"يوميات رمضانيه"

الحلقه الاولي

"يوميات رمضانيه" الحلقه الأولي

{مرحب بقدومك يارمضان ...ونعيش ونصومك يااارمضان}

1/في البداية :الزينه
،والفوانيس ،لو موجوده تمام علقها وافرح بالشهر لان دي شعائر،مش موجوده اوك ميبقاش عندك هسهس بيها ،الفرحه في القلب.
2/ النيه. هل يشترط ان أنوي نيه واحده ،ولا لازم أنوي كل يوم؟
_ احنا بننوي مره واحده ( اللهم اني نويت صيام رمضان كاملاً فإن توفيتني قبل إنتهائه ف إكتبني من الصائمين)
انت كده خدت الأجر ونويت نيه كامله،
_ انك تصحي تتسحر كل يوم دا في حد ذاته نيه لكل يوم.

3/ الإلتزام: في ناس مكنتش بتصلي هتبدأ تصلي وهتصلي سُنن،في ناس مكنتش بتقرأ القرآن هتبدأ تقرأ،في ناس مكنتش بتصوم تطوع هيبدوأ يصوموا،في ناس بتعتزل الميديا،ويبطلوا الاغاني،ويقفلوا التلفزيون ،هيقولوا عليك متدين ،استشيخ،
مُتحيز لشهر رمضان واول ما يخلص يرجع تاني،ارجوكم ارجوكم ياجماعه متسمعوش لحد،وفيها اي لما ابدا اقرب من ربنا واعمل الصح والاخلقيات،لعل وعسي دي تكون البداية في إلتزامك بعد كدا،متخليش حد يحبطك،دا ربنا قال ( إِنَّ الْحَسَنَاتِ يُذْهِبْنَ السَّيِّئَاتِ ) ف انت مترسمش الطريق لربنا ،كل اللي هتعمله في رمضان هيمحي كل حاجه غلط قبل رمضان ،استمر أنت صح.
4/ نجي للسؤال اللي بيطرح نفسه: انا عايز أقرب من ربنا بس انا عملت ذنوب كتير تفتكر ربنا هيغفرلي؟
أحب أقولك ايوا ،قال اللّٰه تعالي:
( قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ )
ربنا غفور رحيم ،روحله بقلبگ وهو هيقبلك
ابسطها صلي ركعتين توبه وجدد العهد مع ربنا وافتكر إنّ التَّائِبُ مِنْ الذَّنْبِ كَمَنْ لَا ذَنْبَ لَهُ،
شوفت رحمه ربنا كبيره ازي ؟ مستني ايه يلا إبدا من دلوقتي وجدد العهد..

5/ بالنسبه للمسلسلات والبرامج التافهه في رمضان دول حرب نفسيه بيلعبوا علي المشاعر، فعشان تنهي الحرب دي متسمعش حاجه،كل شئ بيتعوض ،انما رمضان مش بيجي غير في السنه مره ف خاب وخسر ان آتي ولم يغفر له،،طاب اعمل ايه كل البرموات والإعلانات بتغريني ،مش قادر اعمل إقفل السوسيشال ميديا ،اقفل التلفزيون ،انا الحمدلله أخدت الخطوه دي وقاومت،انت كمان ابدا قلل لحد ماتقفل خالص ،ومتقوليش انا بسمع بعد الفطار،حبيبي الحرام قبل الفطار حرام بعد الفطار،والحرام في رمضان حرام طول السنه،إستقيموا يرحمكوا الله.وبرضو في برامج دينيه حلوه زي "بصير" وغيرهم وحاجات جميله كلها بتقربك من ربنا...

6/ الوقت في رمضان بيبقي زي الكنز وسريع جدا ( أيام معدودات) في لازم تنظم وقتگ وتعمل خريطه ذهنيه في النوتس بتاعتك بالورقة والقلم( ن ۚ وَالْقَلَمِ وَمَا يَسْطُرُونَ )
طاقه الورقه والقلم رهيبه وخاصه واحنا في رمضان بيبقي الطاقه أعلي وأعلي ، مثلا في الجانب الروحاني عايز اقرب من ربنا وأذود في الطاعه والقيام والتجهد وهكذا بقيه جوانب حياتك ،الجانب النفسي والمعنوي،والمادي والرياضي،والاجمتاعي والعائلي،العلمي،
ولم تعمل إنجاز في اي جانب اشكر ربنا عليه "وَإِذْ تَأَذَّنَ رَبُّكُمْ لَئِن شَكَرْتُمْ لَأَزِيدَنَّكُمْ" الشكر بيزود النعمه ،ف لما تشكر ربنا مثلا انك مسمعتش مسلسل النهارده ،هتلاقي نفسك بتزيد جواك عدم الرغبه في انك متتفرجش،وتوصل للعباره دي " انعدام الرغبه أمام الشئ الذي أدمنته إنتصار" ف خلي الشكر قاموس حياتك حتي لو هتطلع بيه من رمضان.

7/ طيب يادكتور ،بالنسبه للقرآن أقرأ واختم مره واتنين وخمسه ولا أقرا مره واحده وأتدبر؟
انا بفضل القراءه مره واحده وختمه طول الشهر بس بتدبر وتركيذ واطبق كلام ربنا
( أَفَلا يَتَدَبَّرُونَ الْقُرْآنَ أَمْ عَلى قُلُوبٍ أَقْفالُها ۝ ) دي نقطه ،وميمنعش اني أقرا مره وخمسه وعشره بكل حرف حسنه واتسابق في الختمه " وَفِي ذَٰلِكَ فَلْيَتَنَافَسِ الْمُتَنَافِسُونَ" كل ده حلو وجميل وحسنات، بس الأصل اني أتدبر وأفهم معني الآيات، والقرآن هيبقي ليه حلقه لوحده بس حبيت اوضح كل المعاير اللي هنمشي عليها خلال الشهر ،مش عايز اطول عليكوا اكتر من كدا،اسيبكوا مع الواجب العملي هيكون عباره عن آيه قرأنيه مطلوب منكم تفسروها وتدبروها
.( لَهُمْ قُلُوبٌ لَّا يَفْقَهُونَ بِهَا وَلَهُمْ أَعْيُنٌ لَّا يُبْصِرُونَ بِهَا وَلَهُمْ آذَانٌ لَّا يَسْمَعُونَ بِهَا ۚ أُولَٰئِكَ كَالْأَنْعَامِ بَلْ هُمْ أَضَلُّ ۚ أُولَٰئِكَ هُمُ الْغَافِلُون )

نختم الحلقه بسؤال برضو جابوا عليه.
_ ما هي السوره التي أبكت الناجشي عند سماعها؟!

لو عجبتك الحلقه متبخلش بي لايك ومنشن لصديقك وشارك والدال علي الخير كَفَاعلهُ

مع الكاتب: أحمد فايز😊