تحت صبابه الغبراء

بارت3

زهراء: كل الامور جانت ماشيه تمام بس بعدين 

بديت اخاف من زها اخت سيف  جانت كل يوم تجي ل امي وتسولف وتكول

زها:  اني مو  زها اذا ما خليتهم يرجعون لبعض

زهراء: اني صح جنت خايفه من تصرفاتها الوسخه هيه وبنين لان جانن يتخابرن ويخططن شلون يرجعن سيف 

  بعدين كلت لنفسي
ما لازم اهتم لاني اثق بسيف حبيبي 

بهل فتره سيف صار يستلم
هواي قضايا واي قضيه يستلمها يفوز بيها جنت اشوفه بليل استغربت انو ذاك اليوم سيف ما رجع للبيت  اتصل عليه مبايله مغلق والساعه صارت 8بليل اجا بابا كال
ابو زهراء: تحضري نروح لبيت صديقي
زهراء:  بابا اني ما اريد اروح
ابو زهراء:  لعد نروح وانزلج يم بيت عمتج ام بنين   هم تشوفين بنين شويه وعمتج واحنا من نخلص نمر ناخذج؟!
زهراء: تمام بابا ع نياته وما يعرف بنين شطلعت حجي عليه وافقت اروح زها جانت يمنا وسمعت اني راح اروح لبنين بسرعه طلعت وشالت تليفونها بس اني ما هتميت  واني بالي مشغول ع سيف اكول وين راح وليش تأخر وصلنا لبيت عمتي ونزلت اني لوحدي ومشو اهلي بقيت ادك الباب محد فتح  دكيت الباب هواي انفتح وطلعت بنين بس عيونها
بنين: اهلا وسهلا تفضلي
زهراء: دخلت وسدت الباب ياريتي ما شفتها جانت طايره فرح ولابسه تيشيرت سيف وشعرها مخربط لا لا  لا مستحيل هاي التيشيرت مال سيف جابه يم بنين وليش بنين هيج حالها مكلوب سلمت عليها وطبيت للبيت سئلته
زهراء:لعد  عمتي وين؟!
بنين: راحو للطبيب والطبيب هذا ب السماوه يعني يتأخرون  اني لوحدي بلبيت تفضلي يروحي
زهراء: طببتني لغرفتها جان كلشي مكلوب هوسه ملابسه مشموره لكن شتميت عطر سيف بالغرفه واجتني صدمه وانهيار متت بدمي ياربي شجاي يصير كلت لنفسي عادي ترا مو بس سيف يشتري هل عطر ما كدرت لنفسي  لكن جذبني شي لكيت تشيرت سيف مشمور بلگاع وي ملابسه
زهراء: هذا التيشيرت مال سيف صح؟؟
بنين:  اي زهراء اكو امل اني ارجع اله بس لا تگولينن  لاحد اصلا هوا جان يمي 
زهراء: شنو شنو جان يمج؟
بنين:  ههههه والله شبيج جان يمي وگضينا وكت حلو وتراضينا اصلا
زهراء: اني هنا كمت ما اشوف دربي حسيت بدوخه وكمت اشوف الواحد ثنين
بنين:  بعد اذنج اغير ملابسي واجي
زهراء:  تمام وانا ايدي ترجف ومكدر اتنفس وعيوني تحرگني شويه واجت كالت
بنين: زهراء ممكن تسويلي سحاب الفستان مالي زهراء: اي تعاي وخرت شعرها واشوف بركبتها اثر  مال عضه او بوسه اني بعد ما كدرت لنفسي ولا اكدر اكبر راسها واحاجيها واني ادري انها تستفزني ولا اكدر اصدك سيف لان تأخر وما رجع واتصل عليه مغلق 
بنين:  اروح اسوي شي ناكله
زهراء: براحتج رحت وراه للمطبخ  اساعده
بنين: فدوه زهراء لا تكولين لاحد  اني وسيف راح نرجع
زهراء: لا يروحي مستحيل  احجي اطمئني  بالخير عليكم هوا هذا الي نريده  واسوي روحي فرحانه بس نار ومشتعله بكلبي  ردت اخابر  بابا يجي  ياخذني دورتلي عذر حتى ماتحس 
بنين اريد اروح للحمام
بنين: اي حبيبتي روحي اخذي راحتج
زهراء: رحت للحمام  طلعت تلفوني  واتصلت ع بابا
زهراء:  هسه تجوني
ابوزهراء: شبيج بابا اعصابج  بعدنا كاعدين  بابا زحمه
زهراء: بابا بليز  تعال اخذني حاولت وياه
ابوزهراء:  تمام
زهراء: مرت نص ساعه وفعلا اجو اهلي واني بسرعه مشيت وياهم رجعت ع البيت بنص الطريق وحجيت بابا اريد اروح لعمتي ام سيف اشوفه 
ام زهراء:  وين تردين الساعه 11 ممنوع ترحين
وهراء:بابا فدوه  خل اروح ما  اتأخر  والله
ابو زهراء: تمام اوديج لعمتج
ام زهراء:  ابو زهراء  صدك  تحجي  الوقت متأخر
ابو زهراء: ميخالف خليها تروح
زهراء:وصلنا بيتهم  مع العلم بيتنه بصف بيتنه كلش يعني جيرانه
ابو زهراء: روحي بابا حبيبتي
زهراء:نزلت من السياره ركض لبيتهم بسرعه وصلت لكيت الاضويه مطفيه والبيت صامت بس عمتي تشرب دواها والباقي كلمن بغرفته كعدت ويا عمتي وسولفت وياها وهاي وهيه راح ع غرفتها حت تنام واني طبعاً حضنتها وغطيتها وطلعت كلت لها
زهراء: راح امشي  عمه مع السلامه  وتصبحين  على  خير سديت الباب  صعدت للطابق الثاني طبعا غرفه  سيف  بالطابق  الثاني
فتحت الباب وطبيت هوا توه طالع من الحمام ينشف بشعره جان يسبح واني تخبلت بالزايد بسرعه صرخت بوجه
زهراء: ليش سبحت ووين جنت وليش تأخرت وليش قافل مبايلك يا سيف؟؟
سيف:اوكفي يروحي شبيج اسم الله  شنو حرام الواحد يسبح
زهراء:  سيف وين جنت كلي احجيلي وين جنت
واني دموعي تنزل  كلي وين جنت
جنت وياها سيف احجيلي
سيف: يروحي شبيج بس كوليلي منو هيه وبعدين ليش جاي تبجين
زهراء:  جنت يم بنين صح؟؟
سيف:  زهراء زهراء  يروحي بيج شي شنو كومي زهراء: كومني وغسل وجهي ولم شعري وكعدني وجابلي مي شربني
سيف: اخذي نفس ويله سولفيلي شصار وياج
زهراء: سولفتله  روحتي لبنين  كله
زهراء: سيف فهمني  ليش لكيتها لابسه التيشيرت مالتك وليش لمن دخلت غرفتها العطر مالك تارس الغرفه وليش كالت  رجعتو لبعض وكالت انتَ جنت يمها  وراضيتها وقضيتو وقت واني جان كلبي
مشتعل نار عليك اخاف عليك لان تأخرت وما ترد ع مبايلك تالي تطلع يمها ولك توخر شعرها حتى تشوفني الاثر الي تاركه بركبتها ليش هيج تسوي بيه يا سيف ليش؟
سيف:  والله العظيم جنت يم صديقي عازمني ع العشاء اني وباقي اصدقائي وطبعا كلنا  قفلنا مبايلاتنا وهسه اثبتلج 
زهراء:  اتصل ع صاحبه
سيف: وين جنت اني احمد؟
_   شبيك سيف جنت بيتنا وتعشيت يمنا
زهراء: حجه كلشي بس اني كلبي ما هدأ كتله والتيشيرت مالتك؟
سيف:  اني اعرف منو سوا هيج هاي زها ماكو غيرها صدكيني جاي يتفقن عليج  وانتي تصدكين بسهولة يكدرن يسون هيج شي بسيط ويخلنج تصدكين
زهراء: واثر حضرتك الي تاركه؟
سيف: هاي طايحه الحض وادبسزز
ما باقه عليه تشمر نفسها للرايح والجاي واني اريدج بس تثقين بيه ومعليج بالحجي وزها اني اعرف شحجي وياها بالوكت المناسب وانتي اطمني يروحي والله العظيم مستحيل اسوي هيج شي شمالني تخبلت
زهراء:  تمام اريد امشي
سيف: لسه زعلانه مو؟
زهراء:  لا بس اريد امشي حضني حيل وكال والله وعزته وجلاله اني افضل اموت ولا اخونج اني احبج اني هايم بيج
زهراء: حضنته وسندت راسي عليه وكمت ابجي كتله والله احبك مو بيدي اغار عليك ما اتحمل تصير لغيري
سيف؛  اشش لا تبجين يروحي
زهراء: مسح دموعي وراضاني رجعت ع بيت واني بالطريق شفت زها ابتسمت وغمزت الها بغرور
رجعتلي الغمزه
زها: ديري بالج يا صغيرونه من الي محضرته الج والله لاندمج ع كلشي سويتيه  ب اخوي

________________________
شنو المحضرته زها لزهراء برئيكم؟
راح يستمر هذا الحب؟ 
راح يقاوم الصعوبات؟
سيف راح يبقى يحب زهراء؟
لو يتغير هذا الحب؟

تابعو القصه  وشوف الاحداث

حساب انستا  انشر بيه اوقات نشر البارتات
تابعوه

قناه تلي انزل بيه اوقات تنزيل البارتات
https://t.me/fajhanfh

دمتم في امان لله وحفضه