لدغه سامه

البـارت السـادس والعـشرون

#لدغـه_سامـه
#‏الكاتبه اسيـل الـراوي

رجع بس الندم بچدامة گايد بي
وفز دخان گلبي وواگف يدّلي
وگلة الينغلب وتلوم بيه الناس
مثل المشتعل بس بالگطن تطفي
رجع  بس الخمول الي برگبتة تگول
كاتلة سلف وللمشنقة مودي
وگابلني وسكت ويسكت المنة الصوج
وانتَ تباوع وزلاتة التحجي
وحجة وجايب عذر ما ينفرشلة فراش
بحيث يسولفة بس ما مصدگ بي
ابو گلب النظيف يعدل الملثوگ
من اول عذر طيحت كل ماضيّ
اجة بوكت الزرع طمطم عيوب الگاع
على يا بوگة اذكرة وضاع اثر رجليه
دخل الزم عبرتي الينهضم هذاي
اخاف احجي الصدگ وانلام متحاشي
جنت بصدمتي وما اميز الحاجوز
من الطاگني من الموجر بي
مثل البلحلم يغرگ بنص الماي
لچن من يفز تلگى العطش گاضي
وصحيت وميزت ريج المواقف غار
ولا غيمة حطب بالجذب وتلاگي
بهضم چيمت هدمي وگلت اتاني الغيم
وماية گبال عيني بلهفتي يبدي
لاني الشاربة ولا يسد فطر الگاع
المصيبة اگرب لناري ومدري شموازي
وطفت ناري ومتت من العطش عريان
وطحت فوگ الرماد وخفت لا يذري
المهم گلبي النظيف يعدل الملثوگ
ومن اول عذر طيحت كل ماضي

••••••••••••••••••••••••••••••••••••••••••••••••••••••

اغـادير…

ركضت وره نواهل الي لبست عبايتهه وتركض ركض …ويننن رايحهه فهميني شبي حبيب

نواهل:وخري وخري خل اطلع

لزمتهه من ايدهه اعتب بيهه…احجييي شبيي حبيب

_مابي شي وخري يريدني بسع

طلعت وامي وراهه طلعت بدون عبايه وشال وتلطم جريتهه دخلتهه

مرت ساعتين وماكو لبست عباتي اريد اطلع

ام حبيب:ولججج ويننن طالعه بنص لييل فهمينييي

_يمه رايحه بيت شيخ شوي واجيكم

_يايمه روحي للولد شوفيهن يمهم حبيب لو لا روحي يمه

طلعت واني اسمع صوت چلاب نص ليل كل الي اعرفه حبيب بلبستان فقط رحت ناحيه البستان ادور واعيط …حبيببب نووواهللل وينكمممم

مشيت خطوات شغلت تلفون اضوي رغم اكو ضوه خفيف بس عيوني مغوشه من دموع احس ماجاي اشوف شي

عبرت ع سايد بستان بيت شيخ شفتهم كاعدين جوه شجره تقربت ابجي حضنت حبيب …خوويهه ويننن رحتتت خوفتنه عليككك وين رحت

حبيب:هايييي شجابچ موكتلجججج نواهللل قفلييي الباب

نواهل:شمدريني من كتلي بسعع اجيت ديره باب امشينههه نروححح امشي لا يذبونهه براسك كلشي يصير

_شنووو صايررر فهمونييي شبي حبيب وليشش هيج ملابسككك متربه وين جنت انته

عاط بصوت كمزني…مابييييييههه كومننننن رجعننننن للبيتتتت