Uni
"ဒီနေ့မင်းမိဘတွေအိမ်ကိုအလည်သွားရမယ့်နေ့ပဲ မင်းသွားဖို့အဆင်ပြေရဲ့လား.."
"..ပြေပါတယ်.."
ဟီနာက အိမ်ကိုသိပ်ပြီးမခုံမင်ပါပေ။ သူက အိမ်ရဲ့အပယ်ခံဖြစ်ပြီး ဝမ်းစာကိုတောင် ကိုယ့်ဘာသာရှာစားခဲ့ရသည်။
တစ်နေ့သူတောထဲ အစာရှာနေတုန်း ထိုခေါင်းဆောင်ဆိုသူနဲ့တွေ့ခဲ့တာဖြစ်သည်။ စတွေ့ခဲ့တဲ့ပုံစံကိုပြန်တွေးမိတော့ သူအလွန်ရှက်သွားတော့သည်။
"စားလေ မျက်နှာနီရဲပါလား..နေမကောင်းဘူးလား"
"ကောင်း..ကောင်းပါတယ်.."
"စားပြီးရင် သွားကြရအောင်.."
"ဟုတ်ကဲ့..ယောက်...ယောင်္ကျား"
ခေါင်းဆောင်ရဲ့ ခမ်းနားလှတဲ့ ဝေါယာဉ်ကြီးက ဟီနာမိဘအိမ်ရှေ့တွင်ရပ်လိုက်သည်။ နှစ်ယောက်သားအထဲ ဝင်လိုက်သောအခါ နားရွက်ချိတ်မတတ်ပြုံးကာ ကြိုဆိုနေတဲ့ သူ့ရဲ့မိသားစုကို ဟီနာတွေ့လိုက်ရသည်။ အရင်တုန်းကတော့ ထိုသူတွေက သူ့ကိုပြုံးပြဖို့နေနေသာသာ တွေ့တာနဲ့ အော်ငေါက်တော့သည်။
"ခေါင်းဆောင်တို့ရောက်လာပါပြီလား အထဲကြွပါ.."
ဟီနာရဲ့အဖေက ဖိတ်ခေါ်လိုက်သည်။ ဟီနာကိုတော့ သူ့အမေက လက်မောင်းကိုဆွဲကာ ခေါ်ခဲ့လိုက်သည်။ သူ့အမေဘေးမှာတော့ သူ့အစ်မ၊ညီမတွေရှိနေသည်။
ဟီနာကျန်ခဲ့တာကြောင့် အာသာကအနောက်လှည့်ကြည့်သေးသည်။
"ခေါင်းဆောင်ဝင်နှင့်ပါ သားလေးက သူ့အမေတွေနဲ့ပြောစရာရှိလို့နေမယ်.."
"အာသာရှေ့မှာပဲပြောပါ ဟီနာနဲ့အာသာက နှစ်ကိုယ်တစ်စိတ်ဖြစ်သွားပြီမို့ ဘာမဆို သိရမှရမှာပါ.."
အာသာကထိုသို့ပြောကာ ဟီနာလက်ကိုကိုင်ကာ ပြန်ဆွဲခေါ်လိုက်သည်။ သူလှည့်ကြည့်စဉ်ဟီနာက မနေခဲ့ချင်သော မျက်လုံးများနှင့်ကြည့်နေတာကြောင့်ဖြစ်သည်။ ပြီးတော့ ဟီနာနဲ့ ဒီအိမ်ရဲ့ဆက်ဆံရေးကိုလည်းသိသည်။
"အမေ ဒီကောင်က ဘဝမေ့သွားပြီ.."
"ဟုတ်တယ်အမေ ယောင်္ကျားရတာနဲ့ ဒီမိသားစုကိုလူမထင်တော့ဘူး.."
YOU ARE READING
My Little Wife
Fantasywarning‼️‼️ married life 🖤 intersex 18+ အသားပေးမို့ မကြိုက်တဲ့သူတွေ မလာပါနဲ့ please ✖️✖️
