أعظم من مُوجز الأخبار بعين المغترب

١٧

وابتسم يشيل ليان اللي خلصت وتقدم يحاسب وفعلًا اخذت العاب كثير وخرج يدينه مليانه اكياس وهي قدامه تمشي بسرور وضعها بسيارة وركبها وركب وهو يشوف اتصال منار ورد : هلا منار
لتردف منار : تيّار تأخرت وين اخذتها !
ابتسم بهدوء : مابقى شي ونوصل
هزت رأسها : عطني طيب بكلمها
وضعه سبيكر ونطقت ليان بسرور : شريت دبدوب و حق دكتوره و صياد
تنهدت مَنار منها ومن عنادها : يالله منك ليونه أشغلتيه !
واكملت بعدها : اسمعي امك بالبيت وانا رحت الشغل بس ترجعين البيت قولي كنت مع منار اتفقنا ؟
هزت رأسهآ بفهم : اتفقنا
اخذ الجوال يكلمها : ليه ماودك احد يدري انها معي ؟
سكتت وقت استوعبت انه سمعها : علشان ماتنخطف انت بدل ما انخطف انا
وكانت تقصد من ابوها اللي بيعصب عليه وابتسم بوسع ثغره وقفلت منه ونطق لليان : ودك تأكلين ؟
هزت رأسها : اي من هرفي
هز رأسه ووقف عنده يطلب لها وجبه طفل وينتظر الطلب وناولها بسياره وحرك يشوفها تدور على اللعبه واخذتها بحماس : باتمان
ابتسم والتفتت له : انا احب الابطال انت تحبهم ؟
سكت بشرود : لا ما احبهم
ناظرته بطفولتها : ليه تحب الاشرار ؟
حرك رأسه بالإيجاب وعبست بصدمه : ليه ؟
سكت بتفكير نطق : البطل مستعد يتخلى عن من يحب لاجل ينقذ العالم بينما الشرير يتخلى عن العالم لاجل ينقذ من يحب
هي مافهمت كلامه ولا مقصده وابتسم يشتت افكارها يبعدها عن كلامه : بس باتمان حلو
هزت رأسها بالموافقه لان آخيرًا فهمت وتوقف عند البيت وطلع كيس صغير فيه النجمه ونطق : اسمعي هذا خبيه حتى تيجي منار واعطيها اتفقنا ؟
هزت رأسها وغمز لها وضحك وقت كررت الغمزة ونزل يشيل الاغراض يحطها عند الباب بعد مادخل الحوش ونزل لمستواها : اي حد يسألك مين شراه قولي العصفورة
هزت رأسها وقبلها ومشى تاركها يشوفها تدق الباب وركب سيارته منصرف ..

عند ماسّة اللي فتحت الباب بعجله وبانت فيها ملامح الصدمه والذهول من كمية الالعاب اللي اخذها لها ودخلتها لغرفه منار وهي تناظر لليان : وش سويتي !
كانت ليان مبسوطه تطلع الالعاب توريها وتشرح لها ولاول مره تشوف بنتها مبسوطه بس واضح ان كل شيء خذاه غالي وكثرته تدل انه دفع واجد ولا كانت قادره تهاوش ليان وتكسر فرحتها ولا قادره تتصرف حتى ..!

شركة مُوجز

كانت تسمع يزن وعلو صوته للمحامي : مايحق له يرفع قضيه حادثه صارت بين كل الناس وش ذنبي انا هذا شغل الصحافه!
قاطعه المحامي : يقدر يقاضيك على انتهاك خصوصية اهله من الافضل تكلمه يتنازل ولا بتدخل بدوامه خصوصاً انه مو اول مرة تنزل عنه اخبار
اغمض عيونه يلتفت لليلى اللي خافت وتوترت ورجع لمنار : قدرتي تخليه يتنازل مره جربي
هزت رأسها بالرفض : مو كل مره تنفع !
تنهد يكمل : حاولي منار حاولي حليها دبريها
نطقت بغضب : مو انا سببتها لاجل احلها
التفتت لليلى اللي نطقت : تكفين منار تكفين والله بخسر وظيفتي تعرفين حاجتي لها
أغمضت عيونها بتعب : اوف ليلى اوف قلت لك من اول ماتسمعين مني !
وتنهدت تاخذ اغراضها وتمشي طالعه لان اساسًا مو وقت دوامها بس جت بسبب ندأ يزن لها ورجعت البيت بتعب .