جحيمك 16

بارت 17

"باچر الضلمهه تغثگ منيلك مثـلي شمسّ"

الكاتبه شهد📜🤎🤎
حسابي انستا تابعوني(mareana_180).
____________________________
شمس:خلالي الكانونه وضل ساكت ويباوعلي شويه وكال.
علي:يله اكلي .
شمس:مااريد نفسي تلعب.
رجع ضهره على الكرسي وكال بنظرته الحقيره .
علي:حامل ههه.
شمس:لالا اكيد لا مستحيل.
ورث جكاره واردف.
علي:ايي شمس كليلي شنوه المستحيل .
شمس:مستحيل اجيب طفل من شخص مريض نفسي وشخص اكرهه.
باوعلي وهز راسه .
علي:اي انشوف.
شمس:درت وجهي عنه واني ساكته وهو ساكت صار يمسح على ايدي حتى يمشي المغذي ..مرت كم دقيقه وكلي.
علي:يله رح اشيلهه خلص المغذي.
شمس:كله الي ديصير بيه من وراك عفت امة محمد كلهه وتزوجتني .
علي:ابوج شمرج عليه.
شمس:لما انتو اجيتو جان هسه اني كاعده ببيتنه.
علي:خوش.
شال الكانونه واني كبل كمت من الجربايه قلصت عيوني لان داشوف سواد ضحك وكال.
علي:شبيج مسويه هيج جنج فاره.
شمس:رجاءا ممنوع تحجي وياي الله يخليك.
علي:اويلي اتكهرب على الثكيلات والميتحاجن.
شمس:استغفر الله ياخي تزوج طلكني شطالبني طلابه انتَ روح تزوج هاي ام شعفه الخضره.
علي: شفتي شلون تغارين عليه .
شمس:ومن منو اغار يمه شو اخبل وجمالي طبيعي مو مثل غيري كلها سليكون .
علي:اي واني احب الطبيعي .
شمس:اكلك وخر عني عندك گلب شكبره واني متخربطه عوفني وخر خلي اروح.
علي:وين موليه.
شمس:جوا يعني وين وبعدين اني اريد ارجع لبيتك ماريد هنا.
علي:خوش.
شمس:نرفزني جان اقلد كلامه وبطني نغزتني قوي وتأوهت شويه ضحك وكال.
علي:نزلي جوا شعلتيني.
شمس:باوعت عليه شو هاذ بشرته صافيه وابيض ورموشه شطولاتهن فلكك .
علي:هاا عطلت الجوزه.
شمس:هاا ياجوزه.
علي:عقلج.
شمس:لا وين كلشي مابيه .
طلعنه من الغرفه وصلنه للدرج كتله.
شمس:علي.
علي:خير.
شمس:شيلني على الدرج.
علي:اكلج انجبي.
شمس:ليش تكلي انجبي بعدين اني جني ريشه حتى متحس بيه وبعدين ڪُل هالعضلات ومتكدر تشيلني ههههاييي.
علي:عضلاتي ميريدن يشيلنج.
شمس:هسه ديله فضني.
شالني واني كتله.
شمس:ياا علي موو هيج اني اريد على ضهرك.
سحبني من ايدي التوجعني واني عطت بصوت يضحك هوَ ضحك جان تصعد عسل واني شلت روحي ودكيتها بالكاع هسه مراح يشيلني ماطول هاي اجت.
علي:ها عسل.
عسل:ها عيوني شو من ساعه 12انت ماكو وهسه ساعه بالاربعه.
علي:اي شمس تعبانه شويه.
شمس:باوعت لعلي وهوَ باوعلي وضحكنه وهي مثل الخبله تباوعلنه متدري شكو.
عسل:ها شكو ضحكوني وياكم.
شمس:لا شي ميخصج .
علي:شويه عسل وخري خلي اشيل شمس.
عسل:وشكو دتشيلها وبعدين اهلك كلهم جوا عيب يعني.
شمس:علي البس حجاب؟
علي:بكيفج اللي يريحج بس اخواني ميباوعون .
شمس:عادي ماالبس يخنكني.
علي:هاهيه بكيفج.
عسل:ترا ميصير.
شمس:يله علي شيلني.
شالني بين اديه واني اضحك وهو يكلي .
علي:ولج هاي ضحكتج مال راقصات بطليهه اخواني موجودين.
شمس :خوش خوش.
علي:منين اخذتي هاي الكلمه ولج.
شمس:من واحد عنده عضلاتت وحلو.
نزلني من نزلنه جوا وضل يباوعلي ورافع حاجبه ويضحك وعسل ورانه نزلت وهي تمشي على السريع معصبه طبت لغرفتها.
علي:منو الحلو والعنده عضلات.
شمس:ياا منو ومنو كال هيج اصلا.
علي:اي خوش خوش.
طبينه للصاله وشفناهم كاعدين كلهم دياكلون كيك وخالين جاي وهاي السوالف علي راح يم اخوانه ومريم اجتني.
مريم:ولج خوفتيني عليج كلشش.
حضنتني واني هم حضنتها.
شمس:عمري ليش تخافين عادي بس اني شويه لازمتني دوخه ولعبان نفس يمكن مستبرده.
مريم:باعي عندي اختبارمال حمل انطيجيا؟
- اردفت بسرعه واني متوتره.
شمس:لا لا ماريد مو حامل.
مريم:هسه يمكن حامل وماما اكيد حتاخذج للدكتوره تشوف شبيج.
شمس:مريومه والله مو حامل لتخوفوني.
مريم:خلص يروحي مو حامل كافي.
شمس:اني رح اروح اسبح.
مريم:تكدرين تصعدين الدرج لو اجي اساعدج.
شمس:لا يعمري انتي حامل ميصير اتعبج اني اكدر امشي.
كمت من مكاني وعلي باوعلي وصلت للدرج ولحكني.
علي:وين رايحه.
شمس:للمالديف تجي؟
علي:وثول .
شمس:رايحه فوك.
علي:خوش اني رح اطلع ويه حسين واحمد .
صعدنه هو بدل وراح واني طلعت ماسك وخليته على وجهي لان وجهي تعب من عاشرته لهاذ ابو راس مدوحس.
قفلت الباب ووخرت الماسك كعدت اسوي بوجهي بالخيط احب اعتني بروحي سويت جسمي هم مع انو اني ملسه .
طلعت اشياء للجسم واعتنائات وحضرت ملابسي ورحت للحمام اعتنيت بجسمي وسبحت وبدلت وطلعت.
علي:صارلج ساعه شتسوين بالحمام.
شمس:احتريت من الفشله واني شايله العلب مال مقشرات واعتناء.
شمس:شنو شوكت اجيت انتَ.
علي:من قبل شويه رحنه جبنه هديه لأمي عيد ميلادها باجر.
شمس:هاا اي تمام.
علي:شنو هاي شو مبيضه بالزايد.
شمس:جنت اسبح .
فتت للغرفه وهو نزع تيشيرته وراح يسبح ضليت اخلي عطوره وطكيت المسكاره  مادري شبيه تخبلت لان ماعندي شي اسوي صرت اطلع مواهبي .
نشفت شعري وشسورته حتى لا ابرد من السبلت.
شويه وسمعت صوته يصيحني.
شمس:هاا.
علي:جيبيلي ملابس.
شمس:ايي.
رحت جبتله ومد ايده دياخد الملابس ولزك بيدي واني اصيح على كيف علمود محد يسمع فشله.
شمس:ياا علي وخرر عزاا بعيني انشالله يبووو.(بهمس)
علي:جبانه.
هد ايدي واني رحت للغرفه ركض يمه عزا ردت ابجي .
كعدت لزمت تلفوني واطكطك صور جني مخبله.
خابرت على فاطمه حجيت وياها واخيرا زوجهه صاير زين وصاير ميمد ايده ردت اهلهل.
سديته منها خابرت على رانيا سلمنه وسألتهه على امي وابويه .
شمس:حيلل يستاهلون الله ماوفقهم بشغلهم الحرام امداهم فشلو يستاهلون
رانيا: ولج اي مااستمرو كم يوم وبطلو من هالشغل خافوا.
شمس:وانتي شمدريج بهاي السوالف؟
رانيا:امنه الحنونه كلتلي.
شمس:لو بيدي اله اتبره منهم ايعع.
دخل علي واشرلي بيده منو كتله رانيا.
ضلينه نحجي وهو كبال المرايه ويباعلي .
سديته منها وتنهدت .
علي:شبيج.
شمس:مابيه
علي:عندج فستان لباجر لو لا؟
شمس:اي عندي .
علي:اي زين.
تقدم يمي وكال .
علي:هاج جبتلج هاذ روحي واستخدمي بسرعه .
شمس:قشعرت من شفته لازم بأيده اختبار للحمل.
شمس:لا عوفني ماريد.
ردت انزل بس انتچه على الباب وكال تستخدمي غصبا عليج خوش لو اعيد؟ او تعرفين شيصير .
شمس:اخذته واني ارجف ضميته بجيبي ونزلت لمريم خليتها تعلمني .
مريم:مو كتلج اخذي مني الاختبار وسويه اول وتالي حتسويه .
شمس:اي.
سويت الاختبار وكلشي واني متوتره شوي وباوعت عليه شفته ؟؟؟؟؟؟
خطين بس خفيفات ضليت مصدومه صحت علي وكتله تعال صعدلي واني ارجف وابجي هو باوعلي بنظره ماعرف شنيه بس احس وراها شي هالنظره .
شمس:علي شنو هاي مو حامل مو؟؟
علي:حامل .
شمس:كعدت على القنفه واني ابجي واشهك مغطيه وجهي بأيدي ومادري شسوي مو كد مسؤليه مثل هيج بعدني صغيره.
علي:شكو تبجين مافرحانه(بنبره حقيره)
شمس:عوفني دمرتني شسوي هسه اني بس احجيلي شسوي هسه .
علي:تعاي حبيبي لتخافين اني وياج.
حضني واني مامطمنه اله ابد احسه ديمثل .
بادلته الحضن لان ماعندي احد بس هوَ.
مسح دموعي وكومني ويا غسلي وجهي وكلي .
علي:المفروض تفرحين مو تسوين هيج .
صفنت عليه واني كلبي مامرتاح اله ابدا شفته راح وشرب حبوبه واني ضليت واكفه بمكاني اشرلي بمعنه تريدين .
شمس:لا ماريد.
علي:اي بكيفج يله تعالي ننزل ونكول الهم هالخبر الحلو.
شمس:نزلت ويا وهوَ كللهم وكلهم فرحو واني روحي تلوب مااريده ومامطمنه اله ولحنيته الغريبه.
ضلو يضحكون ويسولفون واني مو يمهم علي حضني لصدره واني ساكته بس اوزع ابتسامات.
_____________________________
يتبعععع🤍🙇🏼‍♀️🎀.
اليوم بالليل اكو بارت هم🫶🏻💜.
حسابي انستا تابعوني والي عدها قصه ترسلها🤎(mareana_180).