جحيمك 16

بارت 2

الخيانه تصير من يبدي الحجي مثگل.

الكاتبه شهد
_________________________ شمس:صعبه كلش من احد قريب منك ينطيك علمود فلوس او علمود يخلص منك كلش صعبه
••••••••••••••••••••
شمس:مقرره اخرب كلشي وشيصير خيصير .
(بمكان ثاني....)
علي يمه مااتزوج شتحجين انتي تعرفيني مااحب الزواج ولا بمنو اتزوج من بت قاسم هه.
صفيه:ثق بالله ياعلي اذا ماتتزوج هاي بعد لساني ميطخ لسانك لعد شتريد تبقى هيج طايش وكليوميه تجي سكران ومسويلك مكسوره؟تزوج هاي البنيه مؤدبه عرفتهم من خالتك تكول مؤدبه .
علي:يابه خرب"""(كفر)مااريد مااريد يمه ليش هيج تسوين لان احبج ومااكدر ارد بكلمه؟
صفيه:علي يمه تعرفني مريضه اذا متت وانت مامتزوجه لهاي البنيه اضل مراضيه عنك.
وكف علي تنهد وكال:هاهيَ يمه شتريدين يصير تدللين.
صفيه:عفيه وليدي قابل شبيها مراضي انتَ والله تخبل البنيه اليوم ب6احنا رايحيلهم اني وخالتك انتَ وصلنه وانتظر بالسياره يوم حبيبي نتفق على كلشي ونطلع.
اردف علي:يصير خير
علي:اعرفكم عني عمري 26 اني محامي بس مااشتغل بمهنتي اشتغل بشركتنه حالتنا فوك الزينه عايش ويَ امي ابويه ميت .
•••••••••••••
نرجع لشمس...."
صارت الساعه ب4:11 ابويه فوك راسي هوَ وامي
قاسم :يله ليلى خليها تسبح وتجهز خلتفضنه اريد كلشي جاهز وزين لان اذا ماصارت الخطبه اكسرج وياهه يله بسرعه.
ليلى: ههههاييي لا كلشي تمام لتخاف بس عاد نريد نطلب منهم فلوس تكسر الضهر.
قاسم ضحك بضحكته المستفزه وراح.
فتت سبحت واني ابجي عل هلعيشه هاي!
خلصت صارت ب5ونص لبست دشداشه ومشطت شعري وماخليت شي لوجهي.
امي اجت رزلتني وكفختني على راسي كمت خليت مسكاره وحمره.
صارت ب6اندكت الباب خواتي يهدن بيه ويكولن لتسوين شي والله قاسم ميرحمج دربالج كالت رانيا
رانيا:شمس لتسوين شي والله قبلي بلكي يطلع خوش رجال وتخلصين من هاذ العار ابوج.
فاطمه :اي والله بلكي يطلع بي حظ وحاولي لتستفزين قاسم ترا يحطج ويكتلج كدامهم ماعنده يما ارحميني
نفخت بضجر ورا شويه صاحوني رحت وديت الكهوه
شفت ثنين نسوان ولابسات لبس يجنن وكاشخات
سلمت عليهن وامي تكرص بيه علمود اكعد كعدت واني على اعصابي اخير شي كالت
صفيه :انتو موافقين مو صح عيوني?
كالت امي بتوتر :طبعا كلبي طبعا واكيد هسه ابو شموسه اتفق ويا ابن حظرتج لان واكفين برا اثنينهم
صفيه :تمام انشالله خير رقم علي يم ابوها ردولنه خبر ..يله عيني مع السلامه.
طلعو وراحو وامي رفعت حواجبه وكالت
ليلى: يوهه واخيرا رح اخلص منج
اجه ابويه كال
قاسم :ميحتاج نردلهم موافقه هسه حجينه بالباب على كلشي اني والولد ومن طلعن النسوان هم اتفقنه الحاظر 20مليون والغايب30مليون ههه الخطوبه بعد اسبوع والزواج وراها بأسبوعين .
رانيا: جنه واكفين على صفحه وهاذ الغبي طمعان بالفلوس شمس صاحت بصوت فززتني بي
شمس بصياح ودموع:مااتزوججججج مااتزوج على كص ركبتي مااتزوجج الله ياخذكممم.
ابويه عيونه صارن بكصته ضربها راشدي فر وجها فر فقدت توازنها شمس ناعمه وضعيفه مو مال تنضرب
وهو كمل يضرب بيها فاطمه تدخلت هو دفعها وكعها عل طاوله لزمت ضهرها صارت تبجي واني انهديت حرت بمنو افاكك اروح لبيت زوجي يكتلني ويهين احنا اجي مامرتاحه
تفل علينه وراح وامي راحت للصالون تسوي شعرها
واني لميت شمس وفاطمه لحظني وشمس بجيها يدك بكلبي ... لفينه راسنه ونمنه منشوف غير امي منجوخه فوك روسنه وتدردم ..

ليلى: فضينه الله ياخذج كعدي شمسس بسرعه الولد علي خابر على ابوج كله اليوم نروح نجيب الحلقات والذهب بسرعه بدلي فضينه .

شمس :انتو شبيكم مشايفين وبعدين شلون اروح وياه واني مااعرفه وبعده غريب عني
ليلى:دنجبي لا اجي افرك حلكج والله لو يسمعج ابوج اله يلعب النعال على راسج كومي بدلي لج.
كمت سبحت وفرشت اسناني شفت وجهي شصاير بي من كتلني ابويه خدي مورم من الراشدي تنهدت ولبست
بنطرون اسود وقميص طويل ولبست شيله بيضه وحذاء رياضي ابيض وخليت عطر ماخليت مكياج مااحتاج اني حلوه ههه بس الله لا ينطي الراشدي مبين وخدي مورم شويه
المهم انتظرت شويه ودك هورن رحت فتحت الباب شفت سيارته مبين مفخفخ من هاي ابويه لزكني بي
صعدت ماباوعت عليه بس شفت امه ويا راكبه كدام
شمس:السلام عليكم .
صفيه:وعليكم السلام حبيبتي شلونج
شمس: الحمدلله
علي :استغفر الله
صفنت هاذ شبي ايع لا رد السلام لا شي ويحسسني مطايقني ويستغفر دولي عساس اني طايقته
امه تحجي ويا وهو يسوق واني ماشفت منه شي مدنكه راسي وادعي على ابويه بكلبي وصلنه يم صيدليه امه كالت
صفيه : اوكف اروح اشتري حبوب وجع راس هسه آجي .
وكف هو وهيَ راحت ؏ـم الصمت دقايق وكال

علي: باعي انتي ترا لا متزوجج عن حب ولا ميت بيج لا تحلمين زايد خوش بابا؟
صفنت هاذ شبي ومنو ميته عليك من عاب هلشكل راسك هاكده جنه راس باجه
حاولت اجمع قوتي كلت:هلزواج مو اني اختاريته!
واتمنى تنهي كلشي اني صغيره وماريد اتزوج.
احجي واني مدنكه واشوفه هو هم ميباوع
علي:لا صدك هه كولي هلكلام لابوج الي طمعان بفلوسنه .
حسيت بأهانه صارتلي ردت احجي امه اجت
كالت :ها عيني اخرتك حبيبي
علي:لا يوم ماكو تأخير
شمس:امه تحجي وياي واني اجاوبه كد السؤال اختنكت وصوتي بين بي الخنكه والذله

وصلنه لمحل الذهب واختارتلي امه طقم واخذنه الحلقات هو شفته يباوعلي بس اني كبل دنكت المهم رجعنه.
بالطريق كالت امه :حبيبتي لتجهزون كولشي علينه الكوشه وهاي الامور علينه انتي عليج تكونين مره أبني .
ابتسمت الها وكلت لا خاله شسالفه احننه رح نسوي كلشي متقصرون انتو.
هي حلفت همه يجيبون الكوشه وكلشي وكالت بيوم الخطوبه نروح اني وياج للصالون واني رح احجزلج بدله.
كلتله
شمس:شكرا خاله متقصرين.
صفيه :لا حبيبتي لتشكريني.
علي:اسمع الهم وساكت البنيه من نزلنه للمحل لاحظت وجهه مورم كأنو مضروبه ضليت اباوع الها منتبه لخدها مبينه مضروبه هي باوعتلي وكبل نزلت عينه
البنيه حلوه حلوهه كلش
بس كلش كصيره اني وينن طولي 189
المهم وصلناه للبيت وهي نزلت علسريع وطبت للبيت
__________________________
يتبععع....🫀