#អន្ទាក់កម្មទឹកភ្នែក
#ភាគទី១៦ (ឆាប់សារភាពមក....)
___________________________" តែខ្ញុំ!!... "
" គ្មានតែស្ករអ្វីទាំងអស់ នាងត្រូវតែធ្វើតាមបញ្ជាខ្ញុំ....ហុឺយ! មិននឹកស្មានថានៅក្បែរនាងតែប៉ុណ្ណឹងសោះក៏មានរឿងរញ៉េរញ៉ៃដល់ថ្នាក់នេះទៅហើយ បើដឹងមុនថាមានរឿងបែបនេះកើតឡើង ខ្ញុំខ្ពើមប៉ះ! " ខ្ពើមប៉ះអញ្ចឹងឬ? គេម្នាក់នេះអាត្មានិយមខ្លាំងណាស់។ កែវភ្នែកនាងក្រមុំកំសត់ចាប់ផ្ដើមរលីងរលោង នាងសម្លឹងមើលមុខគេដែលភាពអាម៉ាស់និងឈឺចិត្តជាទីបំផុត បន្ទាប់ពីត្រូវគេមើលងាយ មើលថោក កិត្តិយសឱ្យនាងបែបនេះ ជាពិសេសវាបានបង្ហាញឲ្យនាងដឹងច្បាស់ថា ទង្វើដែលគេទន់ភ្លន់ជាមួយនាងកន្លងមកព្រោះដើម្បីតែរឿងលើគ្រែតែមួយមុខគត់ បន្ទាប់ពីនោះវាប្រាកដជាលែងមានតម្លៃសម្រាប់គេហើយ ទើបគេចេញចរិតកោងកាចបញ្ឈឺចិត្តនាងទាំងស្រស់ៗនៅនឹងមុខបែបនេះ។
" សុំទោស ខ្ញុំធ្វើមិនបានទេ អូយ!!... " នាងពោលឡើងដោយក្តីឈឺចាប់ នៅពេលដែលគេបន្ថែមកម្លាំងដៃច្របាច់ថ្ពាល់នាងចូលគ្នាតាមកម្លាំងដៃមនុស្សប្រុសព្រមទាំងសម្លឹងមុខនាងដោយការខឹងសម្បារ ព្រោះតែនាងទើបធ្វើឱ្យគេជួបរឿងស្មុគស្មាញបែបនេះ គេមិនសមណាទៅរវីរវល់ជាមួយនឹងនាងតាំងពីដំបូងមកម្ល៉េះ?
" ត្រូវតែបាន "
" ខ្ញុំដឹងខ្លួនឯងច្បាស់ណាស់ថាខ្ញុំត្រឹមតែជាស្រីបម្រើម្នាក់ ទោះជាចិត្តចង់នៅក្បែរលោកខ្លាំងយ៉ាងណាក៏មិនអាចទៅរួចដែរ តែ.... " នាងព្យាយាមខាំមាត់សង្កត់ចិត្តនៅពេលដែលទឹកភ្នែកចាប់ផ្ដើមជនជោរមកកាន់តែខ្លាំង នាងអួលដើមកសឹងតែនិយាយអ្វីមិនចេញ ព្រោះមិននឹកស្មានថាមកជួបជាមួយនឹងមនុស្សដែលគ្មានទំនួលទទួលខុសត្រូវគឺជាគេម្នាក់នេះទាល់តែសោះ។
" តែលោកស្រីមិនយល់ព្រមឡើយ គោលបំណងរបស់គាត់គឺចង់ឱ្យពិធីមង្គលការមួយនេះកើតឡើង "
" មានន័យថាម៉េច? ម៉េចក៏នាងដឹងថាវាជាគោលបំណងរបស់អ្នកម៉ាក់ខ្ញុំ? " គេអោនមុខមកជិតនាងដោយការដាក់សម្ពាធទាមទារយកចម្លើយរហូតទាល់តែនាងធ្វើខ្លួនលែងត្រូវ។
YOU ARE READING
អន្ទាក់កម្មទឹកភ្នែក |•sunki•|
Mystery / Thrillerជីវិតរស់នៅជាកូនកំព្រាវាជាជោគវាសនាដ៏គួរឲខ្លាចណាស់ទៅហើយ ប៉ុន្តែអ្វីគួរឲខ្លាចជាងនេះទៅទៀតនោះគឺការបានបុរសម្នាក់នេះ។ មានឈ្មោះត្រឹមតែជាសត្វក្អែកដែលត្រូវបានគេលើកតង្កើនឲក្លាយមកជាសត្វហង្ស តែជាហង្សដែលរស់នៅក្នុងទ្រនំទឹកភ្នែក...ជាហង្សដែលទទួលរងនូវទណ្ឌកម្មស្នេ...