اسفففه عيوناااتييي ع السحبه الطويله 🥺.
بس ترا كنت في فترة اختبارات و بعدها فقدت الشغف اني اكمل
لعيونكم كملتتت 👩🏼❤️💋👩🏻👩🏼❤️💋👩🏻👩🏼❤️💋👩🏻💋.
و بعد صراع نفسي بيني و بين نفسي و كلام اهلي يلي كان يقول انه لازم اداوم و انه م في شي بينفعني غير دراستي و الانذارات يلي جتني من المدرسه
قررت اداوم بعد انقطاع دام اسبوعين
قبل لا ارجع اداوم ب يوم كنت احاول اهيأ نفسي و كيف برجع بعد هالقطعه م كان في احد يعرف عني شي كنت خايفه ارجع المدرسه و اشوفها لان اعرف انه بيصير شي و كنت متأكده من هالشي انه م بيمر يومي بشكل عادي
حاولت اتناسى موضوعها و ركزت ف اني اعوض عن كل يلي فاتني ف الايام يلي م رحت فيها جهزت اغراضي و رتبت اموري و نمت .
قمت ع الساعه ٥ و نص جهزت و قلت حق ابوي يوصلني و فعلاً وصلني المدرسه , كنت متوتره بس م خليت هالشي يسيطر علي دخلت من البوابه الرئيسيه و على طول بدون اي تفاهم وصلت صفي و جلست مكاني و يلي كان ع الزاويه جلست و انا اهوجس و اتمنى من قلبي انه يعدي هاليوم على خير
م حضرت الطابور و جلست فالصف لحالي و للامانه كنت خايفه لا اصادفها م اوصف لكم الحاله النفسيه لي وصلتلها بسببها كانت خوفي الاكبر , عدت الحصص الاولى بدون اي اكشن و جاء وقت البريك و رحت عند الاخصائيه الاجتماعيه اكلمها و اعطيها عذر للغيابات و يلي صار انه فعلاً كلمتها بس عبالكم قلتلها وش صار معي لا حبايبي جبتلها عذر بخط بابا حبيبي و سلمته لها بس م اذكر وش كان العذر بس يلي اعرفه انه كان مقنع
و انا راجعه لصف كذا تقريباً ع نهاية البريك لمحتها و حاولت بكل م فيني م اخليها تشوفني او نتقابل و فعلاً انتظرتها تمر و كملت طريقي راجعه لصف بس كنت شاكه بأنها شافتني بس تطمنت لان لو شافتني كانت على طول بتجيني
و ع نهاية اليوم كنت مستانسه على انه كان يوم بسيط و مريح لقلبي بعد م كنت راسمه سيناريو طول عريض بس يفرحه م تمت وقت الطلقه يلي هوه وقت الرجعه
و انا انزل من الدرج رايحه عند البوابه سمعت صوتها و هي تتكلم و تضحك حاولت اعجل عشان م أتصادف معها حطت يدها على كتفي و هي تقول زمان عنك ك ردة فعل مني و بخوف وقفت مكاني و قلت مستعجله م عندي وقت
بس قبل لا اروح قالت لي : م رح تعدي هالايام على خير
جتني نفس الصفعه على وجهي بس هذا الشي م منعني اني اكمل طريقي شفت سيارة ابوي من بعيد رحت توجهت لها و فتحت الباب بدون لا اطلع فوجهه
و قلت : هلا بابا شخبارك
ركبت و انا انتظر رد منه رفعت راسي اطالعه
بصوت يرجف و انا اقول : عبدددالله !!!
بأبتسامه منه و بصوته الخشن :واضح الشوق ف عينك
بلعت ريقي و جلست ساكته و م رديت عليه
انتظر نوصل البيت و ادخل غرفتي و اجلس ف سبات عميق لحد باكر
قاطع تفكيري و هوه يقول : قلت حق امي م بنرجع البيت على طول
سألته : شدعوه ليش رجعني و بعدين اطلع وين م تبي
قال : م انا قلتلها اني بطلع معك شلون ارجعك
سألته : وين بتاخذني
قبل لا اكمل بوصف لكم اخوي
اخوي شخص اقدر اقول كل بنت تتمناه حلو و وجهه منحوت جسمه رياضي يهتم ب نفسه و يهتم بكل تفاصيله الصغيره يتعامل مع الناس بلطف و يحب يمد يد العون , دائماً يبتسم حنون علي و يحبني يعاملني بكل حب عصبي و متملك بنفس الوقت بس في جانب منه م احبه اذا مسك على الشي يستمر معه و ادري بتقولون شلون كذا شخصيته و هوه قبل فتره مسوي فيني العجب لا تستعجلون بتفهمون كل شي , وهوه للحين يعاملني بحب بعد م تغير وضعنا طبعاً
جاوب و قال : مكان تحبيه
ابتسمت له و انا فيني خوف و سألت : كوستا
سألني : وش تبين على الغداء
شمقت و قلت له : م في شي بخاطري يلي تبيه
وقف اخوي ف واحد من المطاعم و اخذ لنا غداء و اكلنا و انا كان الفضول ذابحني ودي اعرف وين يبي ياخذني كان ودي اقول لها رجعني البيت احس نفسي تعبانه و بالفعل كنت تعبانه احس ب ارهاق و صداع بنفس الوقت بس كان ع الخفيف بعد م تحركنا من الباركنج
قلت له : اذا وصلنا صحيني احس نفسي تعبانه
رد علي : طيب
نمت و م حسيت على الوقت و كم مر صحيت و لقيت اخوي نايم و واقف ف واحد من الباركنات اناظر ف الساعه الا و هي الساعه ٦ المغرب قومت عبدالله من نومه و انا اقول له : مو على اساس اذا وصلنا تصحيني
قال : وش اسوي دام اني تعبان
ناظرت فالمكان يلي حولي و الا احنا ف الشاطي ابتسمت ولاحظ اخوي هالشي
قالي : قومي ننزل ناخذ لفه سريعه و نرجع البيت
نزلت و انا متحمسه لان صار لي فتره م رحت الشاطي
نزلت ف الرمل و انا متوجهه جري للبحر جاء اخوي و هوه و راي و يقول : حاسبي لا تتأذي و يصير لك شي
وقفت وشفت عليه و قلت فداخلي : م انت اذيتني من زمان وش يصير لو تأذيت الحين على الاقل اهون بكثير
قاطع تفكيري و قال ابغاك ف موضوع اذا يصير
استغربت و سألت ؛ الحين !
قالي : اي الحين
رديت : بعد ١٠ دقايق
م رد علي و كملت طريقي تمشيت على البحر و استانست الصراحه
جاء وقته المنتظر جلست عالرمل وين م كان جالس
سألته وش موضوعك !
قالي و كان واضح عليه التوتر
احب اوضحلكم شي معين لا يغركم المحادثات يلي تبين و كانها بحب هيه عكس ذا كله
تذكرين يلي صار بينا قبل فتره !! .....
بكمل ان شاء الله ف اقرب وقت 💋💋💋👩🏼❤️💋👩🏻
