جحيمك 16

بارت 13

"چـَا والناس ،والوههواس؟
واثـّار البچي ونواحه!
ترا التعباטּ من روحههَ ما أظن تبرد جروحهّ.

🤍🪞🤍🪞🤍🪞🤍🪞🤍🪞🤍🪞🤍🪞🤍
الكاتبه ﮼شهد 📜🤎.
__________________________

-رحت يمه بعد ماصاحلي شفته هوَ وخاله كاعدين .
علي:تعالي حبيبي يمي.
شمس:ابتسمتله بخفه ورحتله كعدت يمه ضلينه نسولف ونضحك وهيج وعسل كلشويه جايه تباوع لعلي وتروح يتخاطفون نظرات هوَ وياها عاد اني مااهتميت ضليت احجي ويه خاله كملو العشه صاحونه ناكل رحت غسلت ايدي ورجعت شفت عسل يم علي صفنت ورحت كعدت يم خاله ومريم عل طاوله .
عسل:اي شجبرك تتزوج بت السطعش هههههه.
- اكتفه علي بأبتسامه وهو يباوع لامه وامه تخزر بعسل .
ضلت تحجي وتبسمر بالكلام لحد مكالت.
عسل:اي شلون تعرفتوا؟
مريم :هسه شعليج بيهم عوفيهم .
صفيه:كافي عسل .
عسل: ياخاله شبيكم هوَ سؤال شدعوه كله علمود هاي.
علي:چو كافي عسل.
صفيه:انتي شبيج شهل كلام .
مريم:كافي ماما ليرتفع ضغطج.
شمس: كمت بهدوء من الطاوله مع انو جان الاكل طيب بس شكول على هاي ام راس شعفتها لا خضره لا صفره .
- رحت للغرفه اخذت ملابس ورحت اسبح.
............................
12:00بالليل
عسل:مشتاقتلك علي
علي:اني اكثر
عسل: ليش اخذتها؟
علي:تعرفيني لخاطر امي .
عسل:بس هاذ الزواج نساك ايامنه؟ طلكهه علي طلكهه مستعده اوكف بوجهه الكل علمودك.
علي:اممم

شمس:طلعت من الحمام انشف شعري فتت للغرفه شفته ماكو جانت الساعه ب12 ونص بالليل خليت عطر ومرطب شفايف دامشط شعري واني صافنه عليه بس كلبي مامرتاح احس اكو شي او حيصير شي كملت شعري نزلت ادور على خاله بس استحيت اروحله خاف نايمه رحت للمطبخ اخذت نستله من الثلاجه ومي داصعد الدرج سمعت صوت علي ديسولف بس الصوت جاي من غرفه عسل؟!!
- فتحت الباب وطبيت شفت شي مستحيل انساه بحياتي صعبه الخيانه حتلو مااحبه بس ماانطاني اهميه؟
- كاعده بحضنه لمساته كلامها وكلامه!
ضليت فاتحه عيني واني واكفه بالباب علي شافني ابتسم وهو رافع حاجبه واحتظن عسل اكثر.
وكعت النستله والمي من ايدي ماعرف شعوري خوف كره حقد مااعرف جنت اريد اصيح الشي الي بداخلي يهد جبال.
- عسل انتبهت لوجودي وكامت بسرعه من حظنه وهيَ خايفه ومرتبكه
عسل:شمس احنا بس اقصد جنت داع...
علي:لتبررين.
- اكتفيت بنظره هادئه وعيوني كلها موع مشيت صاعده فوك من صعدت فوك بقيت اردد .
شمس:اهدي اهدي انتِ متحبي عادي خليه احسن خليه اهدي .
- اباوع على روحي شلون ارجف واتنفس سريع كلبي يدك حيل حاولت اصير قويه بس دموعي نزلن بقيت ابجي بحركه جنت اتمنى اتزوج شخص حنون عليه ويعوضني الي عشته حنت اتمنى بس بقن امنياتّ ماتحققن لميت رجلي لصدري كعدت بالكاع واني ابجي
شمس:ميخالف احسن حتى يطلكج احسن خليه براحته مااحبه مريض هذا مريض نفسي ميخالف.
باوعت لايدي شفتها ترجف وحمره.
بالثواني الي صافنه بيهن على ايدي والدموع بعيني انفتح الباب دخل بس ماباوعتله ضليت صاده عنه وعيوني على ايدي شلون ترجف .
حسيته يباوعلي ضل يباوع ونفس وكفته شويه واردف.
علي: شبيج خيرج.
- بس كال شبيج انهارت اعصابي صرت ابجي واصيح واني اشهك .
شمس:شنو معنه هذا الشي الصار ليش ليشش متحبني طلكني ياخي طلكني فك ياخه منيي مو اني بت قاسم مو اني بنت بيت اهل الدعاره مو اني بنت الفكر مو اني الزعطوطه الي مااستاهلك الي تحملت حالاتك النفسيه وضربك اليي بهل اسبوعين شوفتني الويل ولا حجيت ولا نطقت هسه تطلكني متحبني على الاقل احترمني هيج تسوييي اني عندي مشاعر اني انسان احس اني مو حيوان انضرب ومن تريد شي لازم محد يردك حرام (ببجي ).
- خلصت كلامي واني اشهك هوَ ضل فاتح عيونه على وسعهن وخازرني .
علي:حالاتك النفسيه؟ ههه خوش .
- جرني حيل طلع من جيبه حبوب بالباكيت نفس شكل الي شفتهن قبل بس هذني بباكيت طلع وحده وشربني الحبايه كوه حاولت اذبه ماكدرت .
اعصابي رخن كمت ماكدر اعصب ولا اسوي شي همس يمي وهو يلعب بشعري ويكول.
علي:هاي حياة المريض النفسي عيشيهه شربتج مهدئات ههه.
شمس:دفعته واني النعاس كتلني مدري شبيه
شمس:مريض انتَ اكبر جبان تنهزم من واقعك بالدوه لان تعرف واقعك مر وانت شخص تافه .
- طلع مكص من الجراره وتقرب ناحيتي دفعته بكل قوتي بس متأذه .
شمس:اي اكتلني بعد احسن ولا اشوفك.
-مااعرف شلون لزمني وكعت بالكاع وهو فوكي ولازم شعري يريد يكصه صيحت بصوت كلش عالي .
شمس:لااا لا حباب اسفه والله.
علي:اني مو حباب اني كو*****
شمس:عليك الله علييي.
كام وكف ولطخ راسي بالكاع صرت ماشوف انعدمت الرؤيه بعيني بس كمت غسلت وجهي احاول اوخر الدوخه مني كاعده بالكاع واني دايخه وعيوني مغوشه
علي:ها شفتي المريض؟ لو بعد احجيلي حتى اطلعلج مهاراتي لو تريدين بالسره اطلعهن الج
مسحت دمعتي وكلت :اسفه.
علي:چؤ ممقبول .
زدت بالبجي ديخوفني والمكص بصفه اخاف يكص شعري .
-اجاني وجع ببطني وراح مثل النغزه ..باوعت عليه يباوعلي ويدخن انعرض الموقف كبالي  نزلت عيني كبل.
علي:شفتي شلون كاعده بحظني شنو رأيج اتزوجه .
شمس:اي اتزوج تتهنى بس طلكني.
علي:لا ليش هلكد مشتاقه للعيشه ويه قسومي والدوده مالته.
شمس:منو الدوده؟
علي:امج.
- تقدمت ناحيته وكعدت بالكاع هو عل جربايه واني بالكاع لزمت رجله وهو مدنك عليه والجكاره بحلكه .
شمس بتنهيده: ليش؟
- عقج حواجبه مفاهمني.
شمس:ليش تكرهني والله مجبوره والله العظيم مو اني الاحب الفلوس افهمني لمره وحده بس انتَ من اتزوجتني لحد هاي اللحظه ممنطيني مجال احجي حباب اسمعني الله يخليك .
علي:احجي.
شمس: باوع علي والله معليه بيهم ولا مثلهم لا اني ولا خواتي احنا هيج هو وامي زوجو خواتي من هنه وبكدي وهيج اعمار واني افترو عليه اول شي بطلوني الي بكدي هسه راحو اعدادي بس اني بالثالث وبطلت ببدايه السنه وهسه الطلاب معطلين ونجحوا وزوجوني  وحرمونه من الحنان حتى ازواج اخواتي هم هيج حالتهم الماديه مثلك زينه وهيج ابويه يدور الاغنياء بس اني مو مثله والله مو مثله مالي ذنب والله انت جاي تأذيني وتتعب نفسيتي !(بهدوء ممزوج بحزن)
- نفخ الدخان بوجهي كحيت وكال.
علي: صحه ...شكو ماكلتي مجبوره؟
شمس:والله همه همه تتذكر من طلعت وياك وويه خاله من رحنه نشتري ذهب للخطوبه تتذكر وجهي جان ضاربني لاني رفضت نزلو دموعي واني اكمل ومن اجيت بعد الخطوبه مو شفت حالتي شلون؟ مو شفت ايدي بوقتها حاولت اوكف هاذ الزواج ماكدرت اذا ناوي تأذيني الله يخليك طلكني اني اتمنى اعيش ماريد اتعذب متعرف شيصير بيه من تضربني .
علي: مااحبج ولا رايدج اصلا ناوي اتزوج تزوجتج لخاطر امي لان مريضه وشفتي شلون واذا انتي نچره فكي حلكج بحجايه وكليله اريد اطلك وها لا عبالج اخاف لا وحك ربج مااخاف من اكبر راس واكبر راس ادوسه وامشي اني خوش؟انتي خافي على روحج لان انتي اذا همه درو رح اصير اكفخج كدامهم حافظي على كرامتج.
شمس:بجيت بقهر وحسره شهكت شهكه شكت صدري عاف كلشي حجيته واذيته الي مركز على كرهه وحقده عليه عفته ومشيت للجربايه ردت انام وصاح بصوت فززني .
علي: بالكاعع.
شمس: اخذت المخاد شمرتهن بالكاع ونوب الكاع بارده مشعول السبلت تلفوني اشتغل وهو يعلن رساله كبل لكطه
شمس:شبيك علي.
علي:الزمي هاي اختج ها بالمناسبه حلو اسمي بحلكج.
شمس:صفنت شبي هاذ مسحت عيوني وعدلت المخدات ونمت .
11:00الصبح..
شمس :لكيت روحي بصف علي صفنت كلت شجابني هنا لكيته ديباوعلي باوعت عل وشوم الي بأيده وكبل نزلت عيوني شكد واشم .
ابتسملي وكال
علي:نطلع اليوم؟
- درتله وجهي عل سريع والابتسامه بوجهي.
شمس:وين.
علي:بكيفج بس كون مكان بي حظ.
شمس:امممم شنو رأيك نروح لمدينه الالعاب.
علي:اي ونكعد نلعب شده ياورد؟
شمس:هههههه هاي شبيك لا مو هيج.
علي:نروح لمطعم؟
شمس:بكيفك ..
علي: بدلي خلي نرجع للبيت اول شي.
شمس:تمام.
بدلت وكملت طلعتله كال
علي:شنو ساعه صارلي ساعه انتظر شكوو.
شمس:خنست منه وكتله اسفه بس مشه غميته شكد عيني صلفه فلا اخاف هو صح يخوفني بس الخوفه تروح بسرعه ترا لا عبالكم اخاف .
ودعناهم ورحنه للبيت وصلنه كعدت على القنفه وحطيت ايدي على خدي فكرت اذا اطلع ويا اكيد رح يعيرني بعدين .
شمس :علي اني ماريد اروح.
علي:خير؟
شمس:هيج مااريد .
علي:خوش .
راح سبح وطلع للمطعم.
-صعدت للغرفه علي راح للمطعم يجيب اكل مابيه حيل اطبخ واكله مااعرف عمي خيروح شنو قابل كومه عنده فلوس عل اقل نصرفهن عل اكل مو على شي ثاني الحمدلله اني ضعيفه شما اكل بس مو عوده كلش.
نياله لازم يصلي ليل ونهار لان اتزوجني بس هو ادبسزز ميعرف قيمتي.
رحت سبحت طلعت بجامه وتيشيرت لبستهن سويت شعري ذيل حصان احب شعري كلش خليت عطر .
نص ساعه وسمعت صوته يصيحني.
شمس:اجيت.
علي:هاج اكلي رايح فوك احجي تلفون لتجين .
شمس بأستغراب واني اخذ العلاليك:تمام
__________________________
يتبععع حبايب🎀🙇🏼‍♀️🤍.•
احتمال ينزللكم بارت بالليل كلش كلش مشتاقتلكم 💜.
حسابي الانستا للتواصل وارسال القصص(marena_180)🫶🏻