لدغه سامه

البـارت الثـاني والثـلاثـون

#لـدغه_سامـه
#الگاتـبه_اسيـل_الـراوي

.المشاعرُ المكتومة لا تموت أبدًا، إنها مدفونةٌ وهي على قيد الحياةِ وستظهرُ لاحقا بطرقٍ بشِعة.".

•••••••••••••••••••••••••••••••••••••••••••••••••••

اغـادير…

_اي موافقه ع گتله

اشوفهه صفنت عليه دك جرس ورجعنه للصف مرت دروس اشوفهه هيه شارده ماتحجي

صارت الحله طلعت اني وياهه نمشي بطريق …شو ساكته

_سالفه مو خاليه اكو انه بلموضوع

_شقصدج

_انتي بحجيج تعرفين اخوج يحب اختهه وناوي يخطبهه لو ماصار هلمشكله فهوه قبلهه كايللجن انو لاگيهه بلبستان

هزيت راسي اردفت…زين بس اريد اعرف هيه شجابهه

_هزيت اكتافي بمعنى ماعرف

_زين اختج اول وحده راحت هناك ماجربتي تسئلينهه

درت وجهي ناحيتهه …عن شنو قصدج هيه كلتلي شنو صار

_بس ماعرفتي تفاصيل كامله حاجيهه وتأكدي من كلامهه

_هزيت راسي…حجيج صحيح هيه مكالت شي فقط معتدين ع بيت شيخ

مشينه لمن ماوصلت للفرع ودعتهه ورحت البيتنه دگيت الباب محد فتحه دگيته حيل فتحته ابحار شفتهه وجهه احمر…شبي وجهج شنو باچيه !!!

_لا مابيه شي بس يمكن حساسيه

سديت الباب لزمتهه من ايدهه…احجيي صاير شي
انتي معندج حساسيه اصلا

اشوفهه ساكته جريتهه من ايدهه دخلت للبيت واشوف نواهل كاعده ودموعهه تنزل تخبلت…شبيجنننن تتباجن فهمنييي
شفتهن ساكتات …ماتحجننن موو جاييي احجييس وياجن
دارت عيني ع الزاويه مخليات جنط بيهه …شنو هاي ليش الغراض ملمومه

نواهل:نشيل خابروني باجر يجون يتأكدو…قاطعتهه بضحكتي
ذبيت جنطتي بلكاع واني اردف…عبالي مدري شني تتباجن ثاري لان مخابرينج واصلا انتي منو عاتب عليج تلمين الغراض

نواهل:ليششش ماخذه الموضوع بسهوللله

_ابتسمت بوجهه…شتريدني ادك ونوح مثلجن واصلا ليشش ابجي ع شي مايصير ايقنن انو البيت ماراح نشيل منه خلاصصص

ابحار:اييي مو البيت باسمج لو انتي فد وزيره ويسمعون كلامج ماسكتيننن

_سديي حلكججج انتيي مو ع كلشي تنزلن دموعجن لاتخلن دموعجن رخيصهه خلنهه غاليه كافي عادد جايه تعبانه وجوعانه كملتن الاكل

جرتني نواهل من ايدي واردفت…بسسس اريددد اعرفففف انتييي شبيججج صرتتييي كتله مال بروددد ليشش تحجين واثقه من كلامججج بسسس لاتسويلننه سالفهه جديدده احجييي