ماهويت مـن الهوى واهل الهوى الا وليفٍ

البآرت ٣٣

.........••........

عيونه الوسيعه الحاده مركزه على الأوراق بضياع وهو باله وتفكيره منشغل ما قدر يركز رمى الأوراق والقلم فوق المكتب وشد بشعره الكثيف بقوة وأصابعه العريضه تخللت بين شعره وهو يشدّه بقسوة ويغمض عيونه ويهز برجله ويتنهد بعمق وعض ثغرة كيف بيصير وضعه وهو اللي مايقدر يغمض عيونه إلا بشوفتهآ ولا يفتحهآ إلا بشوفتهآ ولا يقدر يعيش ويكمل يومة إلا تطيح عيونه الصارمة بعيونهآ السوداء الحاده ... ازداد ضغطه كفه بقسوة ويهمس بداخله باقتناع وصراع مشاعره الهائجه (( مو اختي مو أختــــــي متاكد مليون بالمية)) هي وحده محد يدري وش تعنيلي غيري أنا محد يحس بالشعور اللي احسه ناحيتهآ كل ما طاحت عيوني بعيونهآ غيري أنا اكذب على نفسي ومشاعري وقلبي اللي ينبض عشانهآ ادا قلت واقتنعت انهآ اختي وتناسيت عشقي لهآ واجلس أواسي نفسي بنفسي سنين شهور وتعذب وأدخل مشاحنات بيني وبين قلبي اللي متعلق فيها عشان امحيهآ بقلبي بس الاهم لا اهرج واقولهم ابغاها زوجه لي عشان مآ يلوموني ويشوفوني شخص خآين الأمانه وقليل آلتفكير حاط عينه بخته آللي تربى معاهآ بس في النهايه مشاعري مو بكيفي مو بيدي عشان اهجدهآ... تنهد بعمق تمهيده حرقت جوفه ورفع كفه وضغطه على عضله قلبه بقسوة كانه بحركته يوقفه عن النبض يستشعر ان الموضوع تعقد والكل يصير ضده ... يندب حظه التعيس وقلبه اللي ماتعلق إلا اللي يقال عنهآ اختهم لكن هو مصر على قراره مستحيل يقدم تنازلات مستحيل يتنازل بحبه لوليٍفه لو الكل ضده بتكون له على سنة الله ورسوله مو هو اللي يتخلي شي بخاطره ويتعذب دهر من قلبه همس بقهر :يمكن استعجلت يا هجّان استعجلت تسرعت كتير بأاعترافك صح احبهآ وبغى عمتي حرايب تعرف اني حاط عيني عليهآ بس بنفس الوقت أنا اللي همني وليفٍ وليفٍ الشهور اللي مرت اطلع نجران بس ما اشوفهآ متاكد خايفه مني من بعد الموقف .. لا وليفٍ قويه واقوى مني ماتخاف ولا تهاب من شي بس لا متاكد تتهرب مني صدمتهآ ياهجّان لالا دا كان وقتو اعترافك بحبها كان وقتو
انت اللي سويتو كان صح انت من متى كنت بتعترف لها بحبك من كانت بالمتوسط بس كنت تتراجع لانها طفله مراهقه ماتعرف وش معنى الحب صبرت وقلبك صبر معاك لين تخرجت ودخلت الثانويه وهذا هو جاء الوقت المناسب وأعترفت لهآ
بس كان اعترافي صادم لا مو صادم يا هجّان هدا اللي كان المفروض بيسير من زمان دحين فكر بعمتك وكلامها المستمر كل يوم مثّل الروتين وهي تنصحك وتنبهك ضرب المكتب بقبضه كفه بقوة وهو يقول بنيران تطلع من جوفه.. مستحيل اتخلى عنهآ مستحيل والله وعهد الله مو مخليهآ لغيري يتهنى وليفٍ لي أنا ما سار عمري٤٠سنة عشان في نهايه الطريق اتخلى عنهآ ونا معترف لهآ بحبي كيف دحين اتخلى بالسهوله.. هي حرمه هجّان بنّ أشهب الزهيد .. واللي سويته في راسي بنفذه .. زفر ويناظر الفراغ بعصبية عروق بارزة في الجبهة وهو يذكر اعترافه وصدمه عمته وكلامهآ والالم في نبضات قلبه العنيفه وصدره العريض يصعد وينزل وهو يقسم ان مايدفن مشاعرة اتجاهها مثل ما تطالبه عمته وهي تشوف الحب السخيف الحاصل بين شايب عاقل راشد و طفله مازالت زهرتهآ تزهر وتنمو وتفتح على الحياه كيف يبغاهآ يقتل زهرتها ويدفن طفولتهآ وهو اكبر منهآ بـ١٠سنوات هاجس من الخوف يحتل كيانه هو بعمر الـ٤٠سنة و هى دخلت الـ١٩سنة بعد عشر سنوات بيكون خمسين سنة وهي تكون بعمر الـ٢٩سنه و بعد عشره سنين اخرى يكون بعمر الـ٦٠ اى كهل عجوز و تكون هى بعمر الـ٣١سنه  اي شابه يافعه و تبغى حريتهآ هل ستخجل منه في يوم او سيخجل منهآ ؟. الكثير و الكثير من نوعيه ها الاسئله داهمت رأسه بعدما جلس بعدما صعدت و شرد الى نقطه وهميه . يخاف من ان تتركه بسبب كبر سنه .. هو ماله دخل في فارق السن بينهم  ماله دخل في ان قلبه حُب طفله نصف عمر
حاط راسه بين برجولها الممدوده ومريح ظهره العريض على الكنبه المستطيله ومرخي عضلاته براحه وهي تهمز براسه ومغمض عيونه وقال بكل اعتراف صريح :حصون قلبي انهدت ياعمه حرايب ، قلبي الرهيف مو قد اللي يعيشو
حرايب بأستغراب من كلامه اول مره يقول هالكلام او بالأحرى يعترف ويسترسله بشكل صريح بدون مقدمات توسع ثغرهآ بفرح تشوفه عريس: هجّان مين في قلبك ؟؟!
هجان عدل جلسته ونزل عيونه على الارض ويطقطق بصابع كفه الضخمة بتوتر وميل ثغره وبلع ريقه وسحب هوى وفجره برائته وقال :غايتي قريبه منك ومني ياعمه
حرايب بشك ومزاح ضربت بكتفه العريض:قول مين على قلب ولدي مين قدرت عليه تصيبه بسهمها ونت عنيد قلبك مالّ لمين ؟؟!
هجان قهق بخفه وبلع ريقه وقال بنفسه ، انشهد انها صابت سهمها بوسط القلب القلب الرهيف مادري متى ترفق المسافات فيني وعلى هالقلبٍ اللي تولع فيها ولا تاب ": انشهد ياعمه ما صوبت سهمها بوسط ضلع ولدك بس والا سرقت هالقلب وتعلق فيها ولا ناوي بغيرها الا هي غايتي
حرايب انفجعت وسكتت تنتظره يكمل كلامه اللي اول مره تسمعه
وكمل يقول بلهجه نجرانيه من محبته لوليفٍ تكلم مثلهآ:ياعمه غلاها ماهـو بـ هين كل يوم يزيد بزياده بواجد وقلبي صبر لكن ذلحين مب قدّ آلصبر اللي صبرة من سنين بقولهآ لش بنت نجران خذت قلب ولد المدينة هذا هو العلم.؟.
حرايب تتنفّس بقوة وهي خايفه بشده يطلع اللي في بالها خايفه لكن حبت تجاريه وابتسمت:دامك هرجت مثلهم يعني طحت على وجهك هيا حكيلي قولي مين هي؟؟.
هجّان ناظرهآ ببرود وهو يفجر القنبله بوجهها بعد ما سحب صمامهآ:وليفٍ بنت ظفار حفيده الشعاع انثى الصقر ؟؟!
حرايب بصدمه تجمدت اطرافهآ انعقد لسانها ودمهآ نشف بوجهها من عمق الصدمة بلعت ريقهآ وقالت بعدم أستوعاب وحروف متباعده:قـ ـلت مـيـ ـن هـ ـي؟؟؟!
هجّان بجديه وعدم اهتمام وهو يشوف كيف انصدمت وانخطف لونها:قلتلك وليفٍ أنثى الصقر بنت ظفار حفيده شعاع
حرايب بعصبية وصدمه رفعت كفها للهواء وثبتته بخده لاول مره تمد يدهآ عليه متعوده تزعل وتعصب بس ما تمده من يوم ما كان صغير لين دحين لكن المره دي صدمتها وعصبيتهآ اقوى منهآ فعلاً ضغطت باسنانها بصراخ:قليل الادب ما لقيت إلا اختك تحط عيونك عليهآ هااااا؟؟؟ أختك أنا ملاحظه تصرفاتك ونظراتك لهآ وهي ماكرهتك لله والا من تحت تصرفاتك المخيفه
ونظراتك الوقحه لهآ انت تعرف وش معنى أخ مغرم بااخته تعرف يعني مصيبة كيف تبغاها تكون زوجة لك وتطالعها بدء. المنظور لما جيت تحب وتقرر تتزوج ما طاحت عيونك الا عليها مافز قلبك إلا على اختك قولي ما لقيت الا وحده الكل يطالعها انها
بنت اهل البيت وهي ماتشوفك الا أخــــــــوها ..
ادفن مشاعرك اتجاهها بكره بحول الله تستقر وتنسى
هالحب الي مو عفيف وخرابيطة تظن حنوقف معاك
قولي كيف فكرت فيها من بين بنات العالم كلها مالقيت الا اختك وفز لها قلبك والكل يعدها اختكم وهي معاكم من كنتوا صغار وهي بأول ايامها في الحياه لا تفكر يا هجّان تقولي مشاعري غير وأعشقها وحبها كبر بقلبي لا تسترجي وتحاول تنكر احساس الأخوه اللي بينكم ،، رفعت سبابتهآ قدامه بعصبيه وتحركهآ بصيغه التحذير... وليفٍ طلعهآ من قلبك اقتل نفسك يا هجّان ولا تقتلهآ معاك
هجّان بعصبيه وقف وهو يصارخ بكل قوة:اي أحبها ومغرم فيهآ ومنجن عليهآ مستحيل انفذ اللي تقولينه تبغيني اقتل مشاعري ونا اموت فيها تبغيني ادفن حبها بداخلي وانسى بالسهوله دي وكانه شي ما سار أنا ماحبيتها ماعشقتها ماهويت هواها يوم يومين أنا هويتهآ بعمر الـ٢٠سنة عشان اسحب نفسي بمنتهى السهولة واسكت مشاعري إتجاهها ونا اموت مليون مره عشان الكذبه اللي اخترعتوهآ عشان ما نلتفت عليهآ ونطالعها بنظره الأخوة وهي مــــو راضعه معانآ ليش تنكرون حقيقتهآ وبعدين انتي وأمي وابويا تضحكون على مين عليا أنا مستحيل أنا أعرف انوا وليفٍ مو أختنا ابفهم شي واحد انتوا ليش تحاولون تقنعونا بدء الشي وتزرعونه بعقولنا غصب ادا اخواني اقتنعوا وصدقو فانا مستحيل ، تقدرون تضحكون على اخواني حريث مسّهاج شَعور الوصّال إلا هجّان ماتقدرون هو كاشف الاعيبكم وأوراقكم قبل كل شي تراني عارف عنها صغيرة وكبيره ليش تبغوني اتعذب ليش تحاولون تحرموني عليهآ من كنا صغار وأنتوا معيشينا على الوهم والكذبه إنها اختنا وهي بِنت خالتنا مجرد تربت معانا ولا خليتوها تتغطى عننا وتختلط معانا وتكون معانا بالخلوه الاهم نفكر فيها تفكير اخوي ودحين لمن كبرتوها فعيني تبغوني أصرف النظر عنها وأنسى حبي لها والله وتالله وبالله ماغير وليفٍ مو مآخذ تفهمين الاحساس اللي احس فيه عمره ما كان حب وبس هو اكبر منه وليفٍ عايشه بداخلي يا حرايب عايشه بوسط قلبي ماراح ينزع محبتها بقلبي إلا اللي اقوى مني ومنكم اللي هو المووووت"" تفهمين المووووت بس طول ما أنا عايش وراسي يشم الهوى حفيده شعاع لي ونا مااخفي عنك شي يا حرايب وليفٍ أحبها وأبغاها على سنه الله ورسوله بالمعنى الاصح ابغاها زوجه وآم لعيالي بتزوجهآ لو انطبقت السماء والأرض بتزوجهآ مو ماخذ غيرهآ يحرمون علي بنات حواء كلهم من بعد وليفٍ لو مو راضين باخذهآ بس ماتكون لغير ولد خالتهآ
حرايب بصراخ:بسسسس كفايه جنون لا تعلق نفسك بوهم بنسانه في النهايه بتنصدم من هويتها احلف واحرم نفسك عليهم واجلس طول عمرك بلا زواج بلا عائلة تحويك بس وليفٍ مو لك ولا تاخذها اصحى كيف تتزوج أختـك خاف ربك
هجّان بعصبيه رمى الفازه اللي فوق الطاوله على الارض وانشطر شظاياه على الارض وبتر كلمتهآ:ترجعين تقولين اختك قلتلك مو اختنا لا تكذبين يا حرايب ونا اعرف أنها مو اختي ولا هي راضعه معانا أنا ماحبيتها إلا بعد ما تاكدت انها بنت خالتي ويحل لي أتزوجها واكمل نص ديني معاهآ دحين تحاولين تقنعيني قلتلك كاشف هويتهآ هي بنت خالتي جملا الله يرحمهآ ،، تقوليلي خاف ربك لاني حبيتها بصدق ليش ما قلتوا لنفسكم هالكلمه ليش قبل تخلونها تكشف لنا ليش مافكرتوا ماقلتوا حرام نخليها تسرح وتمرح معاهم وهي كاشفه عورتهآ لهم وتمزح معاهم ما فكرتوا كيف نطالعها وهيا نازله بزينتهآ ودلعهآ المعتاد قوليلي حرايب ليش ما جبرتوها تتغطى عننا مثل ما جبرتونا نفكرها اختنا الصغيره آخر العنقود ليش فهميني وش الهدف بالشي اللي سويتوه الذنب ذنبكم مو ذنبي ولا ذنب قلبي اللي عشقها من كانت صغيرة ماتعرف من الحياه حاجه ذنبكم انتوا كل ما جيت نجران وشفتها كاشخه ذنبكم انتوا كل ما طالعت على جسمهآ وفصلته وتمنيتها لي ذنبكم انتوا ياحرايب ذنب وليفٍ وذنبي برقبتكم ودحين تقولين اخاف ربي انتوا السبب بكل شي اسويه انتوا السبب بكل نظره رميتها بجسمها بشكلها انتوا السبب بكل لمسه استقصتدها او ما قصدتها تقوليلي خاف ربك لاني حبيتها حب شريف صدقيني ربي بيعاقبكم على المزهلة اللي سويتوها والكذبه اللي الفتوهآ لو تغطت عننا كان احتمال ما اطالع عليها غير نظره اخويه لخته الصغيرة بس وليفٍ من كانت صغيرة ما أطالعها إلابنظرات العاشق. لمعشوقته ودا كمان ذنبكم
حرايب بصدمه جلست وماسكه راسها الله بلاها بمصيبة كبيرة اخ يحُب أخته كيف تنهي الامر فعلا كلامه صحيح هم السبب بكل شي هم إللي كبروها بعيونه هم اللي خلوه يفكر فيهآ هالتفكير ويعشقهآ فعلا لو كانت تغطي عنهم كان ماطالعها ولا فصّل جسدهآ واشتهاها وافترس خصرهآ النحيل بقسوه اصابيعه المخشنه:هجااااااااان سامع وش تقول!!!!!
هجان بقهر:سامع ياعمه وفاهم مو عيب ادا حبيت بنت خالتي في النهايه انا أولى فيها من الغريب ياخذها ويذوقهآ السم ودا كمان بركاتكم ليش ضايق خلقك ومعصبه وتحاولي تكونين عثره بيننا مو انتوا آللي حببتوهآ ليا ودحين قاهره نفسك
حرايب بعصبيه وهي تحاول قد ماتقدر تبعد فكره الزواج من وليفٍ من راسه لكن تعرف اللي تحاول تسويه صعب مو قد هجّان اللي حط شي براسه مافي قوه في العالم تقدر عليه:هجّان أنتبه لهرجك ويكفي فارق العمر بينكم كبير يا هجان هي بمثابه بنتك اصحى واستوعب البنات كتير مو بس وليفٍ اشر بصبعك وتبشر بزوجك بلي تتمناهآ ماراح نرفض لكن وليفٍ لاااااا ونا اول عثره لك وعقبه قبل أبوك وامك وأعمامك حط الكلام دا في رأسك لا تتأمل كتير مو ماخذ بنت جملا ولا تحاول تحط الغلطه بعاتقنا
هجان بعصبيه:ما اتمنى غير حفيده الشعاع ونا حلفت لكي يحرمون علي يحرمون علي غير وليفٍ مو متزوج وابويا راح يتفهم لو ما خذيتها بالطيب والله ثم والله باخذها بالغصب وأظنك تعرفيني يا حرايب اكتر من نفسك تربيت يدك مو غريب عليكي لاتخربطين بهرجك ولا توقفين بطريقي انا ماحرمت نفسي من الذريه والزوجه من٣٠سنه لين دحين سار عمري ٤٠ عشان اسمع الكلمه دي ونا احبها تعرفين ايش يعني احبها يعني هي اللي اتمناها تكون  ام عيالي انتهى ولا تنسين قول الرسول صلى الله عليه وسلم ( إذا جاءكم من ترضون دينه وخلقه فزوجوه إلا تفعلوا تكن فتنة في الأرض وفساد كبير ) الرسول صلى الله عليه وسلم ما يقول أكبر منك أو أصغر منك وما قال معاه فلوس أو وظيفة أو تقارب أفكار ،،، يعني ها لشرطين وبس والرسول الكريم لا ينطق عن الهوى
حرايب تضرب بصدره:انجنيت انت عقلك وين راح هااا!!!!
هجان يتنفس بعمق:ادا كان انجنيت هادا بحب بنت خالتي حبها جنني سلب عقلي من راسي هي غايتي ومرادي وبإذن الله بوصل لغايتي وتفرحين فيني ، ياقلب هجان ... حرك خطواته وهو يقول، حُبك يا وليفٍ مثل النار داخل الكبّد و الجوَف.
.........••........