#زواج جنِي❤️ .
يـوم الاربعاء ( حفلة الحِنة ) :
حور ناضت الساعة 8 بدلت ونزلت ماشيه للمدرسة .
حور : صباح الخير
مُهاب : صباح النور
حور : شحالك 🌹
مُهاب : سلم حالك يمي ، شحالك انتِ ؟ لكي كم يوم اتخايلي وديما مفجوعة شن في كنك ؟
حور اذكرت العزوز : ينعلاااي ماكني شي غير القراية ذاهبة شيرتي , معمران وين ؟
مُهاب : فالجامعة بالك ولا مندرعنه يرا اصلاً طالع من صبح ربي
حور : اياه وين بابا باهي ؟
مُهاب يصلب فالقهوة : طلع هو و امي .. ومد قهوة لحور
حور : منور يـ ثلب
مُهاب : سلمك غير اشربي واطلعي بسرعه
حور شربت القهوة و صبت لبست الكويش و التفتت علي مُهاب : شن صار فِ ال.. وقص عليها
مُهاب : اربحيي لمدرستك وما ادكش خشمك في حاجة مش شورك
حور : نننننن انزرف 🌹 وطلعت
مُهاب : مربوحة
______________
حور سكرت باب حوشهم ونزلت مع الدروج جت عينها علي مؤيد مصبي قدام قطعتهم , حور : يـ ربي شن هالحصلة سمحة تطلعنت العزيّز وتعفرت علينا 🤦🏻♀️ , وتعوذت من الشيطان ومشت شور حوش عيت محمد تبي تاخذ نور
مؤيد : صباح الخير
حور ببرود : خير 😒
مؤيد : في حد ضايقك ولا جاء شورك
حور ادق عالباب بلا ماتبحت فيه : لاه
مؤيد حس ببرودها وان مش معبرته لم عقاب وجه وعدا 🤦🏻♀️ .
مؤيد ركب سيارته فتح الروشن وبحت في حور اللي محنطرة قدام الباب , مؤيد : ماتعبش روحك نور مش ماشيه
حور : اوووووف عليك بخت ومشت بروحها وهي تمشي لقت احمد يمشي قدامها ودوب مايتحرك
حور : خرفييي 🤦🏻♀️ وقعدت تمشي علي مهلها عشان مايفطنلهش لكن فالنهاية فطنلها ورد قعد يمشي حذاها 🙂😂😂😂
احمد : اووو جارتنا صاحبتك باعاتك اليوم 😂😍
حور : لا باعتني لا سو بس بالله عليك عاجبك منظرنا فالشارع حذا بعضنا ونمشو قدام العرب هكي 😒؟
احمد : نوصل في اختي شن فيها ❤️ ؟
حور سكتت لانها عارفه ان النقاش معاه كيف الصفير في وذن ميت 🤦🏻♀️
وصلو للمدرسة واللي هذا مشى لساحته ( المدرسة فيها ساحت بنات وساحة عويل )
حور قعدت بروحها بحكم ان ماعندهش صحبات واحمد قعد فالجهة اللي مقابلة ساحة البنات عشان يتفقد حور المتوحدة 😂❤️ .
خذو حصصهم ومشى الدوام بدون اي اكشن وحور كانت ساكته اغلب الوقت ونفس الشي احمد واللي هذا روح لحوشه .
_____________
الساعة 7 المغرب :
حور تمشط في شعرها وحاطه التلفرن سبكر وتحكي مع نور , نور : شن تبي تلبسي
حور : فستاني الاسود اللي فيه ريش من فوق
نور : اوووف مرة نار 🫦🔥
حور : وانتِ ؟
نور : انا نبي نلبس فُستان دانتيل لونه وردي بسيط بكل لاني اغلب الوقت نبي نقعد متحزمة عشان التصوير
حور : كيف رضيتي تقعدي ملكانه بس 😂😂😂
نور : الله غالب مافيش غيري . بس ان شاء الله نشوفك ملكانة حتى انتِ 🙂 .
حور : 😂😂😂😂😂😂😂😂😂 وسخة
نور : شن جو العزيّز ؟
حور : كل شوي تبرم مش دايره غيبة
نور : واصلة الرحم العطيبه 😂
حور : مش غير 😂😂😂😂😂 .
