ﻧــبـدئ ﷽
#مـلاڪي الطـاهـر
#نرجسَ🤍✨لاتنسـون التـصويت+و التعليق بين الفقرات +و متابعه حساب الواتباد.
...
الحذرتك قبل منهم
وگلتلك لا تماشيهم
ذاكرهم بأساميهم
و تقريباً صرت هسه
اني اغرب شخص بيهم
الخلل بيه ، وصدگ غلطان
قبلتك مثل ما انتَ
رغم مو حلو طبعك چان
تعبت لحد مسويتك
شخص يرهم لأي انسان.
______________زفرت نفس و خليت الصينيه على صفحه و دگيت الباب و أيدي ترچف، أتمنى ما يردني هاي المره، سمعت صوت يأذن لي بالدخول
: تفَضل...
فتحت الباب و رجعت شلت الصينيه و دخلت للغرفه أنصدمت من شفتها مگلوبه گلاب الگاع متروسه كتب و أوراق رسم و ملابس صايره بكل مگان، ما چان هيچ شغيره و صار هيچ مخربط نومه مخربط، ملابس مخربطه، صحته بالنازل.
أخوي چان يهتم بنفس بطريقه تخلي الگُل يمدح بلبسه و أناقته هسه صار ما بي حيل حتى يمشط شعره، صارله أربع سنين هو بهلحاله و حرنا ويا شكد حاولنا نفهم منه سبب تغيره بس چان ما يرد علينا، بس بهاي الفتره و الفترة المرت چان كل يوم بعرگه جديده ويا أبوي الما يسمى أب حتى.
خليت أكل و بديت ألم بملابسه على صفحه، حتى بديت أشيل الأوراق من الگاع و چانت عباره عن رسومات غريبه، چذبتني رسمه لعيون بنيه مثل البحر تجننن و چان كاتب جواها عباره حلو عباره غزل
"بَـ عيوَنك رِدت مَسگنِي، وَ بَـ عيوَنك رِدت مهَربِي، بَـ عيوَنك ردت أنتِمي وَ بَـ أحضانِك رِدت أرتِمي"
و ڪاتب جواها "مَلاڪ ذات عَيون البَحر"
أستغربت معقوله كُميّل يَكتِب هيچ لاا و غزل، منو هاي الخلت أخوي بهاي الحاله، رجعت أدور بالرسومات و كلهن رسومات لبنيه و كل رسمه بيها شطر شعر غزل و أعتاب بعضهم، لمن حسيت الرسومات أنجرن من أيدي، هنا من الخوف ما رفعت رأسي و ضليت أباوع بالگاع خايفه.
: أطلعي بره خِتام.
: مو...
: بررررررره
من سمعته صرخ بوجهي بسرع طلعت و حطيت أيدي على گلبي من الخوف أول مره أشوفه بهلحاله، و لا مره شفته هيچ معصب، بس اليوم چان صوته كلش عالي و يخوف، الله ياخذني هسه أني شكو أقره برسوماته،
نزلت من الدرچ و أني أغم بنفسي على حضي المصخم، هسه شلون أباوع بوجهه و هو هضمني من صيح عليه بصوت عالي و أني ردت أبررله، شفت أمي بالمطبخ أشرتلي أجيها رحتلها و أستلمتني أسئله
: أڪل؟
: ما أدري ما بقيت أصلاً هو طردني من الغرفه
: يمفلوگه شسويتي و طردچ
گعدت سولفتلها على الرسومات و عليه شلون صار عصبي من قريت و شفت رسوماته، أمي ڪعدت حايره و صافنه مثل حالتي
أنت تقرأ
ملاكي الطاهر
Actionتوجد مشاهد عنيفه⭕‼️ مـن هنـا بـدأنا بـ سرد تـلك الڪلمات ... لـ تعبيـر عـن فـتاة عـاشت طـيلة حـياتـها ... حـبيـسة فـي مـخزن أصبح لـها غـرفه و ملچأ من الـوحوش ... ألتـي ڪانت تسڪن، و تـ تسگع في الخـارج ... حـبستـها والـدته خـوفًا علـيها مـن اللذين...