شجاع و أسيل

الجزء الثالث

رحت ع الواتساب واتصلت واني كلي أمل والابتسامه ع وجهي من تصرفاتها وي بت خالتها
الوو : ها ولج شلونج
هيه: هلا شلونك شخبارك
اني ها شعجب شو اليوم ماكو هيييي ابو صماخ
هيه: علي روح عني روحي طافره ونبي ومالي خلك
اني: ليش شنو صاير شكو ولج احجي
هيه: ماكو شي بس اني مالي خلك
اني: بس لا ضايجه من بت خالتج سمعت متعاركات
هيه: اي صح تعاركت وياها لان دا تعلق ع منشوراتك واني اضوج منها ما احبها
اني : ليش شنو لازم تغارين من عدها هههههه
هيه اننننننننننننننننن
اني:ههههههههههههه اروح فدوه للي تعيييب
اني: لج مو كافي عناد شوكت ينكسر عنادج اني ابن عمج واحبج
هيه: حبتك حيه علي أنت شنو ليش حبيتني
اني :لج والله اني لو ادري عندي بت عم هيج حلوه جان من صغري حبيتج زين انتي ليش ما مبادلتني نفس الشعور بيه نقص مثلا
هيه: لا مابيك اي نقص شاب حلو ومرتب بس انته من اجو يخطبوني الك اني ما عندي تماس وياك ولا شايفتك
صار تقريبا ب٥سنوت
اني: يلا هسه شفتيني مالج نيه تغيرن نيتج
هيه: لا ما اغيرها وراح اكرهك اكثر بعد
اني: يلا براحتج باي
سديت الاتصال واني على يقين انو هذا الكلام مو من كلبها ودا تحجي هيج عناد ودلع 😂
راحت إيام واجت أيام اجو خطابه عليها من ناس كرايبنا بس من بعيد ونفس الحاله اني بالشغل رجعت العصر
طبيت للبيت لكيت الأهل مسوين كيك وعصير مال عصريات بعدني بهدوم الشغل كعدت وياهم واكل
وزوجه اخوي كالت لك علييي اجو خطابه على أسيل اني طاح العصير من أيدي والغضب ترس وجهي
بيني وبين نفسي كلت اني عمي مو يدري بيه ناهيي على أسيل وهددت هذيج المره بالسلاح وكتله أسويها دم
اليوم اكفر بي رحت ع السلاح والغضب عامي عيني شافني اخوي السلاح بيدي كام وكف بوجهي دقيقه علي وين رايح اترك السلاح. كتله ابتعد عني اليوم ما اخلي رب بعقلهم افلش بيتهم وبهاي الاثنا دخل والدي وشافني عصبي والجو مشتعل
اجه عليه وركعني راجدي وكالي جيييييييييب السلاح انطيته السلاح وكال إذا تطلع وتتهجم ع بيت عمك بعد احسب حسابك انته مو ابني وما الك كعده بالبيت رحت الغرفتي والقهر والغضب ماليني فتحت التلفون اتصلت ع أسيل الي هيه بنت عمي ماعرف ليش ذكرت اسمها هنا الكم المهم
الو: الله يساعدج
أسيل: هلا علوش شلونك
اني :ولج شنو خطبوج صدك هذا الحجي
أسيل: ههههه اي اجو خطبوني
اني: ولج اسيل وحق علي اكتلج وكتل الي ياخذج ونتحر😡
اسيل: ههههه شبيك علوش اهدء صح اجو خطابه بس اني رفضت الخطوبه
هنا اني انصدمت ه
اني: تحجين صدك اسيل
أسيل: اي والله اني رفضت
اني: ليش رفضتي شنو السبب شعجب
اسيل : ماريد اتزوج هسه بطلت يلا باي
المهم ما كالت السبب وسدت الاتصال واني رجعت الابتسامه ع وجهي بس ماعرف بوكتها رفضت الخطوبه علمودي لو خايفه من عندي من التهديد المهم هنا اني كلت خل احاجي اهلي يدورولي مره أخطبها ومن اشوف البنيه آكلهم ما عجبتني
حتى اشوف رده فعل اسيل حاجيت اهلي بالموضوع وره كم شهر اجت أمي عليه وكالت اكو بنيه نسابه خالتك عدهم بنيه ونريد نروح نشوفها الك كتلها تمام وره يومين راحت أمي وخالتي شافو البنيه حلوه ومابيها اي عيوب من ناحيه الشكل
وهناك أمي كالت الأهل البنيه جيناكم خطابه ع بتكم اهل البنيه هم معرفين ناس اهل أخلاق وطيب وما طالع منهم شي مو زين وبناتهم هم مؤدبات وينحلف براسهن المهم اهل البنيه كيفو وكالو ال امي بيكم خير وتدللون اجت امي وكالت علي البنيه تخبل أنطيت موعد بعد يومين حتى تروح تشوف البنيه ميخالف يمه طلعت خارج البيت ولكيت الشباب كاعدين اجيت يمهم وكتلهم ولكم باجر اروح اشوف بنيه حتى اتزوج وجلن سجاد ابن عمي اخوها موجود وجان كل هدفي اسمعه حتى يوصل خبر ال أسيل المهم رحت شفت البنيه وجان أمها وأبوها وياها كعدنا وسولفنه والبنيه عيونها ما وكعت للكاع تباوع عليه وتبتسم والخجل مأخذها نفس الوقت واني استأذنت من ابوها وكتله عمي إذا تسمحلنا اني وبنتك نكعد ع صفحه. وأبوها كال عمي هذا من حقك مرخوص وليدي كعدنا ع صفحه اني وياها واني بالي وعقلي كله يم آسيل بنت عمي البنيه ساكته واني ساكت كالت متحجي تكضيها سكته المهم سولف وياها سوالف عاديه بس مراح تعرفون بيهن😂🤣 بالأخير كتلها يلا كومي نرجع يم اهلج كالت ها علي موافق يعني كتلها مو بهاي السرعه نوافق لازم ناخذ راحتنه ونفكر يلا ننطي جواب وانتي فكري ع راحتج كالت اني موافقه بدون ما افكر هنا اني الخجل أخذني 😂 كتلها أنطيني مجال اني افكر كالت براحتك
رجعنا يم الأهل وأبوها كال ها عمي اقتنعت كتله عمي إذا تسمحلنا لازم ناخذ وقت اني والبنيه يلا ننطي القرار كال لا بالله حقكم المهم رجعنا وامي وخالتي ها ولك عليوي بشر اقتنعت😂 كتلهم لا ما عجبتني هنا امي ضاجت المهم رجعنا للبيت وكتلها يمه خلي خالتي توصل خبر للناس اني ما موافق ما عجبتني البنيه جان بوقتها اني ما أخذت تليفوني وياي رجعت فتحت التليفون ولكيت التليفون محترك من المكالمات 😂 من اسيل هنا اني متت ضحك والله لان الخطه دا تمشي مثل ما اريد فتحت إنترنيت ودريتها مزج
ها اسيل متصله عليه شكو
اسيل: انته وين جنتليش متجاوب😡
اني: والله جنت طالع
اسيل: وين طالع احجيييييي😡
اني: رحت اشوف بنيه حتى أخطبها😁
اسيل: ها صدك🥺
اني: اي والله وشفت البنيه و ان شاء الله السبوع الجاي أخطبها
اتصلت عليه
فتحت خط الوو الوو ماكو صوت
ولج احجي الووو يمعوده وجان اسمعها والعبره خانكتها بالكوه اطلع الكلمه
أسيل: يعني صدك علي راح تخطب وتزوج🥺 والحزن مالي صوتها
اني: اي عيني راح اخطبها 😂
اسيل: لعد وين حبك الي شنو بهل السهوله يعني تتخلى عني 🥺
اني : اي انتي مو ما ترديني مو اضل بدون زواج هم اريد اشوف حياتي
اسيل: روح الله ياخذك انته وياها ان شاء الله ما تتهنى 😭 وسدت الاتصال
اني هنا خربان ضحك وفرحان لان عرفت بيها تحبني من صدك ودا تتعلق بيه يوم عن يوم راحت السبوع الثاني
رحت سويت حساب مال بنيه ع الفيس وكمت اعلق على منشوراتي كلها وتعليقات مال حب واني أجاوب نفسي من حسابي الأساسي عود شنو هاي خطيبتي رهف 😂🤣 وره يومين جنت منتضر اسيل تراسلني ع حسابي مال البنيه وفعلا راسلتني
اسيل: مرحبا
رهف: مراحب
أسيل : انتي خطيبه علي مو
رهف: اي عيني منو حضرتج انتي
أسيل: اسمعي عيني اني حبيبه علي اني وعلي نحب بعضنا من زمان ونريد نزوج بس صارت ضروف
وعلي راح خطب بس حتى يقهرني علي ما يحبج تقبلين تأخذين واحد يحب بنيه ثانيه لا اكيد ما تقبلين
هنا اني متت ضحك😂😂😂😂😂
جاوبتها بأسم رهف
كتلها عيني علي يحبي اول ما شافني كال اني موافق يجوز جان يضحك عليج علي 😜 ودريت هذا السمايل
اسيل: ولج احترمي نفسج وتلغين الخطوبه😡
رهف: روحي بابا روحي بعدج طفله مراح اجاوبج
أسيل: ولج شنو طفله بت الخره انعل والديج غصبآ عليج تلغين الخطوبه أبوج احركه
هنا اني حضرتها😂😂😂😂
رجعت راسلتني ع الواتساب
لك هييييييييييي ابو صماخ
غلست ما جاوبت
أسيل: لك وييييييينك عليييييييي خرب
هم غلست😂
أسيل: جااااااوب خرب عشيرتك
جاوبتها
هاااااا شكو شبيج ولج
أسيل : اسمع علي هاي الخطوبه مالتك تلغيها حباب🥺
اني:ليش
أسيل : ماريدك تزوج 🥺
اني: اي احجيييي ليش
أسيل: مادري من سمعت بيك تريد تخطب متت من القهر🥺
اني :شنو بس لا حبيتيني 🙄
اسيل: 😭😭 ماريدك تزوج علي حباب
اني: اسيل شبيج احجي كولي شنو يعني تحبيني
أسيل: اي اي اي احبك🥹
وهنا اني الفرح الي دخل كلبي ما اسولفلكم 😂😂😂😂
اني: اسيل اني بعد انطينا كلام لهل البنيه واتفقنا ع الخطوبه بعد كم يوم ونروح مشيه للعالم
اسيل: لالالا عليك الله😭😭😭😭 والله احبك علي انته مو تحبني ليش تروح تخطب يعني هوه اليحب يروح يخطب
اني: اي غير انتي من وراج غير تعترفين بحبج الي
أسيل: لك انته شنو ماعندك احساس علي يعني معقوله ما حسيت اني احبك من تعاركت وي بنت خالتي معقوله ما حسيت ع الغيره الي صارت عندي من تعلقلك😭😭😭😭
واني خربان ضحك😂😂😂😂😂😂😂😂
باجر اكملكم الأحداث الباقيه😁