#رهائن_الماضي
#الحلقة_18
نجلاء في حوشها ...ودق الباب كان الحاج بدر وامعاه مروان يبكي 😭😭
نجلاء : 😰 كنه ؟!!
بدر : مصطفى قاعد ؟؟
نجلاء : لا مش قاعد ...مروان كنه ..متعارك مع حد ؟؟
بدر : وين تندري عنه أنتي ...طالقته طول اليوم اينسرف من مكان لامكان 😡
نجلاء : 😰😰😣
بدر : أتصلي بمصطفى قوليله ايجي توا نبيه
نجلاء خشت بسرعة : حاضر ..حاضر ...حي عليا العيل شن داير ؟
الحاج بدر خش للمربوعة هوا ومروان ...وقعدوا يستنوا في مصطفى
نجلاء كلمت مصطفى ...وقالتله تعالى خوك معصب وجاي امعاه مروان يبكي ...ابصر شن داير الولد ....وعمكن مصطفى سيب كل شي وجاء طاير للحوش
.
.
.
.
.
صهيب : هبة كنك شن في ؟؟
هبة : العملية ماصارش منها 😭😭
صهيب حط يده على جبينه : تؤ تؤ تؤ ...أهدي بس ..شن صار ؟؟
هبة : بابا لم كل افلوسه عشان العملية بس ماسدوش 😥
صهيب : ليش العملية مش في المستشفى....تبي اديرها في عيادة خاصة ؟؟
هبة : العملية مش في ليبيا اصلا ...وزادها بابا جوازه ساقط ويبي تجديد ...والجوزات اموقفة من مدة ...يعني اصكرت من جميع الاتجاهات 🥺
صهيب : وسعي بالك بس ....إن شالله تنحل ...كل مشكلة ولها حل
هبة : كيف تبي تنحل بس 🥺
صهيب : أصبري عليا ...والله كل شي يمشي زي ماوعدتك
هبة : صهيب حبيبي خايفة منك حتى أنتا تبعد عني واتخليني
صهيب : أنتي ليش أتفكري هكي ...مافيش حد يبي ايخليك ...وأنا معاك ..ومشاكلك كلها تنحل وحدة وحدة ...بس خليك قوية ..وماتفكريش في شي توا
هبة : كنت عارفة أنه راحتي عندك ...ليا اسبوع أنخمم وشايلة أهموم الدنيا كلها فوق رأسي ..بس مجرد ما نسمع صوتك راحة نفسية وربي
صهيب أبتسم : وأنا معاش نبيك تنقطعي عني ..وأتصكري عليا ...ومعاش نقدر حتى نطمن عليك
هبة : أسفة ...بس حسيت روحي ثقيلة وأنتا ماتبيش تدوي أمعايا 🥺
صهيب : من قال بس ؟ عادي مرات الواحد متضايق من نفسه ومايبيش يدوي ...ليش تحسبي في الموضوع بشكل شخصي ؟
هبة سكتت : 🥺🥺
صهيب : ماتزعليش مني ....واقسم بالله ماقصدي انزعلك او انضايقك ...لكن جيتيني في وقت حمقة بس
هبة : لا عادي ..مش مشكلة
صهيب : أسمعي ...والله ماتفكري ولا تخممي في شي ...وأنا متاكد بنلقوا حل لكل شي
