#زواج_جني❤️
( للكاتبة : ملاك المغربي ❤️ )
( خيال ممزُوج بالواقع )
________
كريم : نُور .. انتِ تبي تعرفي سبب رفضي لكِ
نُور بلعت ريقها : ش ش شن قُول ؟
كريم بكل شخصية و جمُود : بإختصار لأني ولد حرام ومش معروف من هلي يعني اسمي كريم حاف بدون هويّة ، و أظن اني مش مناسب لبنت عيله و ناس زيّك يـ نُور .
نُور : 😨 .... شن شن تقول انت ؟ .. كريم تدوي جد !
كريم : و جد الجد ... انا كنت نبي نحكيلك من زمان يـ نور و يعلم الله اني نحبك و رايدك زي ماتبيني و اكثر لكن انا واثق انك مستحيل توافقي علي حقيقتي و حتى لو وافقتي انتِ هلك مُستحيل يوافقو 💔 .
نُور صبت بدُون ولا كلمة .. كريم : نُور ... نُورر !!
وخبط الطاوله بإيديه و صبه يجري وراها
نور كانت تمشي وماتشوفش قدامها ، يعني قاعدة في حالة صدمة ... معقُولة هكي يصير ! يعني منطقياً موضوعهم مالهش حل وهما مش لبعضهم بكللللل !
كريم وصل فيها و مسكها من يدها : هدي شوي بسسس .. وكان داهش يلقط في انفاسة
نُور تشوفله و ساكته .. كريم طلق ايد نور : نوصلّك ؟
نور هزت راسها بـ معنى أها و كان الحزن واضح عليها أساساً عيونها ما وقفوش دمُوع بكل 💔 .
و صلها كريم للحُوش و روح وهو يفكر فيها و يفكر هل اللي داره صح ولا ؟ وهل نور ح ترضى بيه بعد عرفت حقيقته ؟ .... نزلت نُور و خذت دُوش وبدت تجهز لعزومة مُؤيد ، رغم الزحمة اللي فالحوش من اقارب وجيران و اصحاب بس نُور كانت تحس روحها وحيدة و محتاجة لحُور 💔 .
______
فِ حوش مُعاذ ... روح مُؤيد و سيّب حور في حيرة .. كيف تغير مُؤيد هكِ ! قصدها مش ع الشكل لااء قصدها ع الطبع .. كانت متعودة تجرح مُؤيد و تهينه و ماتلقش منه الا كل الحُب و الاحترام .. كيف حكى معاها هكِ ؟! كان في مية سُؤال و سؤال في راسها ... يعني كيف بتكمل مع مُؤيد هكِ ؟ و كيف بيتعامل معاها مُؤيد ؟ و شن بيدير فيها ! اكيدة مش ح يسكت بعد التغّير الرهيب اللي صار في طبعه و تفكيرة ... ولا يمكن مش تغيير .. يمكن مُجرد صدمة و ح تختفي مع الوقت ! ... الله أعلم وكله غيب ومالناش بيه علم الا فالحلقات الجاية ح نشوفو شن بيصير ..
لبست حُور عبايتها و نزلت لحلا لقتها جاهزة هي و اسماء و طبعاً مُعاذ والشباب طالعين من زمان بكللل .. عطت حور هداية اسماء و حلا اللي جابهن مُؤيد بعد لقت عليهن استكارات و هكِ وطلعن لحُوش محمد .
خشت حُور وهلها وسلّمن ع العرب يعني خوال مُؤيد و عمامه و بنتاهم اللي كانو سبب في فراق حور و علاء !
نُور شافت حُور ومشت سلّمت عليها وكان باين في وجها التعب و الحزن
حُور : كنك نويرة ؟؟
نُور : أااااااه يـ حور 💔💔💔💔
حُور : كنك شن في شغلتيني !
نور : نحكيلك بعدين تعالي سلمي علي امي وحني .. ومشن ..
حميدة : أهلين بـ كنتي السمحة 😍 .
حُور ضحكت و سلمت عليها : أهلين يـ عميمه كيف حالك ؟
حميدة : بخيز و الله كيف حالك انتِ ؟
حور : الحمدلله ❤️ .
و سلمن اسماء وحلا وجت حُور بتسلم علي خديجة
حور : اهلاً يـ سلفتي 😍😂.
خديجة سلمت عليها : اهلين .. صخصخ عليك وقت اللي ربيتها تمت سلفتي 🙂😂.
حُور : ههههه خسارة و الله قبل خاطري ننزل ظرة علي عمتي حميدة .. لكن الله غالب ماصارش نصيب 🥺😂 .
قرصتها حميدة : وكعلييي سوك في دوّم يـ الجالط
حور : هههههههههه وين عايشة 😂😂😂
نور : تعالي قاعدة فالمطبخ ومشن للمطبخ ..
حور : سلام ..
عايشة : سلامات 😍
حور سلمت عليها : وكعليي يخرا لي زمان ماريتك بطنك كابرة ( عايشة حامل ✨ )
عايشه : ههههه بكل يرا سيبتك عانز جيت لقيتك مرت خوي
حُور : دنياا ياا 😢😂
نور : هيي تعااليي نبيك تو تلهطن بعدين
حور : تمام تمام ... ومشن لدار نور
نور خشت و قفلت الدار
حُور : لااااء اللي في عقلك انسيههه ... هيييي انا مرات راجل يـ نور 😖
نور ضربتها علي كتفها : مش وقتك يـ نذلهه يـ سوسهه خزي 😒💔💔
حور : هههه تي كنك معاي قاعدة طاربه يرا 😂😂
نور : ونا الطرب ماخطمش حتى التخطيم من يلاي
حور حست ان الوضع جدي : شن في ؟
نور حكتلها كل شي ..
حُور : شوي شوي ...... توا كريم ... اللي نعرفوه كلنا هكِ قالك !!!!!
نور تبكي : اههَا 😭💔💔
حور حظنتها : لاء يروحيي نا خلاااص 💔💔💔 .. وقعدت تهدي فيها لعند هدت
نور : شن ندير توا ... نحبهه يـ حور 💔💔💔
حور : عارفه يعيوني عارفهه .. توا فكري فالموضوع شوي وبعد اتم حوسة مُؤيد صلي استخارة وكان تريحتس خليه يكلم مُؤيد ! ... تمام ؟
نور : تمام ... شكراً ❤️
حور ضربتها كف : تي لا يبقرة مش بينا وصبت
نور شافت لحور : حوور 😨💔💔💔💔! هضيشششش ؟
حور : كنييي يناااعلييييي 😨
نور : رقبتك 😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😭 ... تي وااااااكك يغجرية
حور خذت نفس بهدوء وحطت يدها علي قلبها : يـ بقيقيرة كني ؟
نور : شوفي الاثار اللي في رقبتك 😭😭😭😭😂
حور : اهههاااااا يرا هذا عمك المزفز
نور : منجدك انتِ 😭😭😭😭😭😂؟ تي كيف صار احكيلي ؟ وكيف خليتيه يلمسكك 😂 ؟ متأكدة عمي مش علاء ؟ 😭
حور : مش عارفهه كيف صار يرا ، انا صلاً كنت خايفه من موضوع المكالمة اللي امس .. ولما خش قعدت نرعش وهو زاط فيا عاد ومعش عرفت شن ندير ... 😭😂 .
نور : وهههههه عليك ضحك 😭 ... حور فرحت لانها عرفت تخفف علي صاحبتها و تخليها تضحك بالرغم من الخلافات اللي بينهن ❤️ .
بإختصار شديد مشت الليلة عادي حداً قدمن البنات العشاء و كان رز بالخلطة ونوعين مالح وسلطات و شاهي و كعك و مكسرات و قهوة و حلو و عصير و شكلاطة .. كان التقديم خياااال يعني بميزنيات كييرة ماكانوش يقدرو عيت محمد يدفعوها لولا مُؤيد و شغله ( ملاحظه .. عيت محمد صينو حوشهم وبنو دور ثاني و سكنو معاهم خديجة ونور بعد كانن يسكنن وحدهن .. وتحول حوشهم من منزل عربي قديم و متواضع اللي فيلا كبيرة و ضخمة وتنافس فيلة مُعاذ و كله بفضل مُؤيد ❤️ ) .
المهم مشت الليلة ضحك ولعب وجو سمحح بكل كل حد روح لحوشه ..
حور ..
خشيت غيّرت و دوشت وقعدت نحاول نغطي الاثار اللي ف رقبتي بعد عملة الفاسد مُؤيد .. ونفكر فيه .. ليش تريحتله هكِ ونا نكرها ؟
______
#تسريع فالأحداث ...
إستقر مُؤيد في البلاد و سرعان ما حصل وظيفة في مطار الشركة .. الوقت اللي يقعد فيه بلا شغل يكمله فالكفي وغيّر حاجات واجد فالكفي طوره و زاد عليه مساحات بالياردو ودار فيه كفي نسائي وقسم أركيد وملاهي للأطفال وفِ وقت قصيّر بكل قعد من اسهر كفيهات بَرقة ... طبعاً وضعه هو و حور كان كيف السمن ع العسل و حددو الفرح و حور جابت بتاتها وكل شي و مُؤيد صيّن شقته و خلاها 7 نجوووم .. طبعاً ح تسألو علي جملة ( كيف السمن ع العسل ) ؟ .. هههه حور كانت تساير فيه مسايرة عشان خايفه من قصة علاء وَ كذا و مُؤيد عارف الشي هذا لكن كان مستمتع و عاجبه الوضع 😍😂 .
كل شيء تمام بين العيلتين وكان في حُوسة فرحين في نفس الشارع وفي نفس الاسبوع 😂😂😂 .. كلهم فرحانين و مبسوطين لعرس حور و مُؤيد ماعدا حُور لسبب معروف كانت حزينه ومضايقة و حاسة ان حياتها ادمرّت و مستقبلها ضاع .. صح مُؤيد تغيّر و قعد احسن طيار فيك يـ برقة و الناس تضربله الف حساب بعد ماكان فاسد متاع شلل و صبايا .. بس مع التغيّر هذا كله حور مازالت تحب علاء و زاد لخبطها بعد هذك المكالمة اللي معش عاودها وخلاها في حيرا ..
طبعاً نُور كانت تفكر في كريم و موضوعه ! .. كيف تجوّز ولد حرام ! مش معروف حتى شن اسم بوه ! عيالها فالمستقبل يقعدو بلا كُنية وبلا هويّة ! يقعدو لمّد بالعربي يعني حتى قبيلته مش عارفها ! حاجة الوحيدة اللي عرفها من ادارة الملجئ ان هو ولد حرام وجباته امه للملجئ عشان راجلها معش يطلقها و تشرّد ..
وخشت نور في دوامة تفكير الله اعلم امتى بتطلع منها .. هل نور بتقعد تحب كريم و توافق عليه ؟ ولا ترفضه و تكمل عمرها مع شخص ماتحبش زي ولاء ؟ ولا بيجي من ينسيها كريم ؟ ...
عند حلااا كان الوضع جمِيل بكل .. طبعاً هي لا حب لا سو متريحة من توفاية المرحوم علي قاعدة ع الابيض لا حب لا سحنتي .. هههه زعمه مرحوم صح ؟
عُمران كاين فرحان بأسيل و متريح معاها و روحهه فيها .. وعن قريب تلبيستهم ، هل تستمر العلاقة ! ولا أسيل تطلع مش لعمران و تخرّب الخلطة كلها ؟ ..
مُهاب نفس الشيء مافيش جديد لكن عنده ماضي و قصة مردومة مافيش حد عالم بيها .. هل ح يقعد مُهاب المُهندس الراقي و المبجل صاحب السُمعة المسك .. ولا يدير فضيحة تخرب مسيرته ومسيرت هله كلهم ؟
عند عُمر و ولاء كان الوضع بعيد عن المألوف ... كان في حُب و حركات ماكننش قاعدات من قبل .. هل هك ِ نقدرو نقولو ان ولاء اعلنت حُبها لعمر ، ولا تخفي فِ كارثة جديدة وتبعد في الشُبهات عنها ؟
مِية سُؤال في سؤال ... ح نلقو اجاباتهن في الحلقات الجاية .. خلوكم في انتظار لان الحلقات الجاية فيهن أحداث مرة ناااار 🫦🔥 .
________
يُوم الفرح ...
حُور .....
مُؤيد ....
يُتبع ..
#جواز_جني ❤️ .
لـ ملاك المغربي ❤️ .
( خيال ممزُوج بالواقع ) .
