بعد ما خلصنه مراسيم الزفاف اني واسيل والأفراح تارسه البيت والاقارب تروح وتجي يباركون ألنه
ثاني يوم العرس واني اشاقه وياها وكتلها هاااا العنيده واخيرآ صرتي مرتي وخليتج تحبيني غصبآ عليج
وهنا هيه خربانه ضضحك واني هم اضحك وبعد ما خلصت سبعه العرس. اجيت ال اسيل. وكتلها تعالي
اسولف وياج بموضوع الحياة الزوجيه كتلها العلاقه الزوجيه مبنيه على عده أمور اولها الطاعه التامه للزوج
وكتلها شنو الي يأمرج بي الزوج لازم الزوجه دلكه صار حبيبي وتدلل الي تريده يصير وثاني امر عدم التدخل بالمشاكل الشخصيه بين العائله يعني إذا صارت فد مشاكل بالعائله انتي ممنوع تدخلين بيها حتى ما تخلين نفسج بمواقف محرجه ثالث شي عدم نقل ما يحدث داخل العائله خارج البيت. سواء اهلج او بنات الخاله والى اخره
رابعا عدم اخراج اي كلام ما بيني وبينج إلى اي شخص من العائله حتى زوجات اخوتي ما نتحدث به داخل الغرفه يبقى داخل الغرفه خامسآ إذا فد يوم تردين شي من الزوج او طرح اي سؤال إذا الزوج اكتفى بعدم الجواب ف لا تلحين زايد لان الزوج إذا شاف السؤال وحب يناقش اكيد راح يناقشج واذا لا ف لا تلحين
سابعا إذا الزوج ماعنده المكانيه لتلبيه متطلباتج الزوجيه لا ضغطين عليه اكثر من حده لان ماكو زوج عنده امكانيه ويحب يشوف زوجته عدها نقص ثامنآ الزوج ما يحب يشوف زوجته تغار من فلانه وفلانه يعني إذا شفتي فد وحده من الاقارب مسويه كذا شغله لا تجين يم رجلج اريد اسوي هيج مثل فلانه هذا الشي الزوج ما يحبه
تاسعآ كوني سعيده لسعاده زوجج وحزينه لحزن زوجج عاشرآ عدم مجادله الزوج ورفع الصوت ابدآ حول اي موضوع كان لان المجادله والعناد راح يولد الغضب عند الزوج وحتمال توصل حتى لضرب الزوجه لان طبيعه الرجال عند الغضب تنعمي عيونه وبعد ما يميز وكل مشاعره واحاسيسه تتحول لغضب مدمر ف انتي حاولي ان تلتزمين السكوت وكت غضب الزوج لان السكوت يطفي الغضب وبعدين إذا تردين من يهدء الرجال افتحي وياه الموضوع بهدوء وياه. واخيرآ كتلها إذا الزوجه التزمت بهاي الأمور صدكيني ما راح تصغر بعين زوجها او عيالها بالعكس راح يزداد الاحترام والحب الها وراح تكسب حب الزوج وتعامله وياها وراح يكون الها سند بمعنى الكلمه لان افضل نعمه من الله للرجل هيه الزوجه الصالحه وما اعتقد اكو إنسان ما يحترم هيج زوجه
وكتلها ابدآ لا تستغلين طيبه الرجل إذا جان يحبج ويحترمج لان بالنهايه هذا الحب والاحترام راح يتحول إلى كره
وهذا كلامي ايضآ موجه للبنات الي يشوفن القصه ويقرنها للمزوجات والغير مزوجات
نرجع للقصه هنا اسيل جانت تستمع الكلامي بصمت وبتسامه خفيفه ع وجها واني حبيت هذا الشي
ومن كملت كلامي جاوبتني بجواب كلش حبيته كالت حبيبي الي تريده يصير ان شاء الله أكون الزوجه
الي أسعدك واكون الك سند بالفرح والحزن حزنك حزني وفرحك فرحي وبتسامتك ابتسامتي وهذا كلامك
ينحط تاج على راسي وهنا اني ضميتها وبستها من راسهه
وكتلها بالنسبه الأهلي همه بعد مثل أمج وابوج ابد لا أضواني إذا فد يوم احد سمعج كلمه تزعجج لان هذوله يعتبرون شلون الأهل وماكو بنيه تزعل إذا أمها وأبوها زعجوها فد كلام وكتلها بالنسبه إذا الله كاتبلنه عمر اني وياج إذا صارت مشاكل بينج وبين زوجه اخوي لا تجين تسولفيلي ولا دخليني بمشاكل النسوان
مشاكل النسوان تنحل بالنسوان لأن إذا صار تدخل من الرجال راح تكبر المشكله وماراح تنحل
كالت صار ان شاء الله ما يصير هذا الشي. كتلها لا اكيد يصير وراح تواجهين هذا الشي لان من المستحيل
لانسان يكضي حياته بدون مشاكل او ماراح تواجهه مشاكل
وأحمد الله واشكره جانت الي زوجه صالحه مؤمنه وملتزمه بكلشي وأكثر شي ملتزمه بصلاتها وتعلقها بأهل البيت ومقتديه بمولاتي الزهراء عليها السلام
مرت سنه ع زواجي وماكو أطفال وألسنه الثالثه وهم ماكو والرابعه وهم ماكو وهنا بدء القلق عند اهلي وعند أسيل هم راجعنا هواي أطباء وماكو مشاكل الحمدلله واني من النوع الي امووووووووت ع الجهال وخصوصآ البنوتات😍 وخلال هاي الأربع سنوات اني أواسي بيها وكلها هذا الشي يم الله إلى ان فد يوم اكو مره زارت امي لللبيت وتعرفن سوالف النسوان يسولفن حتى على الجد السابع ههههههه ف هاي المره كالت اكو جيرانه ٩ سنوات ماعندهم جهال وراجعو يم دكتوره وصار عدهم ف خلي ابنج يراجع بالكت الله ويصير خير
ف امي باليل طرحت عليه الموضوع واسيل يمي كاعده خنكتها العبره وبجت لان اني كلت ال امي كتلها موضوع الدكاتره انسي ما أراجع بعد ف من شفت اسوله بجت كسرت خاطري ف رحت الغرفتي اسوله هم اجت وراي وفتحت هذا الموضوع علي حبيبي خل نروح ونراجع والله ميته ع الجهال اريد طفل يونسني 🥹 وهنا اني ما اكدر ع زعلها ف كتلها ميخالف بس هاي آخر مراجعه هيه جان كل فكرها تخاف أزوج عليها ههههههه المهم راجعنه يم دكتوره بالنجف وجات دكتوره كلش شاطره استمرت مراجعتي يمها شهرين بالثالث صار عدنا طفل وما اسولفلكم الفرحه الي صارت بالبيت والصلوات هههههههه بعد انتظار ٥ سنوات صارت عندي بنيه مرت ايام الحمل ٩ اشهر وجنت كلش فرحان اشوف بنيتي الحمدلله اجت ملوكه للدنيه وجانت مثل الكمر على أمها واجت بصحه تامه شايفين الطفل من يصير عمره سنه وفوك شلون محبوب كبرت ملوكه صار عمرها سنتين وجنت متولع بيها هواي وهيه حلوه تخبل ورا شهرين هم صارت عندي بنيه سميتها عسل 😍😍 ورا سنتين هم صارت عندي بنيه وهم سميتها غزل 🥰😍 صارن عندي ثلث بنوتات واني جنت امووت ع البنات ف مرت شهور. اني عندي اهلي من النوع الي يحبون الولد اكثر من البنيه ف اخوي خلفته ٢ولد وبنيه ف هنا اهلي يميلون ع جهال اخوي اكثر من جهالي لان بنات ف هنا هذا الموقف حاز بكلب زوجتي لان حقها تشوف عيالها هيج
ف باليل شفتها مكسور خاطرها خيرج شبيج اسوله كالت لا مابيه شي المهم بعد ما ضغطت عليها سولفتلي
وكالت هذا الموقف صار اكثر من مره أشوفه كتلها شعليج بيهم ما طول اني أموت ع البنات لا تشيلين هم اني ماعندي فرق بين البنيه او الولد بالعكس اني احب البنات اكثر من الولد هنا هيه جان تشبكني وتبجي راح ايام اجت ايام واني هذا الموضوع ما يطلع من بالي مال الولد جان بوقتها محرم ف يوم العاشر رحت الكربلاء ازور وجان أبالي اجرب ركضه طويريج والحمدلله لحكت عليها زرت الامام الحسين وركضت بتجاه الامام العباس
طبيت للعباس والمواكب والازدحام كتل صايره ف مريت من يم بابا الامام العباس الله يشهد عليه هذا النص الي راح اكتبه بكل تفاصيله مريت من يم بابا الامام العباس وجان انعزل انعزاااااال تام بعد ما اسمع شي من رغم المواكب طابه وطالعه وكلها تقراء بالسماعه والازدحام ناس تدفع بناس ما الك محط رجل. اني بعد ما اسمع كلشي والناس والمواكب بعد ما أشوفهم التفت ع باب الامام العباس فارغه هدوء ما يمها اي بشر شفت الامام العباس واكف بالباب مدنك رأسه ويبجي وهنا اني ادنيت عليه ودموعي تتجاره ع خدي واسولف وياه آكله مولاي سوده عليه اليوم ذكر استشهادكم واني أواسي بالامام العباس أكله شلون تحملت كطعو عيالك بالسيوف مولاي ليش هيج
وكتله اخوك حسين كطعو راسه. وجان اسمع نحيب بالبجي مالته وشهك هذيج الشهكه وحق زينب ااااخ يا علي وربي دا اكتب الموقف وابجي 😭😭 سلام الله عليكم سادتي ولعن الله قاتليكم ف هنا اني ناذر نذر إذا أجاني ولد اسمي حسين على اسم أبا عبدلله الحسين ف هنا الامام العباس كالي إذا اجاك ولد شنو تسمي كتله مولاي اسمي حسين وجان هم دموعه كامت تتجاره كال راح يجيك ولد وانته وافي نذرك وفزيت ع نفسي رجع صوت المواكب والهوسه وجان اخوي وياي لكيته فوك راسي ويبجي ولكيت العالم فوك راسي تنحب وتبجي وتصيح هنيالك هنيالك اني كعدت مصدوم ف بعدين سولفلي اخوي كال انته فقدت الوعي يم بابا الامام العباس وكمت تحجي وحدك. وي الامام وتبجي بعد ما كعدت ورتاحيت ودعت الامام وطلعت رجعنا للبيت سولفت ال اسيل. وهم كلمت تبجي كتلها حسوني جاينه بالطريق ان شاء الله وره سبوعين صار حمل عند اسيل وطلع ولد وسميته حسوني وصار عمر حسوني سبع اشهر واخذته ورحت للعباس كتله وسويتله حفله هناك بين الحرمين واخذت حسوني ابني وطبيت للعباس وهناك يم الباب ورفعت حسوني بيدي وكتله مولاي هذا حسين اجه للدنيه وعمره صار سبع اشهر حسوني مثل الكمر والله وكتله مولاي تقبل يجيني حسين بدون عباس وهنا خنكتني العبره وبجيت
كتله حسين يريد اخوه عباس كتله مولاي كمل جميلك وفضلك اريد عباس من شاربك ادعيلي يم الله مولاي وطلعت
احجيلكم على عسل بنتي
عسوله بنتي احلى بناتي كلهن عسوله مثل الكمر والله عسوله إلسانها حلو سوالفها تخبل وشايله محنه عجيبه وخصوصآ وياي. هيه متعلقه بيه تعلق عجيب واني هم متعلق بيها تعلق عجيب عكس كل بناتي الله يشهد
مو تفرقه وإنما هيه عسل كل كرايبي وأهلي وخوالها يموتون عليها مره خالها من كد ما يحبها ويعرف بيها إلسانها حلو اخذها وياه للجامعه أصدقاء خالها ماتو عليها هههههه هيه حلوه عيون كبار ورموش وشعرها داك الرجليها عمرها ٥سنوات جان ف البنات والشباب دا يأخذون صور مال تخرج عسوله راحت يم البنات ذبت وياهن ميانه البنات ماتن عليها ههههههه ف عسل كالت الوحده من البنات ولج انتي شنو تخبلين تخبلين شنو هذا الجمال ههههههه وهاي البنيه ماتت عليها وعلى سوالفها ف عسل كالتلها ولج اخطبج ال خالو😂😂😂 وهاي البنيه ميته ضحك ع سوالفها ف عسل ما تكعد ياهو الي يجي ياخذها وياه يطلعها يؤنسها يعني حتى اني كمت أتصور من كد ما احبها ومتولع بيها كمت اخاف اكول خاف تموت🥺🥺 شلون بيه راحت ايام اجت ايام اني بالدوام وهيه تخابر بيه وتبجي شوكت تجي بابا والله مشتاقتلك أنطيني الضابط اني احجي وياه وكله اريد بابا
ومن انزل للدوام اضل دكل ال أمها يلا يلا بدليلي وكويلي شعري حتى بابا يشوفني حلوه 🥺🥺 وضل واكفه بالباب منتضرتني ومن أوصل قريب ع البيت تجيني راكضه باااااااابااااااا حبيبييييييييي وتشبكني هذيج الشبكه الحلوه وضل تبوس يعني من أكلكم شكد متعلق ب عسل ما تتصورون والله
راح ايام واجت ايام اني بالدوام
تعبان من الواجب كبل نمت واني نايم وجان يدك تليفوني ابوي يتصل عليه ساعه ب ١١
الو ها يابه خيرك اسمع ابوي بس يبجي
يابه يمعود شبيييييك شنوووووو الموضوووع ليش تبجييي
ولك علي ويبجيييي
هنا اني فقدت كلت واحد مات
بابا بس على كيفك فهمني ترا حيلي راح شكو
لك علي عسل ويبجي
اني هنا يبست بدمي وعيوني غركت بدموع
بابا شبيها عسل وحيلي يرجف
ابوي عسل ماتت علي
يمااا هنا اني ختنكت متت بدمي 😭😭😭😭😭😭😭😭😭😭
وكمت املخ بنفسي
ابوي تعال بسرعه انزل من الدوام احنا بالمستشفى
اني بعد مادري بنفسي كمت الصيح جماعتي كلها التمت عليه
المهم نزلت اخذت تكسي للبيت واني بالسياره دموعي تجري يمه بنتيييييييي راحت من أديه😭😭😭😭😭
وصلت للمستشفى ودموعي ع خدي لكيت العالم كلها ملتمه وتبجي
هنا اني فقدت كل طاقتي😭😭😭😭
كتلهم عسل وين
كالو جوه بالمجمده يمه دخيل علي حيلي كله يرجف
أسيل مايعه روحها بالمستشفى وأخوتي كلها تبجي واني اتباوع عليهم
كتلهم طببوني على عسل
طبيت على عسل لكيتها لافينها بالبطانيه 😭😭😭😭😭😭😭😭😭
كشفتها لكيتها سابحه بدمها😭😭😭😭😭😭😭
وهنا اني كتلها🥺😭😭
لا مستحيل واني بلا وعي ومصدوم
لج بابا عسوله حبيبي يروحي كعدي اني جيت من الدوام ليش ما تتلكيني مثل كل مره ليش نايمه ولج بابا
لج عسل عسل عسل بابا مو دا احجي وياج اكعدي يروح أبوج انتي فتحي عيونج بنيتي لا تموتييييين لللللج عسسسسل ولج منو يتلكاني بعد إذا نزلت من الدوام منو يجيبلي المي ويغسل رجليه ولج يبويه والله حيييلي انهد ماعندي طاقه اترجاج اكعدي وهنا صرخت بكل قوتي يارررررررررربييييييي ليش هيج وكمت الطم على وجهي 😭😭😭😭
وهنا جان أفز من الحلم مثل المسودن بعلي ودموعي تجري وكبل خابرت ع البيت
والمره مصدومه ها علي خيرك كتلها عسل وين كالت علي نايمه يمي
يمه هنا اني برد كلبي كالت شبيك شكو كتلها هيج وهيج وهسه فزيت مثل المخبل
وحاليا عندي ثلث بنات وحسوني
وصارلي مزوج ١٢ سنه
وبيتي وحدي
وعايش حياة سعيده وأحمد الله واشكره
إلى هنا وكتفي بذكر قصتي
وخصوصآ الجزء الأخير بي كلام كلش مهم عن الحياه الزوجيه
شـــَـــجاع. و. الـــعنــيـــده
أنت تقرأ
شجاع و أسيل
Romanceقصه حب حقيقيه بين شجاع وأسيل اني شجاع عسكري أداوم بالفرقه الذهبيه عمري ٣٠ افتح بث ع التيك توك حساب التيك srt28_26
