#زواج حني لـ ملاك المغربي ❤️❤️.
لايك قبل ماتقري ❤️.
مُؤيد ...
سلام يحُور عيوني .... عارف انك ماتحبينش وعارف اني محشم بيكي قدام العرب .. بس خلاص انا ح نتغير وح تشوفي مؤيد ثاني بكللل .. ح تشوفي مؤيد اللي ترفعي راسك وتفتخري بيه قدام الناس .. مرات اطول غيبتي لكن نوعدك انك مش ح تشوفيني الا و انا احسن طيار فيك يـ برقةة .
رد بالك علي روحك يـ حُور عيوني ❤️❤️❤️.
حُور تقرا فالرسالة و مصدومة !
حور ..
ماتوقعتش ان يرد .. لاء ومش اي ردة يبي يكمل قرايته ! يـ ربييي شن هالحصلة 🤦🏻♀️ ، مُشكلتي مراته توا ، اووووف شن بندير ... يـ الله ما وراية الا الصبر و نشوفو سبع البورمبة شن يطلع منه .
___________
مرن سنتين مليئات بالاحداث علي شخصياتنا ..
مُؤيد اللي كان بعيد ومنقطعات اخبارة ..
كلهه علي شانها .. علي شان حور بنت مُعاذ ... ههه من قال نسيب الكفي و الشلل و نكمل قرايتي 😂 .. يـ نعلاااي البنية هذي تفعل المُستحيل .. بس مش خسارة فيها .. ونا واثق انها تو تحبني ❤️ .
حور ...
قاعدة زي المستوها نستنى فيه امتى يروح .. سمعت ان صفى جميع موادة وجابه الاول ع الدُفعة .. و سمعت ان طلع لـ امريكا عشان يشتغل .
و الحمدلله حسّنت علاقتي مع نُور .. و العفريتة معش ردت ، اصلاً خلاص شن تبي رادة ! مالصقتي في دعية الشر مُؤيد شن تبي رادة 🙂💔.
نور ...
قاعدة كويسة مافياس باس .. الحمدلله رديت لصاحبتي و وكملنا الامتحانات ونستنو في النتيجة و اطمنت علي عمي لكن في حاجة ناقصة .. كريم 💔 ، كريم اللي يرفض فيا و مستمر في رفضيي ، بس ليششش ! انا ماعنديش سُمعة سيئة ولا انا بنت سيئة ومش شايف ولا شي غلط ولا عمري زعلتهه .. زعمه في حد في حياته 💔 .
كريم ..
نحبها يـ ناس وعارفها تحبني ، لكن خايف 💔 ! خايف تعرف حقيقتي خايف هلها يرفضوني اذا هيا وافقت اصلاً 💔💔💔.
لمار ...
يأست 💔💔💔💔 ، خلاص معش عندي فُرص للمحاولات 💔💔 ، ثاني مرة يصير معاي نفس الموقف و ينضحك علي 💔💔 ، عارفه ان اللي ندير فيه حرام ! وعارفه ان كله مني وحور مالهش ذنب من الاساس 💔💔💔 ، لكن شن ندير يـ ناس نحبههه مانقدرش بلا مُؤيد .. عارفه اني غلطت لما خنته 💔 لكن لازم يسامحني ع الاقل عشان العشرة مش عشان حُبي له 💔💔💔 .
حلا ...
قاعدة نتفرج عليهم ونحمد في ربي مية مرة اني مش متاعت حُب و سريبات 😂😂😂 . من بعد المرحوم شطبت سريب الحُب خلاص ، قلبي كان لـ علي و مات مع علي 💔❤️ .
مُهاب ..
يـ عليكك حالات و خلاص عرب متكلبة سحر و حب وغرور وكره و اسرار و دراما بدوية 🙂💔 .
بس مافيش حد خير من حد 🤦🏻♀️ ، ونا عندي زي مصايبهم و يمكن اكبر💔💔💔💔.
عُمران ..
الحمدلله اللي فتكينا 😂😂 ، الحمدلله خطبتها ❤️ خطبت أسيل حُووب حياتي ، حتى لو كانت مش خطبة رسمية ، لكن المهم ان الناس كلها عرفت انها ليا و بإسمي ❤️ .
ولاء ..
الحمدلله علي كل حال .. انا مرا مجوزة حتى لو جوازي تقليدي ومافيهش حُب لكن انا بديت نرضى باللي عندي ، بالذات ان توا عندي وليدين زي القمر ❤️ و عمر يحبني ومش منقص عليا شي الحمدلله .. و مؤيد 💔 اجوّز برضو وقاعد يطور من نفسه عشان حُب حياته .
______________
يوم النتيجة ...
كانو كلهم ملتمين في صالحة حوش مِعاذ ، طبعاً وضع نور و حور ماينوصفشششششش يتراعشن تقول راكبة فيهن خناقة العرايس 😭 .
حميدة : غير بشوية يـ بنيات كنكن اتراعشن لا اله الا الله.
اسماء : صح كلامها بطلن بلا طواطي اللي حطيتنها تلقنها.
حلا تضحك : حور صار فيها هكِ يوم النتيجة يوم الفرح شن بيصير فيها 😂😂😂😂😂.
حور : هنننننن ذكرهن ونكد عليهم
نور : بكل تو تلقيها دايرة قرعةة من الخوف 😭.
حلا : عميقههه 😂😭😭.
اسماء : بطلن بلا وساخة زايدة وصبن ديرن قهوة
حميدة قرصت نور عند طارت : صبي يـ خرا.
نور : احااا يـ حني صبيت صبيتتت.
خديجة ( ام نور ) : شن احاا هذي يـ فرخة سكري فمك
حور : هذي كلمة احمد يـ دويجة 😭😭😭 .
خديجة : صخصخ حتى احمد لسانه معفن
حور : الله غالب وسع بالك
احمد وهو خاش يجري ؛ فتحح الرابط حي عليكم
حور : ينعلاااي
نور : يـ ربي 😭
و بسرعة ما كتبو الارقام و طلعت النتيجة
احمد : نابيدي مادة وحدة .. باهي كويس مقدور عليها
حميدة : 🤦🏻♀️🤦🏻♀️🤦🏻♀️
احمد : نور .. 89% .. بييييي
نور : الحمدلله و ضربت احمد : قول ما شاء الله ي ربحك
حور ترعش مع بعضها : مبروك نويرة ❤️
و كلهم باركو لـ نور
احمد : حور يـ حور 🙃
حور : اطري 😭😭
احمد : 96% يـ زروطية 😂❤️
حور : شهادة من دينك ، وطارت في سماها ماعد نزلت من الفرحة
حلا : مبروك يـ عوبة نا سعتها جبت 98 😌😂
كلهم باركو لـ حور و مشى ليوم بفرح و لعب و ضحك و تلفون حور ما سكتش رسائل المُباركة .
_______
الساعة 8 فالليل ...
حور و البنات كملن حوسة العشاء و خلن حور تربت في المواعين اللي في الغسالة . و فجأة حور تسمع صوت رسالة .
حور حطت التبسي في البوكس متاعة و دساتة وجت رفعت تلفونها لقتها رسالة من رقم غريب ...
الف مبرُوك يـ حور عيُوني ❤️❤️❤️❤️ .
من يومك شاطرة و متفوقة يـ بنت مُعاذ 😂 المُهم نبيش نضايقك واجد يحبيبي ان شاء الله من تقدم لتقدم و نشوفك في احلى مُهندسة فيك يـ برقة ❤️🔥.
حور حست بشعور غريب و طبعاً عرفت ان الرسالة من مؤيد ماحبتش تكسر بخاطرة و تفاعلت عليها بقلب و طلعت ..
_____
فالصالة ..
نور تلبس في عبايتها : هي باي حبيبي 💋
حور باستها : سلامات ❤️❤️❤️
نور : خطرها قبل مانطلع
حور : انعم !
نور : مؤيد كلمك
حور : اها 💔
نور : كنك مضايقة يعيوني 😢
حور : مش عارفه حاسه روحي ضالمة عمك 💔 لكن في نفس الوقت مش طايقته يـ نور سامحيني بس مازلت نحب علاء
نور اضايقت من كلامها بس ماحبتش تبينلها : فاهمة عليك يحبيبي .. ونا واثقة ان عمي ح نسيك كل شي ... شوفي انتِ كيف تغير و كمل قرايته علي شانك ، سعتها جدي ياما هزب فيه وقاله مش مسامحك تقعد سايب بلا قراية وماعبرش وانت بدون ماتطلبي منه مشى وكملها عشانك وعشان مايبيش يحسسك بالنقص قدام الناس 💔❤️.
حور تنهدت براحه : ان شاء الله خير ... لكن عمك حاصل مايبيش يسبني في حالي مُصر اني نظلمه معاي 🔥🙂
نور : هههههههه لا عادي عمي مقاوم للظروف الصعبة و تو تشوفيه 😂😭 ... وصلتها رسالة شافتها وتغيرن ملامح وجها
حور : كنك ؟
نور : لا شي هذا تذكير دايرته عشان المشاريع و هكِ هي سلام و طلعت
حور : سلامات و سكرت الباب .
_________
بنات حلقة قصيرة آسفه و ربي بكرة نعوضكن 😭❤️.
