شجاع و أسيل

الجز الرابع

من بعد ما كتلها اني وافقت ع البنيه وونطينا خبر ال اهل البنيه وراح نمشي عليهم  بعد كم يوم
وهنا آسيل  تتوسل حتى الغي الخطوبه  واني كتلها لا البنيه احلى منج  ما ألغيها 😂 اسيل ولك
شنو احلى مني تحجي صدك انته رووووووح الله يأخذك انته وياهااااااااااااايا حيواااااان 😭😭
وسدت الاتصال بوجهي  😂😂😂😂😂
عاد اني وره يومين كلت ال اهلي  بابا يلا روحو اخطبو آسيل  ابوي كال شنو شنو ولك اسيل مو خطبناها ورفضت كتله بابا كوم روح انته وامي  وما عليك اسيل من تسمع جايين حتى تخطبون راح توافق بدوون تردد
ابوي كال شنوصاير عراف وتقرءه المستقبل 😂😂😂😂 كتله اجتني كرامه من العباس بالحلم وخلاني اقره المستقبل مال حياتي 😂😂😂 المهم باليل راحو  قبل ما يرحون بيوم المشيه الي ع اساس نروح نمشي ع اهل البنيه آسيل سأله ابوها بابا اليوم المشيه مال علي ابوها كللها لا ماكو يا مشيه ولج    اسل لا بابا مو علي كالي اليوم موعد المشيه. ابوها شنو ولج تحجين صدك شنو علي كالج ليش شنو دا تحجين وي علي يا سخيفه
انتي شلون تحجين وياه وانتي رفضتي من خطبج المهم رزلها ابوها
باليل اهلي طلو عليهم  للبيت حتى يخطبوها كعدو وسلمو عليهم سوالف وضحك واسيل كاعده يمهم وامي شافت اسيل وصاحت عليها تعالي اسوله هنا يمي  هنا ابوي هوه وعمي كاعدين ع صفحه يسولفون  ف امي كالتلها اسوله بصوت ناصي احنه جايين نخطبج ال علي بشري ما غيرتي رايج آسيل بصوت عالي اي اي عمه اني موافقه وجرتها ببتسامه ابوي وعمي صفنو عليها  ابوها كلها عليمن موافقه ولج شبيج 😂😂😂 عاد ابوي كله اجينه نشوفها غيرت رايها لو لا وضحكو   ف آسيل من كالت موافقه رجعت كلت ال امي عمه ليش علي مو خاطب بنيه اسمها رهف واليوم ع اساس المشيه يا ولج جذب علي جذب عليج  وهنا ابوها هم ضحك وكللها شعجب مو ع اساس علي مثل اخوج ورفضتي
هنا أسيل اخذها الخجل وشردت للغرفه فرحانه من الصدمه  وبنفس الوقت صايره اعصاب عليه لان سويت بيها مقلب الخطوبه 😂😂
اني كاعد بالبيت دا اتصفح بالتليفون 
وجان تتصل عليه اسيل فتحت خط وكبل كتلها
اني: ولج وافقتي لو هم رفضتي مثل هذيج المره الثانيه
اسيل: ياااااا جذاااااب يا سخييييف اني اعلمك مسوي بيه مقلب 😭😭😭😭😭
اني ههههههههههههههههاي
اسيل اي اضحكككككككك اني اعلمك ابو صماااااخ😂
اني وافقتي مو ولج
أسيل لععععععععععععععععععع ما وافقت اننننننننن  تعيب عليه عود😂
اني ههههههههههههاي نجبي لج حيوانه لا تعيبين لا اكص السانج
أسيل أعيب وغصبآ عليك شسوي بالله وتضحك 😂 فدوه الضحكتها ارووووح🫠🫠🫠
اني بصيطه اكمشج اكمشج واشوفج شنو اسوي
أسيل لا بالله شحدك
اني اهلي طلعو من يمكم لو بعدهم
أسيل لا بعدهم
اني يلا بيباي
وره نص ساعه اجو اهلي وامي وابوي مبتسمين هههههه كلولي وافقت اسيل كتلهم غصبآ عليها توافق هههههه
ابوي كال ولك شسويتلها يمنعول ويضحك هههههه كتله بابا أمور خاصه بيني وبينها كال دنجب أمور خاصه الاثول 😂😂😂😂 المهم ضليت ملتهي بغرفتي اشتغل بيها وأعدل بيها سويتها تجنن طولت بيها شهرين
وبهاي الشهرين مستمرين اني واسيل بالاتصالات والغزل والسوالف الحلوه 😍 خلصت الغرفه وما طولت
خابرتها وكتلها يومين ونجيب السيد حتى يعقدلنه  حتى يرتبون امورهم للحفله مال العقد
أخذنه السيد وعقدلنه  وهنا هيه سوت بيه مقلب المنعوله😂 السيد يكلها هل تقبلين ب علي ابن فلان زوجآ لكي على سنه الله ورسوله اول مره سكتت ما حجت اني تفاجئت  عاد عليها السيد هم سكتت كل الموجودين صفنو ابوها شبيج بابا ليش ساكته واني وجهي ضل ينطي ألوان  عاد عليها السيد  وهيه اي اي موافقه موافقه وبتسمت
واني كلبي راد يوكع بين إلباسي 😂😂😂😂 كلت لا وعلي رفضت😂😂 كملنه العقد والسيد راح
والنسوان تهلهل لبسنه الحلقات والحفله شتغلت وكل احنه مليانين فرح وسعاده  وبعد ما  خلصنه الحفله رجعت للبيت واتصلت عليها باليل
الوو ها حبيبي سوسو
اسيل هلا عمري هلا كلبي هلا يروحي 😁
اني انتي شلون بالعقد السيد يكلج وانتي ساكته🤔🤔
أسيل ههههههههههاي لعد بس انته تسوي مقلب بيه مال الخطوبه
اني هههههههههههاي هااا يعني وحده بوحده مو اني اعلمج ولج بصيطه
وسولفنه هواي سوالف تخص العرس وموعده  وره سبوع اخذتها شترينا الذهب  هنا هيه ما أخذت ذهب هواي  هيه كتلها شنو يعجبج تاخذينه كالت علي اني ما احب البس ذهب هواي يعني شي بسيط كتلها انتي براحتج شنو اتاخذين شنو ترجعين بكيفج المهم اخذت محبس وحلقه وتراجي وكلاده كتلها أخذي سوارات ما قبلت كالت ماريد
السبوع الثاني رحنه شترينه ملابس الها والي ويانه أمها وأختها وامي هم  واني عفتهم يشترون ملابس ورحت اشتري اليه ملابس اني وابوي واخوي  رجعنا للبيت  وباليل اتصلت عليها وسولفنه
ع الملابس الي شتريناها وكتلها شنو شتريتي
كالت هيج وهيج كتلها باجر اجيكم اشوف الملابس وهيه تضحك هههههه اي تعال
ميخالف ثاني يوم مارحت لان استحي من عمي 
المهم ثاني يوم عمي ما موجود ورحت عليهم من بعد ما خابرته
دخلت عليهم وجانت لابسه فستان 👗 يخبل وهنا اني 🫠🫠🫠🫠 طالعه مثل الكمر
كعدنا ضحك وسوالف 😁  واني جنت احوص اريد أبوسها من خدها بس هاي اختها لازكه يمنا
مثل صكر فويلح 😂 آخر شي كتلها انتي شنو احساس ماعندج مشاعر ماكو ما تكوووومييين 😡
وهيه وشعندي كايمه ما اروح هنا ع كلوبكم كاعده  عاد اجت عمتي وكتلها عمه هاي ألبومه خل تروح
عندي حجي وي اسيل  وزمخت بيها وكامت 😂😂 ضلت حاطه رأسها بالباب وتصنت  عاد اني كاعد يم اسيل ادنيت عليها هههههه آسيل ابتعدت عني وتضحك كتلها شبيج ولج مستحيه شسالفه هيه اووووو علي والله استحي
كتلها شكو حلالي بعد عليمن هل مستحها المهم بطلاع الروح يلا خلتني ابوسها من خدها😂😂😂 
وصلنه الموعد الزواج🥰🥰🥰🥰🥰  وجنت منتضر هذا اليوم مووت هههههه  لان بعد ما اصبر اكثر 😁🤪
المهم  وره شهر واني احضر بأمور الزواج غرفه الأخشاب وتجهيزها  كملت الغرفه وره سبوع صار الزواج
واسيل يم الكوافيره واني يم الحلاق هنا اني طولت ساعه ونص يم الحلاق  بس هنا عندي سؤال شدعوه العروس اطول هلكت يم الكوافيره 😂😂😂😂 جاوبني بنات
المهم للضهر اجت العروس. وصار العصر واني كاشخ بقاط العرس والأهل والأصدقاء كلها تركص فرحانين
وجت سياره الزفه لان جانت بالتزيين  وهنا اني صعدت بيها وابوي واخوي وياي طبينه لبيت عمي ونزلت والنسوان كلها ملتمه وطش جكليت وتهلهل والفرح ترأس وجوهنا طبيت حتى اخذ اسيل وهنا جانت طالعه مثل الكمر الضاوي بدله العرس كعدت يمها والنسوان كلها تهلهل وتصفك ما طولت ١٠ دقايق وحطيت المره بالسياره وطلعنه وسيارات الزفه كلها ورانه ديدددددد ديددددد ديددددددد ادك هورنات 😂  وقسم منهم يركصون وطالعين من الجام هم هنا اخوي شغل اغاني ردح واني ما صيطرت ع نفسي اجتافي كام يهزن وحدها 😂 وكلش فرحان وكل شويه اهمس بذانها وهيه تضحك واخوي وابوي خربانين ضحك والله هههههههه رجعنا من الزفه

لهنا وكافي باجر اكمل الباقي 😜😜😜 وكللكم شنو صار