زهراء: شكيت ساعتها انو زها هيه فبركت الصور
وطبعا هنا ما سكتت رحت وحجيت ل سيف
وشوفته الصور هنا سيف عصب وحجيت له كلشي حلفت له انهم مفبركات
سيف: معليج خليها يمي
زهراء: اخذ الرقم واتصل عليه من مبايله ف رد شاب ع الخط
سيف: السلام عليكم
_ وعليكم السلام
سيف: عيني بلا زحمه مراسلني ع واتس من رقمي الثاني وداز صور منو حضرتك والمن ذني الصور الولد بسرعه سده الاتصال بوجهي
زهراء: شبك ايدي بيده واخذني لبيتهم جانو كلهم بالصاله ابوه وامه واخواته واخوانه وماما وبابا وصاح بصوت عالي لمن فزيت من يمي
سيف: زهاااااااااااااا وينها خل تجي
_خير انشاء الله شكو
زهراء: اني احاول اوخر ايدي عن ايده بس ميقبل اجت زها تركض
سيف: زها تعرفين هذا الرقم المن؟
زها: لا لا والله العظيم ما اعرف
وصارت تبجي ولونها انخطف
احمد: شكو فهمونا
سيف: زها احجي المن الرقم وليش فبركتي صوره زهراء ويا واحد انتي وين تردين توصلين انتي ما تستحين
اتقرب بابا من سيف وهوا معصب
ابو زهراء: صور ايش؟؟
ام زهراء: لا على بختج والله ليش زها خاله هيج ليش
زهراء: ما اشوف اله سيف هجم على زها وصار يضربه بطريقه وحشيه
اني بقيت بمكاني ارجف
بابا تدخل حاول يطلعها من ايده بس مكدر حرفيا دمرها ضرب وطلع كل النار الي بكلبه واخذ تليفونها وكسره وباوع الهم بعصبيه
سيف: والله العظيم الي يفك حلكه ويكول رجع الها التليفون ما يلوم الا نفسه
زهراء: عمتي ام سيف تخبلت وصارت تبهذل زها وكلهم كعدو يسالونها ليش هيج سوت وبعد اصرار كبير منهم
زها: والله معليه والله كله من بنين هيه وهمتني وضلت تلح اسوي هيج
زهراء: بعد ما الكل راحو لغرفهم وزها صعدت تبجي لغرفته
رغم الصار وياي بس كلش فرحانه لان عندي شخص مثل سيف يثق بيه و مثل الذيب وكف كدام الكل وايده بيدي
فعلا حبيت رجال بمعنى الكلمه
مشو اهلي واني وياهم لبيتنه زعلانين
ام زهراء: بعد ممنوع ترحين تمام
زهراء: تمام
باوعت لبابا كلش ضايج
واني مسويه روحي ضايجه بس بداخلي ميته فرح
نامو اهلي واجيت اريد انام شفت رسايل من سيف
كاتب:
سيف: افتحيلي الباب
YOU ARE READING
تحت صبابه الغبراء
General Fictionتتكلم قصتنا عن بنت تقع في حب ابن عمتها ويحبها !! ويحاول الجميع تفرقتهم لكن هل هذا الحب سيبقى صامد امام الصعوبات؟! شاهدو القصه وتابعو الاحداث #بقلم الكاتبه #روان حميد
