لدغه سامه

البـارت التاسـع والعشـرون

#لـدغه_سامه
#الگاتبه_اسيـل_الـراوي

وَفي صبح وَقفت أمام مرأتي
وَقد بانت على وَجهي خَساراتي
أرى شخصاً
شخصاً على المرأة يَكرهني
وَما اقساه كُره الذَات للذاتِ
وَأسترجعت بعضا من الأيام
ذاكرتي لتأخذني إلى اقسى
محطاتي إلى حُب قدَيم في
مدينتنا إلى وَقت بهِ اختلفت
قناعتي فَما فارقتُ قُرب الناس
من عبث وَلا اقوى على ملئ الفراغاتي
ولكنَ جَرح من الاحباب اقنعني ان
القَريبينَ أولى بالخَساراتي
إنَ الحقيقه تبقى؟؟!
حب والدتي
وحُب النَاس في عيني خُرافاتي

•••••••••••••••••••••••••••••••••••••••••••••••••••

فـي…

كاعده الم بملابسي بلجنط واني دموعي ماوگفت دخلت تماضر

تماضر:شجاي تسوين

_مثل متشوفين

_گلج اسحاق

_دريت ماداعي ابقه حته لو ابات بشارع

_هدي في لاتاخذين القرار ابقي ع ذمته وكملي دراستج مابقه شي وتبدي

_ضحكت باستهزاء…محد يفهمني وصدك لو كالو محد يحس بلوجع اله صاحبه

تنهدت كعدت كبالي لزمت ايدي…انتي مثل اختي صدكيني واحبج واعزج بس مو بصالحج تعوفين البيت وترحين حاولي بلگي يرجعلج اسحاق ويحبچ

_صفنت بوجهه واني اردف…الوجع الي احس بي محد كادر يحس بي حياتكم ماشيه ومحد داري عني
لحد لان اخوج مالازم طرف اصبعي اخوج مايريدني مثل مرته يريد يخليني علمود لا ابوي يذبني وميستقبلني

تدرين مره حذرتيني من الي صار وهسه ياريت سامعه كلامج وبوقتهه ماجاوبت عليه ولاصدكت بحبه سهل عليه يلعب ويحب ورطني بدوامه زواج تالي منو يحلهه لازم اسكت وانجب وارضه بقسمتي

اني هاي مو قسمتي وربي ادري ضاملي شي احسن وبعوضني بدراستي ويجوز اهلي ينصلحون ويعوضني ربي بيهم بس اسحاق ماراح يكون العوض صدكيني
مو كلشي نريده نحصله واني من حبيت وردت ماحصلت مو لان اني حضي فكر بس ربي يريدني احسن اني ثاقه انو هاذ اختبار بس اريد اطلع من هلاختبار واشطبه من حياتي

تماضر:صح وياج الحق وربج كريم بس انتي هسه راح طلعين من دون علمه

_غطيت وجهي بايدي…كليلي شنو الي اسوي تعبت من كوني اطلب طلاك نذليت هواي اني شايفه تنذل عد غربه بس اول مره اشوف ذله عد اهل