[Unicode]
🎶 မြူးကြွတဲ့တေးသံ.. ပျံ့လွင့်လို့နေ 🎶
🎶ကူးပြောင်းစ...တန်ခူးလေမှာ 🎶
🎶 တစ်ယောက် တစ်လှည့်မို့ ... လှမ်းကာဖျန်းပက်ကြစဥ်🎶
🎶 ပိတောက်ဖူးလေးတွေ...ပန်ဆင်ထားသူရေ 🎶
ဟိုဟိုဒီဒီနေရာအနှံ့မှပျံ့လွင့်လာသော သီချင်းသံဟာ မြူမြူကြွကြွပင်...
မကြာခင်ရောက်တော့မဲ့ အတာသင်္ကြန်ကိုလည်းပျော်ပျော်ရွှင်ရွှင်ကြိုဆိုလို့ရယ်...။
အနီရောင်နှင်းဆီပင်အား ရေလောင်းနေသော နွေဦးဟာလည်း သင်္ကြန်ပိုးထလို့ ကြားရသမျှသင်္ကြန်သီချင်းများကို ခပ်တိုးတိုးလေးလိုက်ဆိုနေမိသည်...။
" မကြာခင် သင်္ကြန်ရောက်တော့မယ်ကွ ဟား... "
ခြံရှေ့ကဖြတ်သွားသော လူငယ်တွေဟာလည်း သင်္ကြန်ရောက်ဖို့အတွက် အတော်လေးတက်ကြွနေပုံရသည်...
ထွက်လာသောအသံတွေဟာ ကြည်ကြည်လင်လင် အစွမ်းကုန်တက်ကြွလို့နေသည်...။
တစ်နှစ်မှတစ်ခါသာ ဖြစ်တဲ့ထိုရက်ရာဇာများကို လူတွေမျှော်လင့်နေတာ အဆန်းတော့မဟုတ်ပါ...။
" ကိုကြီးရေ မြို့ထဲခဏသွားရအောင် အမေစျေးဝယ်ခိုင်းနေတယ် "
သင်္ကြန်ကိုတမ်းတနေရင်း အိမ်ထဲကထွက်လာသောညီမဖြစ်သူအသံကြောင့် အပင်ရေလောင်းခြင်းကိုလက်စသပ်လိုက်ရသည်..။
" ဆိုင်ကယ်ထုတ်လိုက်ဦးမယ် ခဏ... "
" ဟုတ်ကဲ့ "
ဆိုင်ကယ်ထုတ်နေတုန်း နွေဦးတို့နဲ့မျက်စောင်းထိုးခြံရှေ့သို့ ကားတစ်စီးထိုးစိုက်လာသည်မို့ ဘာရယ်မဟုတ်အနည်းငယ်လှမ်းကြည့်လိုက်မိသည်...။
" ဟာ! ဒီနှစ်လည်းကိုကြီးခန့်သူရပိုင်က ဒီမှာကဲမဲ့ပုံပဲ အစောကြီးကြိုလာလို့ပါလား "
ညီမဖြစ်သူနွေဦးမေစကားကြောင့် နွေဦးလွင်မျက်မှောင်ကျုံ့သွားရသည်...။
သူနဲ့အကြောမတည့်သော ဟိုမျက်နှာရူးကောင်က ဒီနှစ်လည်းဒေါ်လေးဝင်းတို့အိမ်ကိုအလည်လာသောကြောင့် စိတ်အတော်လေသွားရကာ...မျက်နှာကမသာယာနိုင်တော့...။
YOU ARE READING
သင်္ကြန်တမ်းခြင်း
Short Storyဒီပိတောက်တွေကိုဘာလို့အဲ့လောက်သဘောကျနေရတာလဲ... သစ္စာလည်းမရှိပါပဲ... ခန့်သူရပိုင်ဆိုတဲ့ကျွန်တော့်ကိုပဲသဘောကျလိုက်စမ်းပါ ဒီကကောင်ကသစ္စာရှိတဲ့အပြင် စောက်ရမ်းလည်းချစ်တက်တယ်...။
