سقيت لك من حبي قدور وانت ياليتك له تقدر

Part20

رجل الاطفاء: زوجتك بتلقاها اطلع وبنلقاها
هيثم: ماني بطالع الا لما تجيبونها لي
مسك اكتافه بقوه ونطق بحِده: زوجتك لو كانت هنا فـ هي ميته! اتمنى تتفهم وتطلع
وقّف للحظه وكأن هاللحظه مرّت عليه بيوم من الايام، حس بشعور فقدها لأهلها بذاك اليوم وحس بقساوته عليها وكيف انها ماقدرت تسامحه بعدها!
طلع والدموع ماوقّفت منه وطبعا دموعه كانت مصدر صدمه لكل الموجودين لأن من يوم معرفتهم بهيثم ماشافوا تنزل منه دمعه وحده، جلس عالارض بحزن وهو يضرب جبهته بندم، ماكان يعرف يلوم نفسه على ايش بالضبط! يلوم نفسه على قساوته لها بالماضي واللي مستغرب كيف تقبّلته بعد هذا كله، او عن عصبيته وانفعاله الدائم عليها، او عن انها تركها تروح منها زعلانه وهي مالها ذنب..
راشد: استهد بالله، للحين ماقالوا ان فيها شيء
فز من مكانه يتجه لـ ريم بعصبيه، مسك شعرها وسحبها له بعنف ونطق بحِده: وش عرفك ان هيام هنا ؟؟
ام سعود وهي تتقدم له: وش قاعد تقول ؟
هيثم بصراخ: ارجعي بمكانك يا ام سعود!!!
سعود: وش هالطريقه اللي تكلم فيها امك!!
مارد عليه وانما اكتفى بإنه يناظر ريم بنظرات كافيه بإنها تبث الخوف لأنحاء جسده
ريم: مالي دخل والله مالي دخل!
مسك راسها وضربه بالجدار ضربه واحده ورجع نطق: ان ماقلتي الحقيقه الضربه بتصير اضغاف
ريم: والله هي هي مو انا
هيثم: مين هي ؟
ريم وهي تأشر على ام راشد: هي!!
ندى بهمس: يمه اركضي اقوى ماعندك
ام راشد: مالي دخـ..
انبترت حروفها من لما صفعها على خدها وسقطت عالارض..
سعود وهو يرجع راشد: وين رايح ؟ ارجع مكانك
ندى برجاء:سعود تكفى خلّه يفك امي !!
سعود: اتركها ياهيثم
سلطان وهو يمسك سعود وراشد: ذوبتي قلب العاشق الولهان، بس انا لا اني عاشق ولا اني ولهان، اثبت بمكانك انت ووياه
ام راشد بصراخ: انا مالي دخخللل!! هي دخلت من كيفها مو انا
هيثم: شايفتني بزر تلعبين علي ؟ والله لا اذبحـ..
استوقفته النبره الرجوليه اللي صدمت الكل واللي صُعق هيثم من لما سمعها وكأنه يعرف صاحب هالنبره..
رفع راسها بشويش وبانت على ملامحه الصدمه ونطق: وش جابك ؟
راكان وهو يتقدّم له: جيت اتطمن على اختي اللي انت ما تطمنت عليها
هيثم: هيام بخير ؟ وينـ...
قاطع كلامه لكمة راكان على وجه هيثم واللي نطق بعدها بحِده: تسمي نفسك رجال وهذي فعايلك بإختي ؟؟ ان كان ابوي مات فإن ولده مامات
<<نرجع للماضي شوي>>
كانت تنثر البنزين زياده على النار بدون وعي و نفس الوقت طق الباب يرتفع اكثر واكثر وماكانت الا لحظات حتى فتح الباب بالمفتاح اللي كان حول المكان
ناظرت فيه وركضت لحضنه ونطقت ببكاء: راكان امي وابوي يحترقون
راكان: امشي امشي لا نحترق
هيام: امي وابوي بالنار
راكان: بس امي وابـ..
قاطعت كلامه النار اللي كبرتت وغطت المكان، سحبها للخارج واتجه لسيارته يجلس فيها ويهديها
<<نرجع للحاضر>>
ملاك: الحين ذا كم عمره ؟
لورين: احسه احسه بوسط العشرين!
ملاك: بس ذا اخو هيام وهي تقول انه اصغر منها
لورين: اذا صوته ورجولته ذي وعمره كذا اجل اذا كبر كيف ؟ يلبيه بس
جوري: يا ل ب ي ه!! صدق يالبيه
ندى: عيب يابنت!!
جوري: العايله ذي تنقط جمال والا وش ؟!
هيثم: ماراح اتهاوش معك الحين كوني مالي خلق مشاكل
راكان: بس انا ودي وبالحيل
هيثم: هيام وينها ؟
راكان: بالحفظ والصون عند اخوها
هيثم: خلّني اشوفها!!
راكان وهو يمد يده لـ ياقة هيثم: اسمعني زين ياولد خالد! من اليوم وطالع مالك كلمه على اختي! واسلوب اني رجال وبستقوي عليك تنهيها، فاهم ؟
هيثم وهو يلكمه: اخر عمري بزر يجي يعلّمني كيف اتعامل مع زوجتي
رفسه مع بطنه ونطق بصراخ: هيام ماعاد هي هيام اللي تعرفونها!! هيام الحين وراها سند يحميها منكم ومن هالرجال اللي ينقال عنه زوجها! وماراح ارحم ايْ شخص يمسها سواءً كان بنت او ولد!
هيثم بصراخ: وين هيااام؟!!!
راكان: مالك دخل وينها!!
راشد: استهد بالله وعلّمه بالنهايه هي زوجته
راكان: شدخلك انت ؟ ارجع لمكانك
راشد: وش الالفاظ ذي!!
هيثم: وهو صادق شدخلك انت ؟ ارجع مكانك
ملاك بضحكه: المسكين لقم ليته ما تكلّم
راكان وهو يعطيهم ظهره ويمشي: ان شفتك تستحقها رجعّتها لك
جوري: يابنات يارب يتزوجني
ندى: قصرّي صوتك والله ان سمعك احد ان يذبحونك
هيثم: انا اعرف كيف اجيب مكانها
لورين: استلمي الحين بيطلع خبراته التحقيقيه
جوري: ضروري تتزوجين محقق لظروف زي كذا
لورين: لا وع جتني فوبيا من التحقيق
~عند راكان~
كان جالس يتأمل النجوم بضيقه وقاطع انسجامه صوت جوري اللي نطقت: وش تسوي هنا ؟
مارد عليها وانما اكتفى يناظر النجوم ونطق بتأفف مره ثانيه لما سألته بسبب جلوسه هنا: اتأمل، وش تشوفيني اسوي يعني ؟
جوري: عادي اجلس جنبك ؟
راكان برفعة حاجب: جنبي ؟
جوري: مو جنبك جنبك! يعني عندك
راكان وهو يناظر النجوم: المكان مو بإسمي، تبين تجلسين اجلسي
جوري وهي تجلس: ليش ماتبي هيثم يروح لـ هيام ؟
راكان: اظنك سمعتي السبب، مايحتاج اعيده
جوري: شفيك ماتناظر فيني ؟
راكان: مالي خلق اناظرك، وفوق ذا النجوم ابرك من وجيهكم
جوري: وش دخلني انا ؟ اذا العائله مريضه انا مالي دخل
راكان: طيب شتبين انتِ الحين ؟
جوري: رجع هيام لـ هيثم تراهم يحبون بعض
راكان: اللي يحب يأذي ؟
جوري: لا! بس هيثم يحبها زي ماهي تحبها! انت تدري انه ضرب بنت خالته وكان بيذبح امي عشانها ؟ ولأول مره بحياتي اشوف تنزل منه دمعه!
راكان: انتِ شكلك ماتعرفين فعايله لها
جوري: مادري ومو لازم ادري! بس مهمها يصير هو واضح يحبها والمشاكل ذي عادي تصير بين الزوجين!! رجعّها له تكفى
راكان: وانتِ وش تبين شاده حيلك عشانها
جوري: لإني احبها! وصدقني لو تخليهم يجلسون ويتفاهمون بتنحل المشاكل
راكان: يصير خير
جوري وهي توقّف بإنفعال: الشرهه مو عليك الشرهه على اللي يفهّمك ويتكلم معك!
راكان: وش مزعلك انتِ ؟
جوري: اتكلم مع وتطنشني وتقعد تناظر النجوم ذي ؟
راكان: النجوم افضل من ايْ شيء ممكن تشوفينه، فوق لحالها ماتأذي احد، تلمع ولمعانها عمره ماخَف، لمعاننا كلنا يمكن يخف الا هي مستحيل، دايم احس ان هالنجوم سعيده بحياتها وامها وابوها حواليها
جوري: بس النجوم مالهـ...
راكان: ادري ان مالها عائله، بس امي كانت تقولي كذا وانا صغير، تقولي ان النجوم زي العائله الوحده ماتتفرق ابدا وان حنا ممكن نصير زيهم بس للاسف اننا تفرّقنا، مابقى من عائلتنا الا نجمتين.. 
جوري: بس انت قوي
راكان بضحكه: "قوي" ؟
جوري بخجل: قصدي ان يعني بتقدر تواجه الحياة لحالك
راكان بضحكه: اجل يالبيه ها ؟
جوري بإنفعال: اييشش!! ماقلت كذا
راكان بإستغباء: انا ماقلت انك قلتي! ليه انتِ قلتي شيء زي كذا ؟
جوري: ماقلت كذا!!!
راكان: صح اني اهاوش بس ترى عندي اذنين اسمع فيهم كل شيء حولي وخصوصا ان صوتك عالي
ماردّت عليه وتركته تركض بإتجاه البنات، ووقتها انفجر ضاحكا من منظرها..
<<عند هيثم وهيام>>
كان يفتش كل الغرف ودخل اخر غرفه ولقاها نايمه عالسرير، تقدّم نحوها بعيون كلها ندم ولما قرّب لها استوقفه صوت راكان اللي نطق: ارجع!
هيثم: ماراح ارجع!!
راكان: تسوي لها هالفعايل كلها وتجيها ؟
هيثم: تراها زوجتي!!
راكان: وبتصير طليقتك!
هيثم: تخسى!! ماراح اطلقها لو يصير اللي يصير
راكان: انا ما اعطي اختي لأحد!
هيثم: اختك بالحفظ والصون!!
راكان: كذاب!!
هيثم: طيب اتركنا لحالنا وبتكلّم معها واذا ماتبيني بطلّقها
راكان وهو يخرج: بتركك هالمره بس مجرد ما تقولي انها ماتبيك او تأذت منك بترسل ورقة طلاقها!
هيثم: وش المصيبه اللي سويتها عشان يجيني بزر زيه يبلشني
التفت لها وجلس بجانبها يمسح على شعرها وماكانت الا ثواني حتى صحت
هيام وهي تفز: وش تبي ؟
هيثم: ابيك
هيام: بعّد عني!
هيثم: هيام اسمعيني تكفين
هيام: مابي منك شيء
هيثم: ليه ؟ وش سويت ؟
هيام ببكاء: هيثم اطلع برى
هيثم: تكفين بس اسمعيني! انا اعرف غلطت بحقك بس ماعاد بعيدها
هيام: ابيك تطلقني
هيثم: وش قاعده تقولين!!! مستحيييلل اطلّقك!!
هيام: انا مابيك!! انا اكرهك اكرهك! انقلع برررى
هيثم: وش ذا الكلام ؟ والا عشان اخوك جاك صرتي تستقوين ؟ بس يكون بعلمك لا اخوك ولا عشره من امثال اخوك يقدر يوقّفني
هيام: اطلع برى
هيثم: ماني طالع! فاهمه ؟
هيام: طللقننيي !!! طلقني ماعاد ابيك ماعاد ابيم خلاااص !!
هيثم بعصبيه: انتِ انسانه عنيده وماينفع معاك الا العصبيه عشان تمشين! شكلك ماحبيتي شخصية هيثم الجديده وبديتي تفلينها! فـ استعدي لشخصية هيثم الاولى اللي لا انتِ ولا غيرك يحبها
هيام بصراخ: ااكررهككك!!
هيثم وهو يمسك معصم يدها بعنف: تعرفين زين اني ماتحمل العناد والصراخ! فـ انطمي ابرك لك
هيام: وانا مابي يكون زوجي واحد عصبي!!
هيثم: هيام!! تراي ساكت عشان لا يصير شيء ماتحبينه
هيام: ماهتم !! خلّه يصير اللي يصير ماعاد تفرق معاي
سكت لثواني واخذ نفس يمسك اعصابه ونطق: انتِ ليش تسوين فيني كذا ؟ مو احنا تراضينا ؟
هيام: لا ماترضينا! اطلع برى
هيثم: طيب وش وداك للمستودع ؟
هيام: مالك دخل !!
هيثم: هيام! لا تجننيني، وش وداك ؟
هيام: مالك دخل ياخي ماتفهم ؟
هيثم وهو يوقّف: اجل هي السبب صح ؟
هيام: محد خلاها تتمادى الا انت
هيثم: يعني هي السبب ؟
هيام: ان رحت وسويت لها شيء كرهي لك بيزيد
هيثم بإنفعال: ماني قادر افهم عليك الصراحه!! تحبيني واذا رحت انتقم لك تكرهيني ؟
هيام: انا ما احبك
هيثم: بس انا احبك! واموت فيك وما اشوف احد غيرك! تكفين لا تتركيني
هيام: عفتك! ماعاد ابغاك خلاص
جلس بجانبها يتأملها بعيون ملياانه ندم ولما جت بتقوم سحبها له ووضع رأسه على كتفها وشد عليها بحضنه
هيام: بعّد عني
لكنه مارد عليها وانما كان شاد عليها بقوه وكأنه بيفقدها..
هيام بألم: ممكن تتركني ؟
ماقدر يمسك دموعه وانهار بحضنها يبكي ويشد عليها
هيام بصدمه: شفيك ؟
هيثم وهو يبعّد عنها: لا تتركيني زي ما تركتني امي!! تكفييينن ياهيااام تكفين لا تكسريني زي ما كسرتني امي! انا لقيت حنان الام اللي مالقيته بأمي اللي راحت وتركتني! حبيتك اكثر من ايْ شخص عرفته! لا تتركيني طلبتك
مسكت راسها بحنيه وسندته على صدرها وحضنته ونطقت: ماراح اترك مثل ما انت ماراح تتركني
هيثم وهو يهز راسها بالإيجاب: ماراح اتركك مادام راسي يشم الهواء
~عند الرجال~
وليد: عادي اسألك ؟
راكان: لا
وليد: طيب
راكان: امزح معاك، وش تبي ؟
وليد: الحين ليش احسك اكبر من عمرك ؟ منجد عمرك زي عمري ؟
راكان: من ايْ ناحيه يعني ؟
وليد: صوتك وشكلك وعضلاتك وكذا
راكان: ماحس هالاشياء مكبرّتني الا الصوت ممكن اتفق معاك
وليد: وين كنت كل هالفتره ؟
راكان: سالفه طووويله، اذا فضيت قلتها لك
~عند سعود ونداه~
سعود وهو يجلس: وش فيك ياقلب سعود انتِ ؟
ندى: متى نتزوج ؟
سعود: وش جاب هالطاري ؟
ندى: تعببتت امي دايم تصارخ علي وتهاوشني ابي اجي عندك
سعود وهو يسند راسها على صدره: هانت مابقى شيء
ندى: مع الرغم انك تصارخ علي بس مع ذلك اهون
سعود بضحكه: انطمي انطمي ههههههه
ندى: وش كثر تحبني ؟
سعود: وش هالسؤال ؟
ندى وهي تزيّن جلستها: جاوبني!!
سعود: من قال اني احبك ؟
وقّفت وحطت يدها على خصرها ونطقت بعصبيه: اجل تحب مين يالخاين ؟
سعود: احبك انتِ
ندى: تستهبل وانت تقول قبل شوي تقول انك ماتحبني ؟
سعود: اي ما احبك
ندى بإنفعال: خييير!!
سعود: انا اعشقك مو بس احبك
ندى بإبتسامه: وش ذا المدح الغبي ؟
سعود: اهخ ياندى لو اتكلم من اليوم وبكرا ماراح تعرفين وش قد احبك
ندى: غصبا عنك
سعود: قدها ؟
ندى: ايوا
سعود وهو يوقّف: طيب انقلعي
~الجلسه~
كانوا جالسين وسرعان مافزوت يوقفون من لما دخل عليهم الجد حاتم
ابو سعود:حي الله الوالد
حاتم وهو يجلس: الله يبقيك
ابو راشد: كأن خاطرك متضايق شوي ؟
حاتم: فيه اشياء كثيره بخاطري
ابو سلطان: افاا يابوي! وش هالاشياء ؟
حاتم: اول شيء عتابي على ابو سعود! ليش ماسويت ملكة ولدك هنا او حتى انتظرتني حتى اجيك
ابو سعود: انا اسف ولكن الامور صارت بسرعه، ولكن العرس انا حالف مايصير الا وانت موجود
حاتم: هذا شيء وخلصنا منه، الشيء الثاني وش صاير مع زوجة حفيدي ؟
ام راشد: كل خير
لورين: انتِ انطمي
حاتم بحِده: عيب وش هالكلام ؟!
لورين: اعتذر ياجدي
حاتم: وش اللي صار بغيابي ؟
ابو راشد: ماصار شيء
حاتم: قومي نادي لي جوري
ملاك: يبيها تنادي نقالة علومه
لورين: ذي مو بس نقالة علومه ! نقالة علوم كل العائله
ندى وهي توقّف: ابشر
جوري وهي مُقبله عليهم: مايحتاج جيت
حاتم: تعالي ياحبيبة جدك، وش صار ؟
جوري: عن ايش ؟
حاتم: عن الشيء اللي جاء لزوجة هيثم
جوري: ماصار شيء
حاتم: جووري!!!
جوري: بس محد يلمسني ؟
حاتم بعصبيه: اللي يفكو يلمسها او يقولها شيء ماراح يلقى خير!! تكلمي يلا
جوري: اللي صار ان...
هيام بمقاطعه: لا تتكلمين
حاتم بتساؤل: وليش ما تتكلم ؟
هيام: وليش لازم تقولك ؟
حاتم: لأجل اخذ حقك
هيام: طول عمرك راعي حق، بس اذا فيه حق لي انا باخذه بنفسي
حاتم: مدامك ماتبين اجل براحتك
لورين وهي تقوم: بروح شوي واجي ماراح اطول
ملاك بهمس: رايحه له ؟
لورين: انطمي
هيام بهمس: مين ذا اللي بتروح له ؟
ملاك بنفس الهمس: هذا ولد صديق جدي يجي يزور جدي من فتره لـ فتره وذي وتقابلوا اكثر من مره بالصدفه وحبّوا بعض
هيام: ياخي حقين الحب
ملاك: مسوين طالعه منها ؟
هيام: انطمي
~عند لورين~
اتجهت له بإبتسامه ونطقت: اشتقت لي ؟
عبدالله بإبتسامه: اي والله وحشتيني
لورين: وش تسوي هنا ؟
عبدالله: ولا شيء، بس مابي اروح هناك
لورين: ليه ؟
عبدالله: وش يوديني هناك وانا اصلا مو منكم ؟
لورين: وش ذا الكلام ؟
عبدالله: انا جاي اسلم على ابو خالد وامشي ومابي ادخل بين عوائل
لورين: براحتك
عبدالله: المهم قبل لا تمشون بكلّمك بموضوع
لورين وهي تجلس بجانبه: وليش قبل نمشي ؟
عبدالله بضحكه: مدري 
لورين برجاء: تكفى علمني مابي اصبر
عبدالله: اصبري اصبري اعلّمك بعدين
~الجلسه~
راكان: السلام عليكم
حاتم: وعليكم السلام، من انت ؟
راكان: انا راكان بن عبد العزيز، اصير اخو هيام
حاتم: والنعم والله
راكان: انا بس جاي اكلّم اختي بموضوع
هيام: وش تبي ؟
راكان: امشي ابيك
مسكها وبعّدها عن الجلسه ونطق: رجعتي له يالغبيه ؟
هيام: ايوا رجعت له
راكان: برااافوو على اختي الهبله
هيام: شفيك انت ؟ تراه زوجي بالنهايه
راكان: بتتطلقين منه
هيام: شدخللكك!! مابي اتطلق
راكان: انتِ مو اشتكيتي منه وقلتي ابي اتطلق منه ؟
هيام: اي اشتكيت
راكان: اجل تروحين تطلبين منه الطلاق وتجين معي
هيام برجاء: راكااان!!
راكان: كلامي واضح!!!
هيام بتأفف: طيب
راكان: بتسوين اللي قلت لك عليه ؟
هيام: اي طيب بسوي
هيثم وهو مُقبل عليهم: وش السالفه ؟
راكان: انا استأذن
هيام: هيثم بكلّمك بموضوع
هيثم: وش هو ؟
سكتت لـ ثواني ونطقت بتوتر: طلقني
هيثم: هالكلام كلامك ؟
نزلت رأسها للأرض بدون ماترد عليه، لان اذا علّمته بتخسر اخوها واذا سكتت بتخسره وهي ماتبغى تخسر اغلى شخصين عندها..
رفع رأسها بسبباته ونطق: هيام،كلامي واضح! هالكلام كلامك ؟
هيام: لا مو كلامي! انا ابيك بس هو رافض
شد على يده بغصب والتفت لأجل يروح له ولكن استوقفته من لما مدت يدها ليده ونطقت: لا تروح
هيثم: مو على كيفه يتحّكم بعلاقتنا
هيام برجاء: هيثم مابي مشاكل! اجلس تفاهم معه انا تعبت
تنهد تنهيده عميقه وهز راسه بالإيجاب، حاوط خصرها م الجنب وسحبها لها ونطق: ماودك نطلع نتمشى ؟
هيام: واهلك ماراح يزعلون ؟
هيثم وهو يتأمل السماء: طز محد مهتم
هيام بضحكه: ههههه شفيك
هيثم وهو يجلس: تعبت
هيام: قوم عن التراب يابزر
هيثم: ابي انام
هيام: كيس نوم مو طبيعي
هيثم: طيب والله فيني نوم شسوي
هيام: روح نام
هيثم: وانتِ ؟
هيام: بروح اجلس مع البنات
هيثم: وانا ؟
هيام: شفيك انت ؟
هيثم: كيف بنام ؟
هيام: شدخل ؟
هيثم: معرف انام والا انتِ جنبي