*فالبدايه بعرفكم ع نفسي*
انا بنت و حالياً عمري 17 سنه كنت انسانه إجتماعيه بشكل م يتصور و اقدر اوصف نفسي اني حلوه و طولي تقريباً ١٦٢ و ابتسامتي دائماً شاقه وجهي و لو اني ازعل بس ابتسامتي قبل كل شي م احب حد ياخذ ف خاطره , انسانه م تحب تكسر ب خاطر حد و يلي فقلبها ع لسانها بس بخصوص مشاعري م كنت اوضح لأي انسان مهما يكون حقيقة مشاعري له و عشان موضوع دراستي ف انا انسانه مستواي تحت الممتاز بشوي .
كنت وقتها ب ثاني عدادي و كان عمري تقريباً 15 او 14 و كانت مدرستي عباره عن 3 طوابق من اول عدادي لحد ثالث ثانوي و كانت أجواء المدرسه هذيك الفتره جديده علي بما انه كنا في فتره حجر بسبب الفايروس يلي انتشر, و بعد فتره من الحجر بدينا نرجع لحياتنا الطبيعيه . بعد الفايروس كنا نلبس كمامات ك وقايه , بما اني كنت اجتماعيه و كنت اصادق الرايح و الجاي تعرفت ع بنت و كان اسمها *نبأ*و طيحت الميانه معها و كانت نفس جويي و اقدر اقول نفس اسلوبي .بس شدت لي انتباهي البنت يلي كانت واقفه معها ب اسلوبها الغريب م كنت مرتاحه معها نظراتها اسلوبها كلامها تشميقها كان الوضع غريب للحظه , عديت الموضوع بس صرت اشوفها اكثر عن اهلي وين م اروح اشوفها قدامي بس انا كنت فضوليه بخصوص اني اشوف وجهها كامل , صح اني كنت اشوفها بشكل يومي بس ترا م كنت ارتاح لوضعها و لوجودها بس في شي مخليني انجذب لها .
تسألت بيني و بين نفسي هل عيونها السبب ف هالحاله ,لاني م اكون على طبيعتي من اشوفها احس في شي بداخلي م كنت اعرف اوصفه كنت اتردد اني اتكلم معها و دائماً احس نفسي مخنوقه من اكون قريب منها كان المكشوف من وجهه شعرها و عيونها .
*عدت ايام و انا على هذا الحال*
بعد كم يوم جاء ذا اليوم يلي صدق حسيت بكمية غرابه فيه كنت مستغربه الوضع لان م قد صار بينا كل ذا , اول م وصلت المدرسه الصبح و عالساعه تقريباً 7:15 دخلت الصف وبدون اي مقدمات جاتني وحده من البنات و قالت فيه وحده تدور عليك جت الصف و سألت عنك جلست افكر من هذي لي بتجيني لصف و تسأل عني ف هالوقت من الصبح ف نزلنا لطابور و من خلصنا جلست اسولف مع البنات و نضحك ع سالفه قالتها وحده منهم الا و احس بيد دافيه تمسكني من كتفي و تسحبني من وسط البنات لجهه م فيها احد بعمري م صارلي نفس هالموقف , انه حد يجي يسحبني من وسط البنات بدون اي انذار مسبق منه استغربت من الموضوع و انا ع طول عرفت من الهيئه هيئة من حسيت نفسي خايفه و دقات قلبي تزيد بدون اي سبب م كنت متوقعه انه بيجي يوم و تسوي كذا سألتها بدون اي تردد وش عندك ساحبتني كذا ؟؟ م جاوبتني و جلست تناظر فيني اتنرفزت منها م تعطي اي جواب و لا انا عارفه سبب الحركه يلي سوتها جاء ف بالي تسعين ألف سؤال و فجاءه قاطعت تفكيري و سألتني تعرفين اسمي !! , رديت عليها و انا اقول وش دراني فيك ! كنت احاول ابين نفسي بقد م اقدر اني م مهتمه و انا من داخلي الفضول ذابحني ودي اعرف وش تبي مني , شمقت و هيي تقول
للعلم اسمي *رنا *
اذا شفت عليها تفاعل بكمل 💋💋!
و اذا كان في اخطاء املائيه عدوها و حُب كبير لكم بنوتات 👩🏼❤️💋👩🏻
انتظر تفاعلكم
