#زواج_جني_لـملاك_المغربي ❤️ .
طبعاً مشى أُسبوع مُشوق علي حُور و مُؤيد علاقتهم اطورت بطريقة غريبه و تهبل 😭 ، حور كل م لها كل م تحب مُؤيد و مُؤيد ذايب فيها وعاجبه الجو ...
حُور ..
آخر حاجة توقعت روحي نديرها اني نحب مُؤيد بعد العار اللي درته 😭😂 ، الُمهم ي جماعة نجلي و ينقني نحبهه 🥹😂 .
مِؤيد ..
قتلكم تو تحبني ولا ؟ سوبحااان الله انا ديما صادق يرا 😂😂 ، المُهم حُور حبتني و نا نحبها ونحن نحبو بعضنا و نحبو ولدناا ❤️ .
خطرههاا اتفقنا ان لو جبنا عيل نسموه وسام وكان جبنا بنت نسموها وتين ❤️ .
_____
يُوم ترويحة مُؤيد ...
حُور ناضت بدري وكان خاطرها طول الاسبوع اللي فات عليها ان تنوض علي هدية كالعادة 🥲😂 .
المُهم ناضت بدري و دوشت ودارت غداء يسهففففف وردت دوشت اخرى 😭😂 ، وبخرت الحوش و جهزت الطاولة وعطت العاملة اجازة قيسها عابيه علي طقش 😂😭 ولبست فُستان قماش خفيف طوله حاير لونه ليموني وفيه نقشات بورد الاقحوان نعرفوه كلنا طبعاً ، ودارت تنت خفيف و بخت عطرها اللي يموت فيه مًؤيد 😭😂❤️ .
حُور كانت فالمطبخ تجهز ف سفرة القهوة و تسمع الباب انفتح .. دارت روحها طرشه عشان تبيه هو يجيها قعدت تستنى فيه معش جاء !
حُور بصوت واطي : يابي هذا وين راح .. و قررت انها تطلع تشوفه لقاته معرم الاكياس عند المدخل وهاجم علي سفرة الغداء 😂😂😂😂😂😂😂😂 .
حور صبت قدام مُؤيد و حطت ايدها علي خصرها : صحيحة 🙂.
مُؤيد : سلمك يروحي الرز يهبللللللللل حرفياً .
حور تعايب عليه بصوت يضحك : يهبللل حرفياا 😒 ، تو هذا عمل ي الفاسد ي البطناج معقوله لك اسبوع غايب علي مراتك الحامل وتروح تبرك ع الوكيل بلا م تسلم 🙂 .
مُؤيد : لالا ي السمحة سلامنا مش هنا سلامنه فوق ، توا قعمزي كولي كويس مازال ياما دونك 😉 ، جايك الدق اللي ماهو دقك لكن المرة هذي انتِ و مصحصحة 🤣 .
حور تبحت فيه و مصدومة : لالا نبي نمشي لعيت عمي نور انخطبت 🙄 .
مُؤيد ببرود غريب : تمام امشي لنور عندك حق ، لكن بيت غادي مش ح تباتي .
حور : هضيسماا !! انا حُرة نبات ننكلب مشووري .. وقص عليها مُؤيد ببوسة طويلهههه خبرها م خبرش 😭😂 ،
مُؤيد باعد من حُور : خلاص مشلازم نقاشاات يحوري ، عدي بدلي عشان نوصلك يلا ورقى للدار
حُور تحكي مع روحها : هضاا كنهه يرا ! مشطبيعي وكعليي 🙂 ... ورقت وراه للدار
حُور : اطلع نبي نغير
مُؤيد يلبس ف الساعة : حتى انا طالع اصبري
حُور : كنت عندها صح
مُؤيد لف بإستغراب : من اللي كنت عندها
حُور : فوت فوت
مُؤيد : لالا مش فوت شن في ي حُور ؟
حور خنقتها العبرة : مافي شي خلاص اطلع بنغير
مُؤيد مسك يدين حُور : اسمعي يعيوني انا صح نصمط عليكي لكن و الله مُستحيل نخونك يحُور ، معقول كلامك !
قصدي انا بعد ضمنت انك ليا و تحبيني قعدت نديرلك ف جو اني كل يوم بوجه عشان نبي نردلك شوي من التعب اللي عشته معاك !.
حُور عيونها تعبن دمُوع ومنظرها قعد يهبل : شنو معيله هي ! انا ماكنتش نحبك وقتها ولما حبيتك حسنت مُعاملتي لك ! انت توا دروحك تحبني واتعب فيا !
مُؤيد خذاها ف حظنه : نحبك وربي نحبك
حور : اطلع نبي نغير رجاءً !.
مُؤيد حس بندم غريبب وطلع وسكر الباب وراه .
بعد 15 ساعة حور تلبس ف سلسلتها وتحكي مع نور
حُور : شن قررتي تلبسي ي النقاقة
نور : مش عارفهه خاطري نلبس فستان اسود
حور : وكعليي سوك ف دوك يكلا اسود يوم خطوبتك !
نور : قعدتي زي العزايز اووف كنها اللي تجوز تنكلب
حور : بطلي بلا بلعطه علي هالقصة الحوب اللي عشتها را مجوزة غصب عني ومش شايله مسؤوليه بكل 🙄
نور طربقت ضحك : هرسس هرسس 😂😂😂😭
حور : ههههههه صح حتى انا حسيت روحي هرست 😂😭
نور : يعني نلبس فستاني الاحمر ؟
حُور : يلي من فرحي 🙂
نور : تي لالا اللي جبته علي فرح جهاد ( ولد عم مُؤيد ) وبعدين مالبستش را قتيلي مدامي أوڤر
حور : صح مدامي أوڤر
نور : هيههههه راني مدام توا 🙂
حور استوعبت : صح يعيوني نجكلييي كبرتي وبتقعدي عزوز زيي 😭😭😭😭❤️❤️❤️❤️ ينعلااي شن احساسك ، شن احساسك ف هذي اللحظة
نور : احساسي نبي نطير هذا وين خذيت اللي نحبه 😍😂❤️❤️❤️❤️
حور : نجكليي يعيوني ان شاء الله ربي يهنيكم
نور : زعمهه يجيب معاه عرب ؟
حور : من يبي يجيب مثلاً طارق بن زياد 🙂 ؟
نور : وهههه مثقلك يرا 😂😂😂😂 ، مندرعن قلت يمكن يجيب الوليه اللي رباته ف دار الايتام ؟ ويجيب اصحابه صح ؟
حور : يمكن مش عارفه بس الاكيد والطبيعي ان مش ح يجي بطولهه بكللل .
نور : باهي انتِ شن لبستي
حور : ي حنهه لسبت توب ستان لونه أبيض علي بدلتي السودة !
نور : هذي متاع التنورة و الجاكة الرسميه ولا ؟
حور : ايوا هذي ودرت ميكايج مالت ع الاحمر ولبست طوق ناعم ع الفضي شرايكك بسس !
نور : لالا اكيدة فُوضا يحبيبي 🥹😂 .
حور : نجلييي يراا ، هي وجك قبل م ينحرني عمك له ساعة يراجي فيا 😂😭
نور : نجكليي مُوعاا مرايفهه علييهه
حور : موعا نجكلي مشطبيعيي رايح
نور : لالا من يومه فصلات عمي هي تشاو
حور : مربوحة .
وبدت حور تبخ في عطرها وتعدل ف روجها علي خشت مُؤيد
مُؤيد : وين الجماااال يحبيبي
حور : شرايككك بس 😂😂
مُؤيد : غزال يغزالي والله غزال
حُور : شُكراً ي تيسي 🥹😂
مُؤيد : رومانسيه متفول عليها عندك يرا 😂😂😂
حور : تي صقععع علييككك عندي رومانسيهه عمرك ماريت زيها 😂😂
مُؤيد بوقاحة : صح صح زي هذك الرومانسية لما رديتي عليا وكنتِ تحسابيني علاء 🔥 .
حُور حست بكسرة وجديات بدت تكره مُؤيد : وقححح وقححح نكرهكك .. خذت عبايتها ودفاته وطلعت للسيارة .
ركب مُؤيد للسيارة وطول الطريق ولا واحد فيهم تكلم عند وصلو لحوش محمد ..
طبعاً اليوم تلبسية نور .. لأن كريم مستعجل وخايف هلها يغيرو رايهم .. ونور شرطت ان مايكلمهش الا بعد الفاتحة شرينتي توبة وجو 🤣🤣 .
