قصة مختلفة ومتنوعة..
تحكي عن الواقع المُر والجميل..
تحكي عن فتاة ماتوا اهلها بطريقة مفجعة يترتب عليها عقد نفسية..
ولكن؟ هل ستبقى وحيدة بعد وفاة اهلها ؟ وهل ستواجه الصعاب ؟
ستتعرفون عليها وعن حياتها القادمة والطويلة معاً
قراءة ممتعة💗.
نزل للأسفل وشافها بتركب سيارة حبيبها راشد بنبرة إنتصار: عصفورين بحجر واحد ركبت السياره وأمرت بدر بالتحَرك بخوف من لما شافت عروقه المشدوده التي تدل على عصبيته الشديده، راشد وهو يتجهه لسيارته: وين بتروحين مني؟! ركب سيارته ولحقهم بـ سرعه جنونيه جعلت كل الموجودين ينصدمون من وضعهم.. ~في احد الشوارع~ كانوا يشوفون سيارة لونها حمراء تمشي بسرعه وخلفها سياره سوداء تلحقهم بسرعه جنونيه راشد وهو يضرب بوري سيارته: تحسبيني بخليك ؟؟ والله ماخليك الين اشوف دمك في يدي انتِ والحيوان اللي معك ~سيارة بدر~ بدر بخوف: البنزين بيخلص حور بإنفعال: مجنووون ؟؟ والله بيذبحنا حنا الإثنين ماراح يبقي فينا عظم صاحي بدر: انا ماشاف وجهي ولا يعرفني! انتِ دبري نفسك حور بعصبيه: كيف تبيني ادبّر نفسي وحنا بمكان مهجور ؟ بدر بخوف: طفى البنزين !! حور وهي تشد على فخذها بتوتر: سيارته ورانا!!! بدر وهو ينزل من السياره: دبري نفسك حور وهي تنزل: خذني معك لا تخلينـ.. بتر حروفها صوت راشد اللي كان نازل من سيارته لما قال بسخريه: لا ماراح اخليك ياروح راشد حور بخوف: والله مالي دخل هو اللي قالي راشد: الحين خفتي يوم انك شفتي هالحديده بـ يدي ؟ خفتي على نفسك ؟ ليش ماخفتي على مشاعري ؟ حور برجاء: تكفى لا تذبحني انا اسفه راشد وهو ينزل لمستواها: الحين اسفه ؟ طيب شرايك اشوهه لك وجهك الحلو ؟ فكره حلوه صح ؟ حور: ابوس رجلك تكفى لا تذبحني ولما جت بتنزل لرجله رجّع راسها بالسكين مما ادى الى رسم جرح في جبهتها ونطق: انا مابيك تبوسين رجلي حور ببكاء: وش تبي ؟ بسوي اللي تبي راشد: ابي روحك تطلع قدامي حور وهي ترجع للخلف: تكفى لا قرّب منها ومسك رقبتها بعنف وكان يخنقها واذا قرّب الاكسجين ينقطع عنها فكّها ويتركها تشم هواء لثواني ويرجع يخنقها مره ثانيه حور لما فكّها للمره الثالثه وبصراخ: اذبحني وفكننيي راشد: ليش اذبحك ؟ خليني اتسلى فيك شوي حور: بعّد عني راشد: اي ببعّد عنك بس بعد ما أخطي الخطوه الاخيره ورفع السكينه للأعلى ونزلها بسرعه لأجل يطعنها ولكن استوقفه صوت رجال الأمن من الخلف اللي نطقوا: اترك سلاحك وسلّم نفسك راشد: وليه ؟ احد رجال الامن: سلّم نفسك! راشد وهو يعطيهم وجهه وبصراخ: محد بيقرب مني الا لما اخذ حقي من هالواطيه رجل الامن: نادوا لي الضابط نزل الضابط من السياره واتجهه الى رجال الأمن ولما جاء بيهدده صُعق لما شافه راشد ونطق بذهول: راشد ؟؟ راشد بإبتسامه: اهلا بـ ولد عمي سعود بحِده: وش تسوي هنا ؟ راشد: لاتتدخل!! سعود وهو يقرب منه بشويش: اسمعني، اترك سلاحك وسلّم نفسك لان لو سويت لها شيء ماراح تقدر تطلع من السجن راشد: اذا عدم خروجي من السجن جزاءه دمها، انا راضي! سعود: طيب هي وش سوت لك بالضبط ؟ كل شيء بينحل راشد بصراخ: اي راح ينحل! لكن راح ينحل لما اشوف دمها بين يـ.. انبترت حروفه من لما شافها ركضت لهم وصارت بحمايتهم وجاء واحد خلفه ومسكه بقوه ونطق: تخون ولد عمك ؟ سعود: انا ماخنتك!! انا أديت واجبي راشد بصراخ: فكوووني!! سعود: فكوه رد عليه احد الرجال: بس مايصلـ.. سعود بنبره غير قابله للنقاش: كلامي واضح!! فكوه انا بشوف وضعه فكوه واول ماتركوه اتجه لها ركض ولكن وقف بوجهه سعود يرده ونطق: دخلوها بالسياره وروحوا كان يحاول يفك نفسه ونطق: والله ماتروح!! اتركووووني سعود: استهد بالله يابن الحلال!! الموضوع ماينحل بهالطريقه! ارتخت عروقه ومسح على راسه بـ هم من لما شافهم يتحركون بالسيارات معاها وماعاد يقدر يلحقها ونطق سعود: ممكن تفهمني وش فيك ؟ راشد وهو يتجهه لسيارته: مافيني شيء سعود: بتجي معي! راشد: ما ابي اجي مع احد ولا اشوف احد سعود: لازم نتفاهم! اكيد انها بترفع شكوى عليك واذا شرحت لي السالفه انا راح اعرف اتصرف راشد: ماراح تقدر وان قدرت ماعندي مشكله، ورجاءً اتركني لحالي سعود: بس بكرا بجي اتفاهم معاك راشد: يصير خير وقتها ركب سيارته وحرّكها ولكنه توقّف على جنب يسند راسه عالدرسكون ويضرب راسه فيه بإستمرار بقهر، رجّع ظهره للخلف وصارخ بقوه من قهره لدرجة ان عروق رقبته برزت وجسمه كان مشدود بشده والود وده يمسك السكين ويطعنها بقلبه ويتخلّص من هالحياه، مسك السكين بقوه وناظر فيها، ولما قرّب يطعن نفسه مسكها ورماها برى السياره بعيييد جدا عنه عشان لا يتهور بتصرفاته، كان وده يبكي ويفرّغ اللي فيه ولكنه ماكان قادر، يحس بـ شيء يمنعه، وكأن عيونه جفت تماما من الدموع، حرك سيارته بإتجاه الشركه.. <<الشركه>> دخل الشركه والكل كان يناظر فيه بصدمه، ماكان مستغرب كونه تصرّف تصرفات جنونيه محد حسب لها حساب، ونطق بصراخ: وش تناظرون ؟؟! كل واحد على شغله هزوا راسهم بالإيجاب واتجه كل واحد لمكتبه واتجه هو ايضا لمكتبه.. دخل مكتبه وناظر بالحوسه اللي سواها، كيف انه نثر كل شيء وكسّر اغراض مكتبه وكل هذا بظرف عصبيته، التفت ونادا على احد العمّال ونطق بعصبيه: ليش مانظفت هالحوسه ؟ بطلع شوي وارجع القاك مرتبها كلها الحين هز راسه بالايجاب وخرج راشد يتوجه لمكتب مالك.. ~مكتب مالك~ دخل عليه والهم واضح بين عيونه، فز واتجه له ونطق: صحيح اللي صار ؟ هز راسه بالايجاب وهو يجلس عالكنب، مالك: ليش تسوي بنفسك كذا ؟ راشد: قهرتني يامالك قهرتني!! مالك: بس اللي سويته غلط راشد: واللي سوته هي مو غلط ؟ مالك: الله يصلحك انا ماقلت كذا! اللي سوته غلط ونص بعد لكن انت ضريت نفسك! نفسك لها حق عليك راشد: اصلا كنت بنتحر بعد لكن الله ستر مالك: شفت!! اقولك روح تزوج راشد: صاحي انت ؟ اتزوج وانا توني فاشل بعلاقه ؟ ماعاد صرت اثق مالك: ياخي البنت تنسيها بنت، روح تزوج وخذلك بنت الحلال اللي توّنسك وابن حياتك معها زين واعتبر اللي صارلك درس راشد وهو يوقّف: فكرتك مادخلت براسي ابدا مالك: انت قلّبها براسك كويس وبتعجبك صدقني مارد عليه وانما خرج يتجهه لمكتبه، دخل مكتبه واول شيء سواه انك مسك الملفات اللي استلمتها حور وقطعها كلها، وطردها من الشركه بكبرها، واتجه لأحد الموظفين ونطق: ملفات الاجتماع اللي راح ابيك تضبطها لي الموظف: بس الملفات ذي استلمتها حور وقد خلصت نصـ.. راشد بنبره غير قابله للنقاش: كلامي واضح، الملفات كلها بتنعاد وانت بتكون مسؤول عنها هز راسه بالإيجاب بإستغراب واتجه لأجل ينجز الملفات اللي امره راشد عليها.. <<بيت ابو سعود>> فتّح عيونه بإنزعاج من لما استمر مناداتها له ونطق بنعاس: نعم ؟ هيام: قوم ابي اروح المول هيثم: مالي خلقك انقلعي هيام: بروح اشتري شيء لزواجنا، وانت تعرف كويس انه قرّب هيثم: مو شغلي هيام: الا شغلك! اجل مين اللي حط موعد زواجنا بوقت ضيق ؟ انا والا انت ؟ هيثم: الحين انتِ مسويه تنتقمين يعني ؟ هيام: ايوا! عندك مانع ؟ جلس بتأفف ونطق: اطلعي برى وسكري الباب هيام: طيب اغراض الزواج!! هيثم: هيام ياتبن اطلعي برى هيام: لا تسب!! مابطلع هيثم: الله يغثك ياشيخه هيام: ميينن شيييخه ؟!!! هيثم: انقلعي خلاص بقوم هيام: شطور حبيبي مارد عليها وانما اتجه للحمام بتأفف تحت صوت ضحك سخريتها المستمر عليه ~بالأسفل~ نزلوا ولما كانوا بيخرجون قاطعهم صوت ام سعود اللي نطقت: على وين ؟ هيثم: رايحين نشتري كم غرض ونرجع ريم: تبوني اجي معكم ؟ تراني انفع للمساعده لورين: زوجين بيروحون، انتِ وشدخلك هيام: مساعدتنا انك تنطمين حبيبتي شد على يدها ونطق: لا مانحتاج مساعده وخرج من البيت والتفت عليها من لما نطقت: ادري وش بتقول! عيب ياهيام ومايصلح ياهيام ومدري ايش هيثم: بما انك تعرفين ليش تسوين زي كذا هيام: هذا جزاء كل ملقوف هيثم: هي مو ملقوفه هي تبي تساعد هيام: منجدك انت ؟ ريم تبي تساعدنا ؟؟ هيثم: امشي امشي صدعتي براسي <<المول>> هيثم: يلا ايْ محل تبين ؟ هيام: ابي ذا احسه واو هيثم: طيب خلاص روحي وانا بنتظرك بالسياره هيام: وش اللي اروح ؟ تعال معي هيثم: ياللييلل!! بس باخذ لي غفوه وش بلاك ؟ هيام: مابي! تعال معاي هيثم: ياهيام روحي لحالك طيب!! هزت راسها بالنفي: يا تجي والا نكنسل الزواج هيثم بنرفزه: امشي يلا هيام: الله هذا حلو هيثم: خايس مره هيام: وانت شدخلك ؟ مين بيلبسه ؟ هيثم: زوجتي بتلبسه، عشان كذا لازم تختارين ملابس حلوه هيام: طيب والله حلوه! شوفه بجنن هيثم: ماحبيته!! اتركي ذا وشوفي ذا هيام: خايس مره هيثم: تراه مو تحدي! قولي ذوقك من جد هيام: طيب هو فعلا خايس! خلنا نشوف ذا هيثم: هذا مقبول، امشي نشتريه هيام: "مقبوولل" ؟؟!؟ بدور غيريه هيثم: ياليل والله حلو! خلاص امشي هيام: شرايك في هذا ؟ هيثم: صُنع لأجلك! تعالي يلا هيام: تسلك ؟ هيثم: شفيك انتِ ؟؟ والله ماسلك امشي هيام: طيب والديكور ؟ هيثم: نجيبه بعدين، انتِ الحين اسبقيني للسياره على بال ما أحاسب الفستان هزت راسها بالإيجاب واتجهت نحو السياره بإنتظاره.. <<سيارة هيثم>> كانت جالسه بمقعدها على جوالها وماكانت الا دقائق حتى ماعقدت حواجبها بإستغراب من لما شافت مجموعة رسايل تجي ورى بعض، انزعجت شوي ومدّت يدها لأجل تخلّيه صامت، وبهذي الاثناء كان هيثم واصل للسياره، فتح السياره وسرعان مامد يده لأجل يأخذ الجوال منها ونطق: وش تبين به ؟ هيام: بحطه صامت بس هيثم وهو يركب: انا احطه معليك هيام: فيك شيء ؟ هيثم: ابدا <<بيت ابو راشد>> دخل للبيت وهو مهموم وماوده يقابل احد ابدا، وهو يصعد للأعلى لمح ابوه وكأنه تذكر كلام مالك له، ولكنه رفض الفكره بينه وبين نفسه وصعد للأعلى.. ~غرفة راشد~ دخل لغرفته يرمي مفاتيحه وجواله عالطاوله ويستلقي عالسرير، استلقى على ظهره بالسرير ووضع يدينه خلف رأسه وقعد يتأمل السقف بتفكير، هل فعلا البنت تنسيها بنت ؟ مع انه هو حب حور وفضّلها على كثير اشخاص بحياته، هل فعلا اذا تزوج بنت ثانيه ممكن يكمل حياته طبيعي ؟ كان يبدا يقتنع بهالكلام ولكنه سأل نفسه، هل بيعيش مبسوط مع بنت ثانيه كونه مانسى حُبه الأول ؟ ولكنه كان كل شوي يتذكر كلام مالك بإن "ماينسي البنت الا البنت" وقّف واخذ نفس عميق ونزل للأسفل.. ~بالأسفل~ نزل تحت ووجد امه وابوه جالسين، أقبل عليهم وجلس بجانب ابوه ونطق: بكلمك بموضوع ابو راشد: لا سلام ولا كلام ؟ يلا وش تبي راشد: ابي اتزوج ابو راشد بفرحه: هذي والله الساعه المباركه، من اللي ببالك ؟ راشد: مافي احد، بس ابي اتزوج ام راشد: اجل بخطب لك بنت خالتي ابو راشد: راشد بياخذ بنت عمه ام راشد: منجدك انت تبينا نناسبهم ؟ ابو راشد بحِده: ليه وش فيهم اخوي وعياله ؟ ام راشد: خلاص براحتك مافيهم شيء، بس من تبي بالضبط ؟ ابو راشد: اخطبي له ملاك وقّفت بعصبيه ونطقت: يخسي ويعقب مستحيل ازوّجه اياها! ذي قليلة الادب وام لسان طويل ابو راشد بعصبيه: كيف تقدرين تقولين عن بنت اخوي زي كذا ؟ انتِ ماتستحين ؟ ام راشد: اسمعني يا راشد! ازوّجك ايْ بنت بالعالم تبيها الا ذي! ذي لو على قص رقبتي ماتاخذها ابو راشد: اذا كذا لا تخليني اقص رقبتك! الولد بياخذ بمت عمه! وانتِ بتجهزين لعرسهم ام راشد: انت موافق ياراشد على كلام ابوك ؟؟! راشد: اللي يشوفه ابوي انا معه تأففت منهم واتجها للأعلى بغضب بينما التفت ابو راشد على راشد وسأله: وش اللي غيّر فكرة زواجك ؟ راشد: مدري، بس تقدر تقول اني قعدت افكر بيني وبين نفسي شوي واقتنعت ابو راشد: متى ودك نخطبها ؟ ابو راشد: ماعندي فكره ابو راشد: انا اشوف خلّها بعد زواج هيثم راشد وهو يوقّف: اللي تشوفه ابو راشد: على وين ؟ راشد: بروح لغرفتي اريّح شوي ابو راشد: براحتك <<بيت ابو سلطان>> كان جالس بغرفته على جواله ودخلت عليه ملاك اللي سكرت الباب بعدها، سلطان: اكيد ان عندك موضوع، وشو ؟ ملاك وهي تجلس على طرف السرير: ايوا عندي سلطان: وشو ؟ ملاك: بس بتجاوبني بدون لف ودوران وبكل صـ.. سلطان: خلااااص بجاوبك اخلصي ملاك: وش بينك انت ولورين ؟ شتت نظره بسكوت لثواني ورجع نطق: مابيننا شيء ملاك: ياخي قلت لك لا تلف وتدور سلطان: مالفيت ودرت! هو حرفيا مابيننا شيء ملاك: طيب انت تحبها ؟ سلطان: وش يهم اذا احبها او لا ؟ ملاك: كيف وش يهم ؟ الا يهم سلطان: انا احبها، بس هي ماتحبني ملاك: وتعرف ليه ؟ سلطان: تقول ماودي ادخل بعلاقه ثانيه، بس انا مالي دخل ملاك: لا تلومها، لو انا منها بسوي كذا لانها انخذلت وخايفه تنخذل مره ثانيه هز راسه بالإيجاب ورجعت نطقت مره ثانيه: عندي لك بشاره سلطان: اللي هي ؟ ملاك: لورين بتجي للجامعه اللي انت موجود فيها فز من الفرحه ونطق: احلللففيييي؟!!! ملاك بضحكه: يالخفيف! ايوا منجد لان هيثم حط هيام بحقتك وبتروح مع هيام سلطان: طيب هي تدري اني موجود فيها ؟ ملاك: اعتقد لا سلطان: تتوقعين لما تعرف بتطلع ؟ ملاك: ماتوصل! سلطان: انتِ افضل اخت بالعالم ملاك: وانت افضل خفيف بالعالم سلطان: اقول بس انقلعي ملاك وهي تخرج: صدقني بتحتاجني بيوم من الايام <<بيت ابو سعود>> ~غرفة هيثم وهيامه~ هيثم: ترى بيتنا قرّب يخلص هيام: اخ بشتاق لهم هيثم: مايهموني الصراحه، اهم شيء اني معك هيام: تصدق اني احبك ؟ احبك مره هز راسه بالايجاب: وانا مو بس احبك، انا اعشقك ياهيام هيثم انتِ هيام: فيني نوم، ننام ؟ هيثم: ننام ليش لا انسدحت لأجل تنام وسرعان ماشهقت من لما حست بيده تحاوط خصرها ويسحبها له هيثم: لا تبعدين هيام: واذا بعّدت ؟ هيثم: مشتاقه ارسم لك رسمه على رقبتك ؟ رفسته من فخذه ونطقت: ياقليل الادب هيثم بضحكه: محد قالك تسالين هيام: انطم هيثم: تصبح على خير هيثم: قصدك تمسي على خير هيام: كله واحد، نام وانت ساكت ~بالأسفل~ رفعت سماعتها على اتصال من ام راشد ونطقت: اهلا ؟ ام راشد: ابيك تساعديني ريم: بـ ايش ؟ ام راشد: ولدي يبي يتزوج ملاك ريم: وطيب ؟ ام راشد: منجدك تبيني ازوجها له ؟ مستحيييلل ريم: وليه طيب ؟ ام راشد: شايفه قلة ادبها وطولة لسانها ؟ ريم: ماعرفها وماقد جلست معها كثير ام راشد: انا ماني قاعده اقولك اسالي عنها او اي شيء زي كذا! انا اتكلم اني ابيك تساعدني نمنع الزواج ريم: وكيف تبيني اساعدك ؟ واصلا كيف بتمنعينه ؟ ام راشد: معرف بس لازم امنعه ريم: مهمها حاولتي راح يزوّجه ابوه اللي يبي عشان كذا اذا بخاطرك شيء طلعيه فيها بعد الزواج وهذا رأيي ام راشد: تهقين كذا ؟ ريم: ايوا بالضبط <<تسريع للأحداث-بعد اسبوع>> -الـسـاعـة ٣ الـعـصـر- ~أحـد غـرف الــقــاعــة~ هيام بتوتر: يابنات خلونا نكنسل الموضوع لورين: هيام اعقلي هيام: يابنتي ماتوقعته زي كذا يخوف لورين: اهخ بس احب اجواء العرس، احس ودي اتزوج وبعد الزواج ارجع لبيتنا ملاك: اللي بيتزوجك ماراح يفكك هيام: خير! الرومنسيه والمدح المفروض لي ملاك: هديها ماني هيثم عشان تغارين هيام: انطمي لورين: ماودك تنقلعين للميكب ارتست ؟ هيام: تبون الفكه مني هاه ؟ لورين: اي اكيد! يلا انقلعي هزت راسها بالإيجاب بضحكه واتجهت نحو الغرفه الداخليه لأجل تتجهز، بينما كانوا البنات يتجهزون بالغرفه المجاوره -بعد صلاة العشاء- دخلوا عليها البنات وسرعان ماسدت اذانها من اللي تنقز واللي تصفق وتصفر واللي تبارك لها ودخلت عليها ام سعود واتجهت نحوها تحصنها، ونطقت بعدها: حصنّي نفسك يابنتي هزت هيام راسها بالإيجاب بمحاوله لمسك دموعها، تمسك دموعها من حنيتهم وفرحتهم لها ومن امنيتها ان اهلها كلهم يكونون متواجدين بهذي اللحظه، لورين: هيثم بيدخل ام سعود: اجل يلا اطلعوا هيام برجاء: لورين تكفين!! لورين بغمزه: موفقه ياقلبي هيام: خيييرر!! خرج الكل وماكانت الا ثواني حتى دخل هيثم عليها ووقّفت له، ابتسم ابتسامه واسعه، ناظرها بدهشه وكأنها اعظم انتصاراته، توجه لها وقبّل رأسها ونطق: حصنتي نفسك ؟ هزت راسها بالإيجاب بخجل واضح يعتريها، مسك يدها الراجفه ونطق: الموضوع سهل كلها كم دقيقه ويزول التوتر ورجع نطق من لاحظ على وجهها الحزن: ابتسمي، لعلها خيره ابتسمت بوجهه وشدت على يده، سمّ بالله وخرج من الغرفه، وقفّوا بأعلى واخذوا نفس عميق وخطوا خطوتهم الأولى نحو الأسفل.. ابتسموت بفرحه من لما لاحظوا فرحة الحضور لهم وتصفيقهم، اتجهوا نحو الكرسي وجلسوا وهم ماسكين بيدين بعض بشده، ماكانت الا ثواني حتى أقبل عليها راكان يقبّل رأسها ومن ثمّ قبّل خدها ونطق بفرحه: مبرووك يا اختي، ماصدقت ان هاليوم بيجي هيثم: لا تبالغ عشان مايجيك كف هيام: اسكت انت هيثم: اح! طيب راكان: مالومه يغار على هالجمال، بس تراها اختي هيام: هدوها لاننا مانبي هوشه بيوم عرسي هيثم: عشانك بس ماكانت الا دقائق حتى وقّف هيثم ونطق: انا بروح للرجال نتقابل بعد العرس هزت راسها بالنفي ونطقت برجاء: هيثم يخوف هيثم: عندك امي واختي، الموضوع سهل بس خوذي نفس هزت راسها بالإيجاب وهي تشد على فستانها بتوتر، أقبلت عليها لورين ونطقت بضحكه: شفيك شوي وتسوينها على نفسك هيام: يارب صبرك، بمسك لساني عشانه عرسي لورين: تسوين خير والله ملاك: عاد بعد عرسك بنروح لبيتنا ونمسك انتِ والعزايم حش هيام: الحمدلله اقدر اخفف من سيئاتي شوي ندى: ورى ما تسكتون انتم ملاك: انتِ انطمي ندى: خير! وش سويت ؟ هيام: ياليييلل!! تبون تتهوشون انتم ؟ انقلعوا عني فشلتوني ملاك: اي اي بنروح بس اذا رحتي الفندق مع هيثم شغلي بث عشان نوثق اللي يصير بينكم هيام بإنفعال: انقلعي ياوصخه ياقليلة الادب ملاك: وش فيك انتِ ؟ اقصد اسمع الكلام الحلو عشان اتعلم للمستقبل هيام: اي مره واضح ملاك: الحين كيف نقنعها انها مزحه ؟ هيام: مقتنعه معليك، بس دزيها ~عـنـد الـرجـال~ أقبل عليهم يزيّن بشته وسرعان ماضحك من لما شاف وليد يناظره بدهشه، هيثم: وش فيك انت ؟ وليد: ياخي انت عجيب، كيف اصير زيك هيثم: مافهمت وليد: الله!!! اخييييررااا فيه شيء انت مافهمته! من اول يوم ولادتي ماسمعتها هيثم بضحكه: وليه ماسمعتها ؟ وليد: لاني ماكنت افهم وقتها هههههه هيثم: اها! زين وليد: لا خلاص امزح، بس منجد لي ١٨ سنه اشوفك عبقري تفهم كل شيء هيثم: لا انت اول مره تتكلم كلام غير مفهوم، فقط لا غير راشد: يعطيك كلمة "فقط" عشان يحسسك انه فاهم وكذا سعود: ويعنني متواضع وماعندي هالحركات هيثم: سلامات ؟ مسرع قلبتوا علي سلطان: الغيره وفعايلها هيثم: انشهد سلطان بمزح: عندك سلف ٥٠٠ ؟ هيثم بضحكه: اهااا! اجل خلّك معهم ~عـنـد النـسـاء~ لورين: قومي خلينا نرقص ملاك: دزيها لورين: وش عندها هيام ؟ ملاك: ه ه ه ماتضحك لورين: طيب مومو تكفين ملاك: الله ياخذك على هالدلع الخايس لورين: خلاص ياخي تعالي ملاك وهي تقوم تعدّل فستانها: يلا مو مشكله كانت بتقوم معها ولكن قاطعها رسالته اللي كان محتواها "ماودك توريني كشختك ؟" ضحكت بخِفه ورجعت تكتب" وليه لازم اوريك ؟" سعود: اجيك يعني ؟ ندى: لا لا خلاص انا اجيك ~عند سعود ونَداه~ كان جالس عالكرسي ينتظرها وسرعان مافز من لما أقبلت عليه، وسرعان ماضحكت من لما شافته يحصنها ونطقت: وش فيك ؟ سعود: اخ ياقلبي! مقدر اتحمل هالجمال ندى: وهي تغطي وجهها بكف يدها اليمين، قرّب وجهه منها وسرعان ماشهقت من لما خطف له قُبله سريعه على خدها، ابتعدت عنه ونطقت بخجل: لييشش ؟؟ سعود: ما قدرت اتحمل، اعذريني ندى: عيببب! سعود: اخخ بسس!! متى اقدر اتزوجك وتصيرين حلالي رسميا ؟ قرّبت منه ومسكت طرف شماغه تلعب فيه ونطقت بدلع: ومين قالك اني يمكن اوافق عليك ؟ كان يناظرها بتأمل وحاوط يده حول خصرها وشد عليه: ان ما وافقتي علي، ماراح اخليك توافقين على غيري وانا ولد خالد هزت راسها بالإيجاب تمسك يده تبّعدها عنه، ونطقت: عورتني سعود: لازم تتحملين نتايج اقوالك ندى: يلا عاد لازم اروح لهم سعود: طيب ماشبعت منك ندى: تعال تزوجني وبذاك الوقت يكون خير سعود: اي بتزوجك ووقتها خليني اشوفك ماتقعدين جنبي دايما ندى وهي تروح: يصير خير -بـعـد سـاعـات- وقّفت عند باب القاعه واخذت نفس عميق لان جاء وقت انها تروح معاه، كانت شاده على فستانها بتوتر شديد وسرعان ما زادت ضربات قلبها من لما أقبل عليه وهو يعدّل بشته، قرّب منها ولاحظ توترها ورجفة يديها فأمسك يدها ونطق: لا تتوترين، انا مو غريب ياعيوني هزت راسها بالإيجاب وشدت على يده من لما خجلت وزاد توترتها لما سمعت صوت تبريكات البنات لهم، ضحك ضحكه خفيفه واتجه لسيارته ممسك بيدها بعد مارد على تبريكاتهم ~سيارة هيثم~ ركبوا السياره وحرّك هيثم السياره وسرعان ما تنهد من لما شافها ساكته ومتوتره، هيثم: شفيك انتِ ؟ كأنك اول مره تركبين معي هيام: هيثم ابي ابكي هيثم: يوم زواجنا وتبكين ؟ هيام: مدري بس ابي ابكي هيثم بضحكه خفيفه: تحملي، نوصل هناك وسوي اللي بخاطرك هزت راسها بالإيجاب بإبتسامه وماكانت الا ثواني حتى اندمجوا بالسوالف.. <<الـقـاعـه>> لورين: يابنات فيني البكيه ملاك: ليش ؟ لورين: احس راح اشتاق لهم ملاك: هدي! تراهم تزوجوا ماسافروا او ماتوا ندى: تحب تكبر المواضيع لورين: انطموا!! ترى منجد يحزن يعني ملاك: مردك تتزوجين لورين: يع ليش اتزوج ملاك: وليش ما تتزوجين يعني هههههه ؟ لورين: وش بي في عوار الرأس ؟ يازين العزوبيه ملاك: ياحليلك لورين: ليه ؟ ملاك: ولا شيء انسي لورين: ابي ارجع البيت فيني نوم ملاك: حتى انا، بس خير لازم نسوي جلسة حش لورين: صح صح! بس في بيت مين ؟ ندى: في بيتنا لورين وهي توقّف: اجل يلا تم، بدق على وليد يوديني ملاك: سلطان الحيوان مايرد ندى: تعالي معانا انا وجوري، راشد بيودينا ملاك: عادي ؟ مافي احراج يعني ؟ ندى: شدعوووه!! وش ذا الكلام ؟ تعالي بس <<سيارة راشد>> ركبوا السياره وعدّل راشد المرايه ولمحها راكبه معاهم، لاحظت ملاك انه قاعد يشوفها ولفّت وجهها لناحية الدريشه تتجنب النظر الى عيونه الحاده، حرّك سيارته واتجه لبيتهم، ماكانت الا بضع دقائق حتى وصلوا للبيت.. ~بالداخل~ دخلت ندى اللي كان خلفها ملاك وجوري واستوقفهم صوت ابو راشد اللي نطق بإبتسامه: حي الله من جانا، كيف حالك ؟ ملاك: بخير الحمدلله، انت كيفك ياعمي ؟ ابو راشد: بخير الحمدلله، وين بتروحون ؟ ندى: بنروح فوق بغرفتي وننتظر لورين تجي هزّ راسه بالإيجاب وسحب راشد معاه واتجهوا لمجلس الرجال.. ~مجلس الرجال~ ابو راشد: اسمعني لازم نخطبها لك بعد كم يوم راشد: وش فيك مستعجل ؟ ابو راشد: البنت الكل يبيها، تبي بعدين يخطبها واحد وتروح عليك ؟ راشد: ما احسني مستعد ابو راشد: طيب نخطبها لك ونأخر الزواج شوي راشد: اللي تشوفه ~عند البنات~ كانوا جالسين بالغرفه يسولفون وقاطعت سواليفهم دخول لورين، ندى: مره بدري كان تأخرتي ملاك: قسم بالله لورين: احمدوا ربكم اني جيت اصلا، مدري كيف بتعيشون بدوني الصراحه ملاك: انطمي وتعالي اجلسي يلا لورين وهي تجلس: راح تبدون في مين ؟ <<عند هيثم وهيامه>> خرجت من دورة المياه تنشف شعرها المُبلل بمنشفتها الناعمه بينما هو كان منسدح على ظهره عالسرير ونطقت بتأفف: اذا نمت ياويلك هيثم: اخلصي فيني نوم هيام: قلت لك بدخل اتروش قبلك ورفضت!! هيثم: طيب ابي انام بسرعه هيام: خلاص حتى بنام الحين هيثم: نشفي شعرك زين واستشوريه هيام: مو لازم عادي هيثم: هيام اخلصي علي هيام: اف! طيب انتهت من تنشيف شعرها عالسريع واتجهت عالفراش تنسدح بتعب، حاوط يده حول خصرها وسحبها له بحيث أصبح وجهها مقابل لوجهه، مد يده لشعرها ومسح عليه ووجد فيه شوي من الرطوبه، هيثم: انا ماقلت لك نشفي شعرك زين ؟ هيام: ياخي عادي شوية ماء ماراح تضرني هز راسه بقلة حيله ونزّل القبع من اعلى راسه ولبّسها ونطق: لا اشوفك تنزلينه هيام: وانت ؟ شد عليها وأغمض عيونه لأجل ينام ونطق: معليك مني هزت راسها بالإيجاب واغمضت عيونها بالمثل لأجل تنام بعد يوم مُرهق وطويل بالنسبه لهم.. <<بيت ابو راشد>> ~غرفة ندى~ جوري: ايي يع ماقدرت اتحملها لورين: اصلا فيه احد يتحمل وحده زيها ؟ مدري كيف امي عزمتها ملاك: يابنات انا جعت لورين: كولي ملاك: يا الله!! كيف كذا انتِ ذكيه ؟ علميني كيف اصير زيك تكفين لورين: ياليل! تعبت من المعجبين ياخي ملاك: انطمي انتِ، ندى حبوبتي تكفين جوعانه ندى: انزلي للمطبخ وكولي الى لما تشبعين ملاك: جت الثانيه! ياخي مالي خلق انزل وبعدين انتِ صاحبة البيت المفروض توكلينا ندى: البيت بيتكم، روحي سوي اللي تبين ملاك: لا البيت مو بيتنا ندى: ولا هو بيتي! بيت ابوي يعني تبيني اقول لأبوي يروح يسوي اكل ؟ ههه ملاك وهي توقّف: وع ياثقل دمك لورين: جيبي لي اكل معك ملاك وهي تطلع من الغرفه: تخسين وتعقبين ياكلبه ياحيوانه جوري: تصعيد غير مبرر ~المطبخ~ نزلت تدندن اغنيتها المفضله، دخلت المطبخ واتجهت نحو الثلاجه وفتحتها، ناظرت فيها ولكن ماحسّت لقت الشيء اللي تشتهيه فـ اتجهت تاخذ لها قارورة ماء وجلست عالطاوله تفكر بإيش تاكل، ولكن سرعان مابدت تثقل رموشها ووضعت راسها عالطاوله ونامت من التعب.. دخل للمطبخ وعقد حواجبه من لما شافها نايمه عالطاوله، اتجه لها وطقها اكثر من مره ولكنها ماردت عليه وانما كانت غارقه في نومها، فتحت عيونها بصعوبه ورفعت انظارها وسرعان ما اعتدلت بجلستها من لما شافته واقف بطوله وعرضه بجانبها، راشد: وش تسوين هنا ؟ ملاك: مدري راشد: كيف ماتدرين ؟ وش كنتي تبين ؟ ملاك وهي ترفع له القارورة: ماء! كنت ابي ماء هز راسه بالإيجاب واتجه ياخذ له ماء، مسحت على راسها بفشله وطلعت من المطبخ بخطوات متسارعه للأعلى.. ~غرفة ندى~ كانوا يسولفون وقاطع سواليفهم دخول ملاك المستعجل، لورين: وش فيك ؟ كأن جني يلحقك ملاك: يابنات تفشلت تفشلت ندى: وش جاك ؟ ملاك: نمت بالغلط عالطاوله تحت. لورين: ليتك كملتي نومتك ملاك: انطمي انتِ جوري: طيب وش قوّمك ؟ وليش متفشله اصلا ؟ ملاك: اللي قومني راشد!! لورين بضحكه: ماتوقع تتخطين حبيبتي ملاك: اننططمييي!! ابيك تهونين علي تجين تزيدينها ملاك: تذكرين يوم يشوفني سلطان بالماسك وتضحكين علي ؟ الدنيا دارت ملاك: بعير ماتنسى ذي لورين: اذكري ربك ياحيوانه ملاك وهي تجلس: يابنات جوعانه ندى: لا يكون ما أكلتي قبل شوي ؟ ملاك: لا! اقولك نمت ماقدرت اكل ندى: خلاص بكمل سالفتي بعدها ننزل ناكل مع بعض ملاك: لحالكم ياحبايبي! انا جيبوا لي اكلي فوق لورين: والله ؟ احلفي ؟ ومن انتِ ما شاء الله ؟ ملاك: عمتك لورين: تخسين ندى: ياليل انتم، خلاص ياخي! وانتِ ترى راشد بينسى معليك ولو مانسى طيب عادي نمتي بعد عرس والكل يدري انه العروس مرهقه، يلا امشي ملاك وهي توقّف: هذا الكلام السنع مو زي بعض الناس لورين: قولي تبين احد يصر عليك وخلاص ملاك: اص بس اص ~بالأسفل~ دخلوا للمطبخ واتجهوا يجلسون عالطاوله اللي تنتصف المطبخ ونطقت ندى: ها وش تبون تاكلون ؟
Oops! This image does not follow our content guidelines. To continue publishing, please remove it or upload a different image.
