قراءة ممتعة 🤍 🦋
شفت فيهم نلقاهم كامل يخزرو فيا بنظرة غريبة و لي طيح عيني في عينو يبعد عينيه، غير ختي الصغيرة سوسن كانت تبان مافاهمة فيها والو كيما انا، بدا كل واحد يهرب في عينيه بجيه و لي يحمحم و لي يتنهد...
فرح: واشبيكم الشوك راهو ينقز فيكم ول
يا يما وااااش قلت بابا عينيه حمارو و خالي شاف فيا و يضحك علابالو راح نشبع هراوة على طولت لساني حبييت زعما نرقع الحالة...
فرح: هههه ميشي قصدي نتمسخر معاكم برك
ذاك الغدا ما كمل غير بطلوع الروح و بابا كل شوي يقحرلي و ماما تشوف فيا مالبعيد و الباقي يضحكو عليا الياس الصغير و ضحك عليا، المهم كملنا و انا تنهدت بارتياح حصلولي الماكلة، نضت باه نعاونهم يلمو الماعن كريمة ماخلاتني نمس والو قاتلي نتي طيبتي كلش روحي تريحي، مالا تعاونت هي و خياتي و خالتي حكيمة راحت تدوش لوليدها و ترقدو، خالي خرج برا و انا بقيت مقابلة الحيط ماجبتش حتى تيليفوني معايا، قلت نرجع للدار و خلاص، بصح ماما عيطتلي و قاتلي تبعيني بقيت نمشي موراها و انا ساكتة حاسة حاجة دور و مانيش عارفة، وصلنا للصالون الكبير كانو جدودي و جداتي كامل ثم و بابا معاهم، دخلت انا و كريمة لي كانت جايبة القهوة و ماما سابقتنا...
يادرا واش راح يقولولها لفرح ؟
5 جام نكمل الحلقة الجاية لبنات 🤍
VOCÊ ESTÁ LENDO
زواج تقليدي و لكن عن حب
Romanceكرونيك روووعة باللهجة الجزائرية منقولة 🇩🇿 هاذ الكرونيك تحكي على وحدة عايشة في دوار صغير بين عائلة محافظة يقررو يزوجوها، فهل راح تقدر تتقبل هاذ الشي و هل راح تحب الشخص هذا ؟ قراءة ممتعة 🌼😘
