أَنْتِ لِي|YOU ARE MINE

تغير أحداث✨

لقاتهم كيتعشاو مجموعين وهوما ساكتين ،وهي تذخل عليهم ووجها حمر .
فطومة: امالكي وجهك حمر ؟
نور :ههاا اححم ،اااا كلاني... زعماا بغييت ناكل تانا ،فيا الجوع حرام عليك ماعيطتيش ليا .
فطومة: رااه قلتها لكريم يعيط عليك ولكن بقا كيقلب ومالقاكش فين كنتي؟
البنت : كانت كتقلب على رزقها هههههه ،وهوما يبداو البنات كيضحكو ،معاها فطومة اللي استغربات من الطريقة كيفاش دوات ديك البنت
فطومة:علاش داوية نتي؟
نور شافت في ديك ختنا وهي تقول ليها: الي معنا عليا يمعني على مو ،وبراكا من تاقواديت والفاهم يفهم .
البنت خنزرات فيها وقالت: اوا واخا هانا انجيك نيشان ،يزن الذهبي كان كيعيط عليك ،آش مشيتي ديري معاه
فطومة شافت في البنت وقالت: ونتي سوقك ، ذخلي سوق راسك

نور اصلا معصبة وطالع ليها الدم باغا غي معامن وهي تحط يدها على الطبلة حدا البنت وقالت : وادابا آش بغيتي تقولي من هدشي كامل، أنا قحبة ؟،كنمشي نتحوى مع سيك يزن ؟
البنت وهي توقف وقالت: اواا ماا نعرف نتي اللي قلتي هاد الهضرة
نور : عرفتي دبا قودتي معايا سوايع...

ماحساتش ديك ختنا براسها تهبطت ليها نور راسها تال عند رجليها ،وهزتها وهي تعطيها واحد مولاتي التصرفيقة دوخاتها.
فطومة اللي غي شافت نور كيفش دارت ليها وهي تنوض كتفك فيها ...
في الجهة ديال العرس

كان كريم واقف مع يزن وأنور ويوسف ،وكيتبادلو الحديث
كريم: اسي يزن واش اتبات هنا في الفيلا ،ولا أتمشي من مورا الحفل نيشان .
الدراري بجوج شافو فيه كيتسناو يقول شي حاجة ،حتى تمات جايا واحد الخدامة كتجري لعند كريم .
البنت: ونااري نااري سلخ..ت ها س..س لختها ..وعتق عتق
كرييم: هااناااارييي ماتقوليش ليا مضاربين ،هادي باينة غا نور

وهو يتم غادي يجري لجيهة الفيلا ولكن دفعو يزن ومشا كيجري تاهو لتماك ،ومع وصل كتبان ليه نور كتضرب فواحد ختنا ،وخالتها كتفك فيهم .
هو جاتو الضحكة ولكن جمعها ،وذخل وسطهم كيفك فيهم وهو يجر نورر لعندو ودورها لمورا ضهرو ،تامابقاتش كتبان موراه ،أما هو اللي عجبهاا حيت دار هاد الحركة ومعا هو طويل وضهرو عريض ،مابقاتش كتبان من موراه ههههه ،ننساات المضاربة وكلشي وبدات كتبتاسم .
أما هو اللي شاف فديك ختنا وقال :سيري بحالك
البنت: السي يزن هي الي تهجم...
يزن قاطعها: سيري بحالاتك قبل مانصدق شابع فيك معيور .
كريم ذخل من وسطهم ،وشد البنت تم مخرجها البرا وهي كتعاير ومعصبة
البنت: حراام علييه هي اللي تهجمت عليا ،لاش ماجراش عليها تاهيا
كريم: سيري أختي ولي تديها فراسك ،شوية هاد البنية راه كاعما تعطيك ديك السلخة غي هكاك ،نتي اللي قلتي ليها شي حاجة،ومن طبيعة الحال مغاتسكتش ليك.
البنت ملي قال ديك الهضرة وهي تبقا غي كتشوف ومشات بحالها
كريم: استغفر الله ،هاد السي الذهبي معرت مالو معا الخدامات ...