Unicode
၁၉၇၀ ခုနှစ်၌ ခင်ပွန်းဟောင်း၏ ရန်သူတော်ကြီးကို လက်ထပ်ခြင်း
အပိုင်း ၂
အခုမှ နိုးလာသော ချင်လိုင်တိသည် ပါးစပ်ထဲကနေ သွေးအန်တော့မလို ဖြစ်သွားရသည်။ အဘွားချင်သည်လည်း ထိုစကားတို့ကို ကြားလိုက်ရသောအခါ အောင့်သက်သက် ခံစားလိုက်ရသည်။ သူမ မြေးမကို ကယ်တင်ခဲ့သူသည် တစ်ယောက်ထဲမဟုတ်ပဲ ရဲဘော်လေးနှစ်ယောက်ဆိုသည်မှာ မှန်ကန်ပေသည်။ တစ်ယောက်သည် ကျောက်ချင်းစုန့်ဖြစ်ပြီး အမှန်တကယ် ရေထဲခုန်ချပြီး ကယ်ဆယ်ပေးခဲ့သူမှာ ထိုကျောက်တတိယသားမဟုတ်ခဲ့ပေ။အဲ့တာဆို သူမ လူမှားပြီး အပူကပ်နေမိခဲ့သည်လား။ကျောက်ချင်းစုန့်သည် ကောင်းမွန်သော ဘဝတက်လမ်းနှင့် နောက်ခံအင်အားတောင့်တင်းတာကြောင့် သူမမြေးမရေထဲသာမကျခဲ့လျှင် လက်ထပ်ယူရန် အဘွားချင်အနေနှင့် စကားတောင်မစရဲပေ။ ဒါပေမဲ့ တခြားရဲဘော်ဆိုသူသည် စစ်တပ်မှ အနားယူတော့မည်သူဖြစ်နေရာ အဘွားချင်သည် မစင်ပုံတက်နင်းမိသလို ခံစားလိုက်ရသည်။
ဘေးအိမ်က အဒေါ်လျှို့သည် အနာကို အပ်နှင့် ထိုးပေးသလိုမျိုး “အိုး အဘွားချင် မသိသေးဘူးလား။ အဲ့ရဲဘော်လေးရဲ့ မိသားစုက ပေကျင်းမှာ အဆင်ပြေပြေနေနိုင်တဲ့ အတန်းအစားထဲကပဲတဲ့။ “
အဘွားချင် ရင်ထဲ အဆင်ပြေသွားသလို ခံစားလိုက်ရသည်။“ဒါပေမဲ့ သူ့မိဘတွေကို ပေတဟွမ်ကို ရွှေ့ခံလိုက်ရတာလို့ ကြားတယ်နော်။ အဲ့တာဆို ဘယ်တော့မှ ပေကျင်းကို ပြန်လာနိုင်မယ်လို့ မထင်ဘူး”
အဘွားချင်သည် ချက်ချင်း မူးလဲသွားတော့မလို ခံစားလိုက်ရသည်။ သူမတို့ရွာသည် နွားတင်းကုတ်လေးလို သိမ်ငယ်သေးနုပ်သော်လည်း ပေတဟွမ်ဆိုတာ ဘယ်လိုနေရာမျိုးမို့လို့လဲ။ အဲ့ကလူတွေသည် မြေကြီးကို အိမ်လုပ်ပြီး ဖြစ်သလို နေထိုင်စားသောက်ရမှန်း လူတိုင်းသိနိုင်သည်။ ဒါ့အပြင် ထိုရဲဘော်လေးတစ်ဦးထဲ၏ မိဘတွေသာ ထိုနေရာကို ပြောင်းရွှေ့ခံရတာဖြစ်သည်။
အဒေါ်လျို့သည် မျက်လုံးများကို မှေးကာ “ အိုး အဲ့အကြောင်းမသိသေးဘူးလား။ အဲ့ရဲဘော်လေးက ပြန်ကြားရေး စစ်သားလေးဖြစ်ခဲ့တာတဲ့။ သူလျှိုတွေကို ဖမ်းဆီးဖို့ သတင်းရှာပေးရတဲ့ အလုပ်လုပ်ခဲ့တာတဲ့နော်။ သူဘာလို့ အနားယူလိုက်ရတာလဲ သိလား”
![](https://img.wattpad.com/cover/366869849-288-k820081.jpg)
ČTEŠ
၁၉၇၀ ခုနှစ်၌ ခင်ပွန်းဟောင်း၏ ရန်သူတော်ကြီးကို လက်ထပ်ခြင်း (ဘာသာပြန်)
RomanceName - In the 1970s, she remarried her ex-husband's enemy Type - Web novel Genre - Tags - 70s cnovel mtl Authors - Lao Hu Shiba Myanmar trans - Khat team Chapters - 60 chapters This Story Isn't Mine. We're Just Translation. All Credit To Original A...