#لـدغه_سـامه
#الگاتـبه_اسيـل_الـراويأنا في عَزلة،والعزلة الداخلية أقوى واصلب من ذاك الذي يحشر نفسه في حجر...
•••••••••••••••••••••••••••••••••••••••••••••••••••
نـواهل…
كعدت اسوي روبه همزين متعلمتهه شافتتي اغادير ضحكت…ها شني اليوم روبه
_ابتسمت ايي سويت لو تردين اكو وحده صارلي 3 ايام من مسويتهه صبيلج
_لا عمري ماريد رايحه اقره
_شدي حيلج دكتورتنه
_هزت راسهه …من عيوني بس ادعو بلامتحانات ماجفص
_الله يسهلج لامتحان
راحت للغرفه گملت ورحت شفت ابحار تصفط بلخبز شلته ولبست عباتي اودي للعالم افتريت ع المنطقه دگيت الباب ع بيت ساده شافتني المره ابتسمت …ياهلا ييمه خبيزاتج حارات
_اي خاله حارات
_انطييني ييمه بالف
_قسمت الهه بعلاگه وانطيته الهه
انطتني الالف ردت اروح استوقفتني …اوكفي خاله خل اجيبلج شغيله
راحت استغربت شنو تنطيني شوي وحسيت صفه سياره سوده يم بابهم نزل منهه رجال يجي عمره بلاربعينات بس كلش مرتب صعد يريد يدخل للبيت صرت ع صفحه سلم رديت سلام ودخل
شوي واجت الحجيه بأيدهه سفري استغربت…شنو هاي خاله
_هاي يمه بقلاوه صباحيات الله رحت للسوك وذكرتچن بيهه
_ياعمري ياخاله مشكوره ليش كلفتي نفسج
_شسالفه يمه تاگلنهه بلهنا
ابتسمت برضا ورحت دخلت للبيت انطيتهه للبنات
بليل خابرني شهاب رديت عليه حجيت وي اغادير اگلتني وشربتي تنهدت عفتهه ورحت يم امي بلغرفه
گعدت ع رچليهه واني عيوني تريد تبچي بس مسيطره گوه ع نفسي وساگته
يومنه عباره عن شغل بشغل كاضينهه نرگض ع لگمتنه
رحت بلهول خذت تلفوني طلعت رقم شهاب …الوو هلوشهاب:هلا بيج
_ها بشر لكيت
_لگيت بكربلاء بس البيوت غاليه انه افضل لو تشترون بيت احسن من الايجار
_تعرف الي صار بحالنه وماجواي بس مصرف البيت
_انه راح اشتريلگم وكعدو بي
_لا لامااقبل تشتري علمودنه رجائآ شهاب لتحرجني
_نواه…قاطعته…لا اني ولا خواتي راضين عطفك علينه وصدكني لو ما انت القريب عليه مااطلب منك شي
YOU ARE READING
لدغه سامه
ChickLitشفته كبالي عيونه حمر اجه تقدم ناحيتي _اييي يبنت نجيد هين خططج وفريهن نفسج لاتلعبين بلنار _ههههههههه لعب نار حلو ناويه اطفي ناركم بيدي شنو رايك _تطفه روحج وكلبج ويطفه كلشي بس حقدج المايطفه تخسرين نفسج فقط وحياتج تتعاملين وي ناس اشبه بلاسود _لاسود ن...