جحيمك 16

بارت 11

هَلي راح امشَي تاليّتَي
بَلاش العَيشة وياكُم
بَس الثَمن نَفسيّتَي
شَنو الفايدة فرحان وي الناس
و تَعبان مِن أهَل بيّتَي .

الكاتبه ﮼شهد✨🫶🏻.
________________________
شمس:اتفقوا هوَ وخاله نروح لبيتهه.
- كمت سبحت هستوني داطلع من الحمام شفته بوجهي يريد هم يسبح صارت عيونه تتجول بقذاره عليه عفته وركضت للغرفه .
- لبست بنطرون ابيض وقميص اسود وشيله بيضه والحذاء اسود رياضي شويه وطلع من الحمام دينشف بشعره واني كعدت اخلي مكياج خفيف مسكاره وحمره واحمر خدود خفيف واخير شي خليت عطر .
كمت اخذت جنطه صغيره تكمل الستايل خليت تلفوني وعلج وعطر وحمره .
نزلت بسرعه لان حسيتله ديباع كعدت يم خاله اباوع بالتلفون شويه وكالت .
صفيه:يمه شلونهه علاقتكم زينه بنيتي احجيلي؟
شمس:صفنت احجي الهه الي يصيرلي ؟قررت احجيله كلشي.
-هستوني اريد احجي وهو نزل من فوك يعدل بملابسه ويكول.
علي:علاقتنه عال العال تخبل واني احب مرتي .
شمس:فتحت عيوني على وسعهن ياربي شلون سمع اكيد عرف رح احجيله شراح يسويلي؟
- خفت خاف يضربني كدام امه ويطير المكياج
شمس:عمري اني هم ا..احبك.(احجي وامرد بأصابيعي .
- ابتسملي ابتسامه جذبيه وامه كالت.
صفيه:الله يحفظكم عيوني انتو عقبال اشوف ثمره حبكم.
- تنهد علي وكال.
علي:انشالله.
صعدنه بسيارته امه كدام واني ورا جنت لازمه تلفوني اخذ صور ماطول الشمس بعدهه شويه قويه باوعت على مرايته شفته يباوعلي كبل نزلت راسي قفلت التلفون وكعدت عاقله عاد ضلوا يحجون ويشاقون جان امه تكول.
صفيه:حبيبه تدرين علي عنده اخوان.
شمس:هاا لا خاله فلا ادري .
صفيه:يا يمه هههه شنو ماكايل الهه المهم عندي حسين الجبير وعلي الي شالع كلبي واحمد .
شمس:الله يحفظهم الج عمري(بهدوء)
صفيه:يمه فدوه لاخلاقج.
-اندار عليه علي وابتسم كبل نزلت راسي وهو رجع يسوق سواقته تخوف مو قانونيه امه عاطت بي يخفف
صفيه:ولكك يمه ضغطي يرتفع خفف السرعه لنسوي حادث.
علي:يمه شكد خوافه(بضحكه)
صفيه:ديله خفف التوبه عليه اطلع وياك شوف حتى وجه مريتك مصفر.
علي:ههههه وها انتي ترا دائما تكولين التوبه وترجعين تصعدين وياي.
صفيه:ياااا طاك الميانه وياي ولا عبالك امك .
شمس:ضحكت عليهم شلون يتناكرون فجأه حسيت بوجع ببطني فضيع لزمتهه وكلت.
شمس:اخخ.
علي:شبيج
صفيه:اسم الله شبيج يمه .
شمس:لا خاله اسفه مابيه شي بس تعورت .
صفيه:ديري بالج امي انتي وبعدين شنو هاي بله مال خاله كليلي ماما اني هم بعتبار امج .
شمس:صفنت عليه احس اريد ابجي كلامهه كلش حنين عليه حبيتهه كلش .
شمس(دنكت مستحيه وحاسهه بحنانهه):اي صح عمري.
صفيه:اي حبيبتي اني جنتي مرت حسين هم تكلي ماما متعوده عليه وانتي هم انشالله تاخذين وتتعودين عليه.
شمس:انشالله حبيبتي.
علي:تحمحمت شفتهن كلبن عل حنيه .
وصلنه للكراج مال بيت كالت امي نزلني حتى اكلهم اجيتو نزلت واني كلت لشمس ابقي.
علي:انتضري وين نازله.
شمس:ها .
علي:ديربالج تتفوهين بكلمه او ياكلمه حرف واحد اكتلج خلاص ومحد يدري عنج .
شمس:لا والله مااحجي ابدا ماحجي شي .
علي:انتضري ننزل سوا .
شمس:يي
-نزلنه طبينه لبيت هواي حلو نفس بيت علي وشفت الصاله جبيره وبيه نسوان وشباب يمكن اخوانه لان يشبهو...
_________________________
عمري اسفه البارت قصير بس معلكه كانونه وبالكوه كتبته والله وداحاول مااقصر لانو هاي اول روايه اكتبه  ونوب مدارس وامتحانات جايه فاااا عذروني حبايب.
🌸🌸🤍🤍
الانستا مالتي للي حابه ترسل قصته الي(mareana_180)🫶🏻