قلت انزلها اليوم بما اني فاضيه و م وراي شي اسويه 🫦!
حبيتو البارت الاول !!!
يلا م اقطع عليكم كملوا 💋💋💋💋
بعد م قالت لي اسمها كانت علامات الاستغراب ع وجهي ف جاوبتها ايوا و بعدين !! و هنا قربت شوي مني و قالت سنابك !! جلست فتره استوعب وش تبي ذا مني وش تبي من سنابي م اوصفلكم الشعور لما كررت كلامها و قالت هاتي سنابك ف انا مني ك ردت فعل رفضت هالشي يعني لا بيني و بينها معرفه و من الاساس م كنت مرتاحه له و جايه بكل ثقه تقول تبي سنابي بين على وجهها انه عصبت و رجعت ع وراء خطوتين و قلت طيب ما مشكله بتعطيني اياها بنفسك مع الايام و كملت و هي تقول اشوفك بعدين .
ناظرتها بدون م ارد عليها و رجعت صفي و كانت مشاعري ملخبطه من خوف و توتر , جيت جلست و حضرت اول ٣ حصص بشكل طبيعي بدون م يصير اي اكشن غريب مثل يلي صار الصبح كان البريك حقنا بعد الحصه ٤ ف و احنا بنص الحصه الرابعه جت وحده من الاخصائيات نادتني و طلعت و قالت انها تبغاني ف موضوع سريع ف رحت معها للمكتب و لقيت اختكم بالله رنا جالسه بواحد من الكراسي و م ركزت عليها لمحتها بس ,قلت ف داخلي وش مسويه من مصيبه ذي , عطتني الاخصائيه استماره و فهمتني وش هي كانت عباره عن ورقه اسجل فيها بياناتي بخصوص تسجيلي لكم نشاط ف المدرسه و الانشطه كانت عباره عن مجموعه رياضات العبهم ف كانت ذيك الملقوفه تسمع كل شي كان بيني و بين الاخصائيه ف طلعت من عندهم و كان باقي تقريباً ١٠ دقائق و يدق الجرس حق البريك و م كان لي خلق ارجع الصف ف قررت اني م ارجع الصف و فعلاً جلست ف واحد من الكراسي الموجوده ف الساحة المدرسه و انا عيني ع باب غرفة الاخصائيه انتظرها تتطلع .
جلست انتظر و تقريباً بعد ثلاث دقائق من الانتظار لمحتها تتطلع بس اكيد سويت نفسي م مهتمه و م شفت ع هذيك الجهه . بعدها ب دقيقه سمعت صوت مبحوح و الواضح انه تعبان حنيت لصوت و فزيت قمت بساعدها و لقيتها هيه نفسها يلي كانت بغرفة الاخصائيه و رحت لها مسكت خصرها ع اساس اسندها علي و كنت حاسه ب أنفاسها الثقيله علي و م كان ف نيتي شي نهائيًا و قلت ف سري وش صارلها فجاءه كذا قبل ٣ ساعات و نص تقريباً كانت بخير حطيتها ع الكرسي يلي كنت جالسه فيه , سألتها رحتي للممرضه قالت اي بس م كانت موجوده ف رحت عند الاخصائيه اتصلت ف اختي تجيني كان هالجانب منها و هي تعبانه لطيف كانت تتألم و هي ماسكه خصرها سألتها جاتك الدوره !! قالت لي وش دخلك انتي بصوت ذبلان واضح تتألم م عرفت اتصرف جلست و انا ساكته بدون م اقول شي , قاطعت سكوتي و قالت لي ساعديني بروح الحمام سندت جسمها علي و قالت دخليني للحمام و انتظري ف هالوقت دق الجرس و ف نفس الوقت بدا البريك .
خذيتها دخلتها الحمام و كانت تقول انتظري للمره الثانيه استغربت و وقفت عند باب الحمام يلي دخلت له . وقفت انتظر منها اي صوت او اي شي يدل على انها بخير صارها ٥ دقائق بدون اي صوت ناديت عليها بس م كان في اي رد منها
استوعبت انه في شي غلط ف الموضوع جيت بجرب افتح الباب يمكن م قفلته و هنا زاد خوفي الباب مقفول توترت و قمت ارجف م عرفت اتصرف دقيت الباب مره و مرتين لما جيت ادق ع المره الثالثه فتحت الباب و هي تناظرني بنظرات بارده قربت مني و حطت يدها ع رقبتي سألتي خفتي علي !! لاحظت اني ارجف حطت يدها ع يدي و عينها بعيني و هي تقول لهدرجه خفتي بعدت عنها و تناسيت انها تعبانه بسبب دورتها و يلي اساساً كان واضح من البدايه .
طلعت من الحمام و كنت ارجف بدون ارادتي حاولت اتحكم ب هالشي بس خذ وقت مني حوالي دقيقتين لحد م هديت تذكرت انها بالحمام و رجعت بطمن انها بخير لقيتها واقفه تنتظرني اخذتها و رحت عن الاخصائيه و كانت اختها تنتظرها و اغراضها كانوا موجودين بعد م وحده من بنات صفها جابتهم خليتها هناك و رجعت ع الصف و انا افكر ف التصرف يلي تصرفه و الاشياء يلي صارت .
هذا نهايه البارت الثاني
عععيوناتتتي تفاعلوا و لو ب تعليق بس 🥹!
