»«»«»«»«»«»«»«»«»
ﻧــبـدئ ﷽
مـلاڪي الطـاهـر
بقلمي أنا: نرجسَ🤍✨
لاتنسـون التـصويت+و التعليق بين الفقرات +و متابعه حسابي
ares_eliah
خطوةً في الدربِ الخاطئ تكلّف عمراً.
.........................
خِتّام
-سندت أيدي على الڪـاونـتر و أنـي اسـمع اصواتهم و شهگاتهن،
نزلن دموعي و رجف جسمي،
خليت ايدي على حلگي أشهگ بالبچي،
گمت بسرعه و جريت عبايت أمي من سمعت صوت مُجتِبى و هر يصـرخ بأسم هِييلين،
طلعت و اني ما اشوف طريقي من
الدموع الملت وجهي،
ابـاوع لـ جواهر منتهيه من البچي،
و ڪَرستال چثه و گاعده ما تحس
بأحد يمها و شفايفها ترجف و تهمس،
لازمها كُميّل يحجي وياها و صوته
يرجف،
طلعت ورا مُجتِبى من شفته شايله
وحـده بيـده،
صعـد بالسيارة و اني صعدت ويا،
شافنه ڪِنّاز و اجه يسأل، من شاف
حالة هِييلين سكت و دخل جوه
يمشي بتعب،
كعدت ليوره و مُجتِبى خله هِييلين
بحضني و اني حضنت رأسها،
و اشوفها فاقده بحضنني، دموعي ما وكفت و رجفة ايدي و اني
لازمه رأسها و مخليته بحضني،
شهگت و اني اباوع لحالنه شلون نگلب گلاب بسبب الفاعل،
صرخ مُجتِبى بقوة و قهر،
مُجتِبى: عثماااان يا كلب ابن الكلب، أذا ما ندمتكم على فعلتكمممم ما أطلع اني ابنكم،
وصـلنا لـ المستشفى و هو نزل يركض و شايلها بيده،
تلاگه ويا الممرضين و أخذوها من أيده،
ركضنا وراهم و احنا لازمين گلوبنا بدينا من التعب دخلوها يفحصوها
و اني گعدت على احد الگراسي
أبـاوع للي التخبل گدامي، يمشي
و يرجف عليها رجف و القهر كاتله
خِتّام: شگد صعبه من عدوك منك و بيك شگد هضيمه
مُجتِبى: ما معترررف بيهم والله ما معترف اني بيهم لو بيدي اتبره منهم بس أمي واگفه بعيني أمي،
و لكم أبوي يخطط حتى يگتلني و ينصبلي گمين وين لأگيها،
ما خوفني و لا هزني بس هضمتني
من أبوي هو اليريد يقضي عليه،
YOU ARE READING
ملاكي الطاهر
Actionتوجد مشاهد عنيفه⭕‼️ مـن هنـا بـدأنا بـ سرد تـلك الڪلمات ... لـ تعبيـر عـن فـتاة عـاشت طـيلة حـياتـها ... حـبيـسة فـي مـخزن أصبح لـها غـرفه و ملچأ من الـوحوش ... ألتـي ڪانت تسڪن، و تـ تسگع في الخـارج ... حـبستـها والـدته خـوفًا علـيها مـن اللذين...
