عاهرة القيصر

الجزء 2

...كاين شي بيت فدربنا خاوي حيت انا ماعنديش مع الناس ديال درب ماكيقولوهاش فيا زوينة حيت عارفين ماما اشنو كانت وخوية فالحبس وكيبقاو يطلقو فالهضور لي كاينة ولي ماكينة كتقال منهم لله مهم جات واهيبة سولات علي داك لبيت لقات ثمن مناسب وكراتو مهم سكنات حدانا وليت انا وياها متقربين بزاف كنواسيو بعضياتنا خوية خرج من لحبس وهو يجهل وافقو لحبس ولا صحيح دابا ولا كايكمي وكايشرب كايجي لدار كاو ديما داير لينا شوها فالدرب كيبقا كيسب ويعاير وحتي واحد مايقدر يهضر
اصلان دربنا نصهم شمكارة ونصهم بزنازة هشام تبدل بزاف الي تقطع كيدير شوها لي تباع يهزها ولكريساج علي جهد ولا يجي لدار يهز شي حاجة ويبيعها باع تلفازة وفيسيدي وماخلا ماباع بقا ليه غير باه يبيعو ولا كيطمع فيا حتي انا ريال لي لقاه عندي يطيرو مابقينا عارفين واش ساكنين فدار ولا فالزنقة لي حطيتيها ماتلقايها روبلنا معاه لله يروبلو كنتهناو ملي كيكون فالحبس اوي بعدا لحمدلله ترقي ولا كيبيع لحشيش وعطانا تساع اما كان غايخلينا علي ضس واخا حنا عليه نيت مهم معروف فالحباسات يدخل ويخرج دايرو فندق عندو كليانو وبلاصتو معروفة واخا هكاك ملي كايكون فالحبس كيضسرو ملي كيخرج كيدير ليا لهيبة الي هضر معايا شي مخلوق ولا غير شاف فيا ماكيعقلش عليه اخر مرة دخل لحبس علي والو شد واحد فرشخو شتت ليه سنانو حيت كيتبسل عليا عبر عليه ضاسر نيت دارو عبرة لشي وحدين لمخير ماكيدورش بساحتي مهم هكاك دازو الايام ماخليت فين خدمت انا وواهيبة لميناج لوزينات لفيرمات كلشي دوزتو حتال لحرام عمرني قربت ليه ماسولتونيش علاش ماعمرني جلست فشي خدمة مدة طويلة ههه حيت كنت كنلقا موشكيل مع مول شي ولا شي حاجة بحال هكا دائما نفس لموشكيل كيبداو يتبسلو عليا وكل واحد فاش طامع بطبيعة الحال انا ماكنعطيهمش وقت شي نشوهو شي نعايرو شي نضربو مهم حتي حد مايقرب ليا ولا يمس شعرة مني كنشمأز منهم يععع ليوم كيف لعادة فقت جمعت الدار طيبت لفطور بيما فاق با مسكين حالتو غير غادية وكتدهور لعين بصيرة وليد قصيرة ماعندي ماندير ليه فطرت انا وياه خليت ليه داكشي لي غيحتاج حداه لبست عابيتي جمعت شعري وخرجت نشوف شي خدمة علي لله نلقاها
مهم انا عاودت ليكم باختصار تفاصيل حياتي السابقة والباقي غاتكتاشفوه من بعد
مهم خرجت مع لباب لقيت واهيبة جايا عندي(هي خدامة فلوزين ديال لخياطة)
انا:بسم لله الرحمن الرحيم منين طلعتي
واهيبة:(بغضب )فوتيني عليك ازمر تفو
انا:(كنضحك )مشا عليك لحال ههه شفتك كاعما مشيتي لخدمة مالكي لبارح ماجيتي عندي شحال تسنيتك
واهيبة: سيري لله يجيبك علي خير علاه ماشي جراو عليا لبارح نيت انتي علامن صبحت وجه نحس
انا:(بصدمة )اويلي ربي ربي ماتقوليهاش
واهيبة:ولله لعظيم داك شارف ديال مدير ولد لحرام مشيت ندي ليه شي سخرة وصاني عليها جالس كيتبسل عليا ياله شد ليا يدي وهي توقف علينا ديك لعقروشة ديال مرتو دارت ليا شوها قالت ليك الالة بغيت نطيرو ليها الشارف لي حطو
انا:(تفرشخت بالضحك)ههه لي ماعندو هم تولدو ليه حمارتو هانتي زدتي حتي انتي علي لحساب البطالة ياحبيبتي هههه
واهيبة:(كضحك)اودي كترت لهم كضحك فين هو داك شمكار ديال خوك لبارح كاعما سمعنا لموال ديالو
انا:علم لله فين هو مابايتش فدار بعدا تلقايه فشي جايحة
واهيبة:كاعما قلتي ليا فين غادية بعدا
انا:ههه بحال ديما نشوفو الي لقينا شي خدمة راه ولينا علي ضس غير هشام لي شرا دواء لبا اودي غير خليها علي لله
واهيلة:هاي هاي سي هشام تفوبر معاكم هي ضرب شي همزة صحيحة عاوتاني
انا:واييه اودي هو لله ضريف واخا شمكار الي كان عندو مايخبيش عليك
واهيبة:ههه والي ماكانش عندو كيكشطك
انا؛(خنزرت )ياله ياله نمشيو ندورو الي لقينا شي خدمة
واهيبة:واخا بلاتي نمشي نقولها مي ونجي
مشات كاتجري واحد شوية رجعات ومشينا كنسولو والو والو وصلنا حدا لبحر وتفرشنا فالرملة كنهضرو
واهيبة:عرفتي لبارح ملي كنت جاية من لخدمة فاش جراو عليا لقيت بنات درب مجمعين كيهضرو علي بنت لفقيه ولفضيحة ديالها باها ماقدرش يهز راسو فالناس اوي وبقيت واقفة معاهم نجيب تبركيكة شوية وهوما يجبدو جاد ولد سعدية لي فالحبس قالو راه خرج شكون هدا واش كتعرفيه
انا:وحنا مالنا خاصنا محابسية ولا شماكرية دربنا غيطرطق بيهم الله يحرقهم
واهيبة:وراه كيقولو زوين ياختي بغيت غير نشوفو كتعرفيه
انا:انا ماكنعرفوش حيت ملي كنت صغيرة وهو فالحبس قالو قاتل روح
واهيبة:اويلي علي مني كنتي صغيرة وهو فالحبس علاه قداش هو بالسلامة راه باقي صغير قالو
واهيبة:راه عرفت دخل لحبس صغير دوز الاعوام اللولة فالاصلاحية ملي دار 18 عام صيفطوه لحبس كانت مو كتعاود لمي ديك ساع فرعات لينا مخنا بيه اجي عقلتي علي ديك صفريطة لي دابزت معاها نهار ضربت ولدها داك لبروهش اشرف وجات كتغوت
واهيبة:اه واش هيا هاديك مو لله يخليها سلعة باين نيت كيغادي يكون بحال داك لمنونخ ديال خوه ههه