«»«»«»«»«»«»«»«»
ﻧــبـدئ ﷽
مـلاڪي الطـاهـر
بقلمي أنا: نرجسَ🤍✨
لاتنسـون التـصويت+و التعليق بين الفقرات +و متابعه حسابي
فقره احنا ما بينا ربح
بس جرب ومرنا بصبح
تلكه النحل لازم سره
يصبلك عسل بريوكنه
من زخت الدنيا مطر
نمشي اني وانته بلا سگف
بس فنها قطره تلوحنة
حيل انعجب بينا الندى
وقطرات باوراق الشجر
غسلت نفسها بروحنا
متعجبين على القمر نجماته
من مرها التعب امنها بيدنه سطوحنا...
............
أفاطِم
أنتضرت أگمل شغلي و أتصل بـ عُلا
أطمني على هِييلين،
لحد الان ما تجاوب على رسائلنا،
نشفت أيدي و ركضت للجهاز،
لزمت الجهاز و دگيت عليها ما تأخرت و جاوبتني،
عُلا: يابهه هلااا شلونهم
أفاطِم: هلا بيج حبيبتي، شلونچ
شخبارچ
عُلا: حبيب روحي بخير أني
أفاطِم: أكلچ هم تعرفين أخبار
هِييلين، شو صارلي أيام ادزلها
رسايل و ما تشوفهن، حتى نت
ما عندها ضل بالي ييمهاا
عُلا: حتى اني نفس الحاله قررت
بعد شوي العصر أروح الهم، تجين
وياي نشوفها و نطمن عليها
أفاطِم: ما أدري أشوف أبوي و
اردلچ خبر،
عُلا: تمام
سلمت عليها و سديته، ضليت أنتضر بابا يرجع و أگله بلگت
يقبل أروح،
من شفته رجع حضرت مصلايته،
و رحت اني اصلي، و من خلصت
صلاة ركضت للمطبخ صبيت الغده
و رتبت السفره، أجتمعنه كلنا على
سفره، و قررت من نكمل احاچي،
بعد ما خلصنا لميت المطبخ و عزلته
و خليت الشاي المهيل على النار،
أنتضرته يهدر لمن أكمل لم الگاع،
من سمعت صوته فار ركضت طفيته
و صبيت گلاصين لـ أبوي و مؤمن،
شفتهم گاعدين بالصاله خليته گبالهم و گعدت كبال أبوي،
أفاطِم: بابا اريد اطلب منك طلب
حسن:گولي بويه شتردين
أفاطِم: عندي صديقه تعرفت عليها
بهاي المدرسه الجديده و كلش أحبه أني، فـ صار الها أيام من
خلصنه أمتحانات و بعد ما أعرف
أخبارها فـ عرضت عليه صديقتي
الثانيه نروح نزورها و نشوفها،
اذا تقبل أروح وياها،
YOU ARE READING
ملاكي الطاهر
Actionتوجد مشاهد عنيفه⭕‼️ مـن هنـا بـدأنا بـ سرد تـلك الڪلمات ... لـ تعبيـر عـن فـتاة عـاشت طـيلة حـياتـها ... حـبيـسة فـي مـخزن أصبح لـها غـرفه و ملچأ من الـوحوش ... ألتـي ڪانت تسڪن، و تـ تسگع في الخـارج ... حـبستـها والـدته خـوفًا علـيها مـن اللذين...
