ملاكي الطاهر

الــَمــسـار|24

»«»«»«»«»«»«»«»«»
ﻧــبـدئ ﷽
مـلاڪي الطـاهـر
بقلمي أنا: نرجسَ🤍✨

لاتنسـون التـصويت+و التعليق بين الفقرات +و متابعه حسابي
ares_eliah

-اشيلك من خَيالي وترد مثل الشيب
تعبت وياك كل ما تنشلع تكثر.

︶ ꒷꒦꒷︶ ︶ ︶꒷꒦︶ ︶꒦︶

روَان

-عبرت من وره البيت من شفت سيارته تحركت، رجعت بقهر للبيت و اني انعل و اسب باليوم الشفتهه بي، راجع المن و شرايد،

وين اشرد منه و ما اشوفه اريد بس اتخطى الصار حتى اجمع شتاتي،

دكيت الباب و فتحه الي خالي بسرعه سحبني ليجوه و طلع يباوع ليبره يشوف و يتأكد،

ماجد: امشي باباتي أدخلي ارتاحي

ما ناقشت هزيت رأسي و صدگ رحت لـللغرفه غيرت ملابسي،

و نزلت يم مرت خالي، اريد اعرف الصار و شگال الهم

نسمه: والله يا خاله چنت اعزل بالمطبخ و خالج قبل شويه رجع من الدوام تعبان، مشيت اجيبله ماي و ما نسمع الا الباب أندگ حسبالنه أنتِ بس بعد وگت على رجعتچ،

اي يخاله طلع خالچ يفتح الباب و ماسمعنا الا صوت زلمه رج البيت رج، يصيح بأسمچ و يريدج اطلعيله،

أني انصدمت كلت ياهو هذا، طلعت اباوع من وره الباب و اشوفلج ولد واكف كبال خالچ و يهدد، ما عرفته ياهو بس من طلع و سئلت خالچ كال هذا ابن عمچ،

تنهدت و مسحت وجهي بتعب، اتصلت على أمي و طمنتها على حالتي، و خالي ما قبل اداوم باچر
و اني هم مالي خلگ فـ غلست عن الدوام،

صعدت لـ غرفتي و تمددت بالفراش و اطكطك بأعظامي من التعب،

غفيت بعد ما چنت صافنه على سگف الغرفه،

بعد مرور مُده كعدت على رنة مُبايلي،

لزمته اقرى بالأسم لكيت رقم يتصل عليه، باوعتله بـ أستغراب
منو هذا يتصل عليه، معقوله مَنصُور بس منين يجيب رقمي مَنصُور،

قررت أفتحه و اشوف منو هذا،
فتحته و خليته على أذاني ضليت ساكته و حابسه نفسي، بس سرعان ما زفرته من سمعت صوته

كِناز: هااا يابه شني نايم كاعد

روَان: هههه هذا أنتَ!

كِناز: اي يابه اني ليش چنتي متوقعه غيري

روَان: هاا لا بس أستغربت من شفته رقم غريب يتصل عليه، اي شلونكم،