو ابوي يطلع من البيت يروح فتره يم خوالي
المهم بقينا اني واخوي ندرس متوسطه ف نشتغل جمعه وسبت عماله ويعمامي لان همه كالو ال ابوي احنه نتكفل بمصرف عائلتك
بصراحه شبعنا ضيم اني واخوي بعدنا صغار مو مال نشتغل عماله 😭😭
المهم ضليت اشتغل لحد ما جسمي صار قوي واني اكبر سنه عن سنه بين الضيم والتعب والدراسه
بالمتوسطه حبيت بنيه اسمها فرقان حب مراهقه يعني هيج كلاوات 😂
جنت اكره شي اسمه عسكريه اخوي ضل كل ما ينفتح تعين يروح يذب معامله هوه ولد عمي
واني اضحك عليهم 😂
مره قدمو ع تعيين ولد عمي كلهم طلعت اسمائهم بس اخوي ما طلع اسمه😂
ضل يكفر بالانكليزي يرفع رأسه للسماء ويسولف وي الله يكله انته تحجي صدك ليش بس اني ما طلعت اسمي هههههههههه
هنا اني كتله الله شاف فايلك بي نقص وشمر المعامله😂😂😂😂😂 جان يجي عليه ركض 🏃‍♂️ يريد يضربني من القهر هههههه
اني انهزمت
اخوي صار عمره ١٨ سنه وتزوج واني عمري ١٦ فرحنه بزواجه اني صار عمري ١٧ ابوي كال يلا اجه دورك للزواج
اني بتسمت 😁 مقابيل بيتنا بيت عمي عدهم بنيه نفس عمري بس شنو ما شايفها من زمان تقريبا ٥سنوات اني ما طابلهم للبيت
اني جنت رافض اخذ من بنات عمي والله 😂😂
ف ابوي كال راح اشوفلك بت عمك فلانه عاد اني هنا رفضت وعصبت 😡 كتله مريد من بنات عمي اريد غريبه
ف ابوي كالي لك بابه شبيك انته اثول بت عمك كبرانه وصايره تخبل وثاني شي بت عمك نعرفها من عدنا وبينا ونعرف شبيها ما بيها
المهم بعد محاولات وزايل من ابوي وتفلتين بوجهي 😂😂😂😂 كتله أفكر ونطيك الجواب وره يومين صاحني كال ها فكرت كتله اي
بس عندي شرط كال شنو كتله اني اروح ع بيت عمي واشوف بت عمي لأن من زمان ما شايفها واذا عجبتني توكلو ع الله وخطبوها
كال ميخالف أخذت سبوع رحت عليهم ع بيت عمي باليل مسير عليهم ولد عمي وعمي وعمتي من سمعو اني جاي عليهم كلهم دخلو. بصدمه 😂😂😂😂 اول تالي علي يجي علينا باليل المهم بنات عمي من سمعو اني اجيت شردن طبن جوه للغرفه يعني يستحن😂😂😂😂 المهم سلمت وكعدت عود اني اجيت كلت بلكت اشوف بت عمي خرب حضي😂😂😂😂 ضليت ساكت اباوع ال عمي صافن عليه عمتي كذلك ولد عمي كذلك ما اكللكم الله يشهد بهذيج الساعه من الخجل بطني صارت سهال 😂😂😂😂 لان ماعندي موضوع اسولف بي المهم اخذتلي نص ساعه وطلعت بس اريد اطلع
وره ٥ اشهر احمد ابن عمي تزوج ف بيوم الزفه اني كاشخ هذيج الكشخه الحلوه طبيت البيت عمي اريد اجيب مي اوزعه للعالم بيت عمي الباب مال المطبخ صاير مقابيل باب البيت ف اني طبيت بوجهي كبل وصلت الباب المطبخ تعرفون البيت بس نسوان بي وبنات عمامي يمه وهنا شفت بت عمي بالمطبخ 🫠🫠🫠🫠🫠 بصراحه طالعه تملخ ف هيه من شافتني كبل شردت إجت عمتي كالت تعال
طب علي كتلها لا وين أطب عمتي تموت عليه والله جان قصدها انو طب شوف الجمال مال بت عمك 🤭😂 كتلها وين مخلين المي
اني أخذت المي ورحت وزعته بس شنو بت عمي وجمالها صطرني صطر بعلي😂😂😂 وره يومين تعرفن عرس ونسوان طابه طالعه وهواي نسوان شافن بت عمي اجو خطابه عليها ف عمي اجه ع عمامي واحد واحد وكلهم اجو خطابه ع بنتي شوفو ولدكم إذا احد يريدها حتى ما انطيهم مره للناس اجه عمي لبوي وهم كاله نفس الكلام ابوي كله اي اني أريدها لبني علي بس اني شنو مادري بيها اجو خطابه عليها ابوي غلس ما كالي بالموضوع عمي كال البنته عمج يريدج ال علي ف هنا هيه طنكرت 😂 لان جانت ما تحبني لان من جنه صغار اني ابسط بيها ونبي😂😂😂😂😂😂 حتى مره نلعب سوه ركعتها طابوكه طلعت دمها ههههههههههههاي
هنا هيه رفضت كالت علي مثل اخوي اني ماريده 😂😂 عاد عمي كلها نجبي ولج وين تحصلين مثل علي
شاب حلو ومرتب ومؤدب وثاني شي ابن عمج أوله بيج عاد باليل ابوي كالي علي اجو خطابه ع بت عمك هنا اني شتعلت نار بداخلي
كتله شنووووو والله محد ياخذها غيري ابوي تفاجئ كال ها لازم شفتها ولك يمنعول كتله يلا كومو اخطبوها بسرعه😂😂😂😂😂
اووووف تعبت
من الكتابه 🥹🥹 قصه حياتي طويله ومشوقه ومضحكه وحزينه هم
إذا تحبون اكمل
كلولي