وصية رسول الله ﷺ
الفصل العاشر
بقلم:
-Rowan Mahmoud Dawoud.
----------
اقتباس
"الحرب التي قتلت فينا اشياء كثيرة ، قتلت خوفنا من اشياء كثيرة ايضاً "
~أدهم الشرقاوي~
قراءة ممتعة.....
----------
دخل معها إلى شقة واسعة ولكنها لا يوجد بها أثاث وغير مطليه.
ابتسم لها يقول:
-ايه رأيك في الشقه يا شوشو هي لسه ما اتدهنتش بس أنا هجيب عمال يدهنوها وهتخلص عالفرح.
نظرت شهد للشقة بتقييم وهزت رأسها برضا فقد نالت اعجابها وحين استمعت لجملة آسر الأخيرة ردد بسرعة:
-لا يا آسر...لأ ما تجيبش حد يدهنها .
رمقها آسر بتعجب واستنكار فاكملت بابتسامة واسعة:
-ما حدش هيدهنها غيرنا.
-نعم؟؟ انتي سخنة يا شهد مين دول اللى يدهنوا؟ احنا؟؟ يا بنتي وربنا أنا آخري مدرس أحياء يعني كائنات حية وكدة مش نقاش يا ماما.
-قال يعني أنا اللى نقاشة....بس أنا كان نفسي من زمان أدهن شقتي مع جوزي زي الروايات.
-هو انتي كمان من البنات اللى بتقرا الحاجات دي...وماله يا حبيبتي نجرب.
ابتسم شهد بفرحة قائلة بحماسة:
-نبدأ دلوقتي.
-نبدأ دلوقتي ايه يا روحي لسنا ما جيبناش دهان.
-ايوة ما احنا هنروح نشتريه حالا.
-حالا حالا يعني لازم دلوقتي ما ينفعش بكرة مثلا.
-أيوه حالا.
-----------
-يا شروق ارحميني بقا ده أنا طلع عين أبويا الله يرحمه عشان أبوكي يوافق تخرجي معايا.
-يا مازن وربنا انا عاوزة أنام.
-ما هو أنا مش هروحك يعني مش هروحك مش بعد ما اتحايلت على ابوكي وكنت هقلب اراجوز عشان يوافق تيجي تقوليلي أروح يا مازن عشان هموت وأنام.
-طب أنا عاوزة أيس كريم.
-عاوزة ايه؟؟
-آيس كريم.
نظر مازن للطريق أمامه وانطلق ما ان فتحت اشارة المرور ثم ردد بابتسامة:
-ماشي يا شروق هنروح نجيبلك اللى انتي عاوزاه.
توقف مازن أمام أحد محلات البقالة ونزل هو وشروق من السيارة ودخلا إلى المحل.
نظر مازن لشروق يقول بحنان:
-شوفي اللى انتي عاوزاه يا روحي أي حاجة نفسك فيها هاتيها.
ابتسمت له شروق ثم ذهبت لتحضر المثلجات بينما هو ذهب إلى الثلاجة اللتي توجد بها قطع الشوكولاته وأحضر البعض لها فهو يعلم أنها لن تحضر سوا المثلجات رغم أنها تحب هذه الحلوى.
YOU ARE READING
وصية رسول الله ﷺ
Adventureالحب..... صفة سامية نبيلة، هي مودة ورحمة، هي احترام بين الزوجين. ولكن ليتكون ذلك الحب النبيل لابد من رباط شرعي يربطنا.. الزواج.... رباط مقدس نحلل به علاقتنا فلا يجوز أن يكون حبا واحتراما ومودة ورحمة لغير الزوجين. الزوج.... هو كل شيء بالنسبة لك...
